ពង្រឹង និងពង្រីកទំនាក់ទំនងមិត្តភាពជាប្រពៃណីរវាងវៀតណាម និងហុងគ្រី

សំណើរចំនួន៤ ដើម្បីរក្សា ពង្រឹង និងអភិវឌ្ឍន៍កិច្ចសហប្រតិបត្តិការវិនិយោគរវាងវៀតណាម និងកម្ពុជា

ពង្រឹង កិច្ចសហប្រតិបត្តិការអន្តរជាតិក្នុង ការប្រយុទ្ធប្រឆាំងនឹងបទល្មើសបច្ចេកវិទ្យាខ្ពស់ និងបទល្មើសឆ្លងដែន

ពង្រឹង និងពង្រីកទំនាក់ទំនងមិត្តភាពជាប្រពៃណីរវាងវៀតណាម និងហុងគ្រី

បន្ទាប់ពីបញ្ចប់ការចូលរួមក្នុងសន្និសីទ WEF នៅទីក្រុង Davos នាយករដ្ឋមន្ត្រី Pham Minh Chinh ភរិយា និងគណៈប្រតិភូនឹងបំពេញទស្សនកិច្ចជាផ្លូវការនៅប្រទេសហុងគ្រី តាមការអញ្ជើញរបស់នាយករដ្ឋមន្ត្រីហុងគ្រី Viktor Orbán។ នេះជាសកម្មភាពផ្លាស់ប្តូរគណៈប្រតិភូលើកដំបូងនៅថ្នាក់នាយករដ្ឋមន្ត្រីរវាងវៀតណាមនិងហុងគ្រីក្នុងរយៈពេល៧ឆ្នាំកន្លងមក។

យោងតាមសាស្ត្រាចារ្យបណ្ឌិត Le Minh Triet ប្រធានសមាគមមិត្តភាពវៀតណាម - ហុងគ្រីនៅទីក្រុងហូជីមិញ ទោះបីភូមិសាស្ត្រនៅឆ្ងាយពីគ្នាក៏ដោយ ដោយសារកាលៈទេសៈប្រវត្តិសាស្ត្រ ប្រជាជនទាំងពីរវៀតណាម - ហុងគ្រី បានរួមរស់ជាមួយគ្នា ស្វែងយល់ពីគ្នាទៅវិញទៅមក និងក្លាយជា មិត្តភក្តិ។ ហុងគ្រីគឺជាប្រទេសមួយក្នុងចំណោមប្រទេសដំបូងគេដែលទទួលស្គាល់វៀតណាមឯករាជ្យ។ ប្រទេសទាំងពីរបានបង្កើតទំនាក់ទំនងការទូតនៅថ្ងៃទី ៣ ខែកុម្ភៈ ឆ្នាំ ១៩៥០ តិចជាងប្រាំឆ្នាំបន្ទាប់ពីវៀតណាមបានប្រកាសឯករាជ្យ ហើយបង្កើតសាធារណរដ្ឋប្រជាធិបតេយ្យវៀតណាម។ ដំណើរ​ទស្សន​កិច្ច​របស់​ប្រធាន​ហូជីមិញ​នៅ​ហុងគ្រី​ឆ្នាំ​១៩៥៧​បាន​ចាក់​គ្រឹះ​យ៉ាង​រឹង​មាំ​សម្រាប់​ចំណង​មិត្តភាព​ល្អ​រវាង​ប្រជាជន​ទាំង​ពីរ។ ជាង ២០ ឆ្នាំមុន ហុងគ្រីបានបញ្ចូលវៀតណាមទៅក្នុងបញ្ជីអាទិភាពរបស់ខ្លួនក្នុងការទទួលបានជំនួយអភិវឌ្ឍន៍។

ក្នុងរយៈពេល ៧៣ ឆ្នាំកន្លងមក វៀតណាមមិនដែលភ្លេចជំនួយដ៏មានតម្លៃដែលប្រជាជនហុងគ្រីបានផ្តល់ឲ្យវៀតណាមក្នុងអំឡុងឆ្នាំនៃការប្រយុទ្ធដើម្បីការពារ និងកសាងប្រទេសជាតិ។

ទំនាក់ទំនងជាប្រពៃណីនៃមិត្តភាព និងកិច្ចសហប្រតិបត្តិការពហុភាគីរវាងប្រទេសទាំងពីរបានអភិវឌ្ឍយ៉ាងខ្លាំងក្លាក្នុងរយៈពេលប៉ុន្មានឆ្នាំចុងក្រោយនេះ ដោយបានសន្និដ្ឋានតាមរយៈសកម្មភាពផ្លាស់ប្តូរគណៈប្រតិភូគ្រប់កម្រិត។ ជាពិសេស ដំណើរទស្សនកិច្ចជាផ្លូវការនៅហុងគ្រីរបស់អគ្គលេខាបក្ស Nguyen Phu Trong ក្នុងឆ្នាំ ២០១៨ បានកត់សម្គាល់ ភាគីទាំងពីរបង្កើនទំនាក់ទំនងទៅជាដៃគូលើគ្រប់ជ្រុងជ្រោយ។ រហូតមកដល់ពេលនេះ ហុងគ្រីគឺជាដៃគូគ្រប់ជ្រុងជ្រោយតែមួយគត់របស់វៀតណាមនៅក្នុងតំបន់អឺរ៉ុបកណ្តាល។

សហគមន៍ជនជាតិវៀតណាមប្រមាណ៦ពាន់នាក់ដែលកំពុងរស់នៅ សិក្សា និងធ្វើការនៅប្រទេសហុងគ្រីក៏ជាស្ពានដ៏សំខាន់មួយក្នុងការជំរុញទំនាក់ទំនងទ្វេភាគីផងដែរ។

ហុងគ្រីក៏ជាប្រទេសមួយក្នុងចំណោមប្រទេសដំបូងគេដែលជួយវៀតណាមជាមួយនឹងថ្នាំវ៉ាក់សាំង COVID-19 រាប់សែនដូស និងឧបករណ៍វេជ្ជសាស្ត្រជាច្រើន រួមចំណែកជួយវៀតណាមឱ្យយកឈ្នះលើការរីករាលដាលយ៉ាងឆាប់រហ័ស និងបើកចំហរ និងស្តារសេដ្ឋកិច្ចឡើងវិញ៕

ឌឹកអាញ់

Thoidai.com.vn