នារសៀលថ្ងៃទី ១៣ ខែធ្នូ គណៈកម្មាធិការរណសិរ្សមាតុភូមិវៀតណាមនៃទីក្រុងហូជីមិញ - នាយកដ្ឋានបំផុសចលនា គ្រប់គ្រង និងប្រើប្រាស់មូលនិធិ “ដើម្បីជនក្រីក្រ” របស់ទីក្រុង បានរៀបចំទទួលថវិកាឧបត្ថម្ភដល់មូលនិធិថែទាំគ្រួសារក្រីក្រ ក្នុងឱកាសបុណ្យចូលឆ្នាំថ្មីប្រពៃណី ឆ្នាំរោង ឆស័ក ២០២៤ ដែលមានតម្លៃសរុប ៧០០ លានដុង។
 |
| វៀតណាម៖ ទទួលថវិកាឧបត្ថម្ភដល់សកម្មភាពថែទាំជនក្រីក្រ ដើម្បីអបអរបុណ្យចូលឆ្នាំថ្មីប្រពៃណីជាតិ ២០២៤ |
ក្នុងពិធីទទួលនោះ លោក Nguyen Thanh Trung អនុប្រធានអចិន្ត្រៃយ៍គណៈកម្មាធិការរណសិរ្សមាតុភូមិទីក្រុងបានវាយតម្លៃខ្ពស់និងថ្លែងអំណរគុណចំពោះការយកចិត្តទុកដាក់ និងការរួមដំណើររបស់អង្គការ អង្គភាពនានាដែលបានចូលរួមជួយឧបត្ថម្ភដល់មូលនិធិ “ដើម្បីជនក្រីក្រ” របស់ទីក្រុង បង្កើតមូលនិធិដើម្បីថែទាំគ្រួសារដែលជួបការលំបាក ក្នុងឱកាសពិធីបុណ្យចូលឆ្នាំថ្មីប្រពៃណី ឆ្នាំរោង ឆស័ក ២០២៤ ជួយប្រជាជនដែលមានស្ថានភាពលំបាក អំណរពិធីបុណ្យតេត យ៉ាងសប្បាយរីករាយ កក់ក្តៅ និងសុភមង្គល ក្នុងស្មារតី "មិនទុកឱ្យគ្រួសារលំបាកណាមួយ មិនបានទទួលអំណរបុណ្យតេតប្រពៃណីឡើយ”។ លោក Nguyen Thanh Trung បានមានប្រសាសន៍ថា ទីក្រុងនឹងបែងចែកការឧបត្ថម្ភពីប្រភពអ្នកឧបត្ថម្ភ និងសប្បុរសជន ដើម្បីថែទាំតាមខ្លឹមសារនិងមុខសញ្ញា ហើយសង្ឃឹមថានឹងបន្តទទួលបានភាពជាដៃគូរបស់អ្នកឧបត្ថម្ភ និងសប្បុរសជននាពេលខាងមុខ៕
មតិពីមិត្តអ្នកអាន