នៅព្រឹកថ្ងៃទី២២ វិច្ឆិកា នៅទីក្រុង Phu Quoc (ខេត្ត Kien Giang) គណៈឃោសនាអប់រំមជ្ឈិមបក្ស សហការជាមួយគណៈទាក់ទងបរទេសមជ្ឈិមបក្ស ក្រសួងការបរទេស បញ្ជាការដ្ឋានកងទ័ពការពារព្រំដែន និងខេត្ត Kien Giang រៀបចំសន្និសីទផ្សព្វផ្សាយអំពីការងារព្រំដែនគោក វៀតណាម - កម្ពុជា ឆ្នាំ២០២៣។
 បើកការតាំងពិព័រណ៌រូបថត “មោទនភាពតំបន់ព្រំដែន” នៅខេត្ត Kien Giang |
 ការប្រកួតកីឡាមិត្តភាព វៀតណាម-ឡាវ-កម្ពុជា ឆ្នាំ២០២៣ ដ៏ផុសផុល |
 |
| ទីក្រុង Phu Quoc (ខេត្ត Kien Giang)៖ សន្និសីទផ្សព្វផ្សាយអំពីព្រំដែនគោកវៀតណាម-កម្ពុជា ឆ្នាំ២០២៣ |
ថ្លែងមតិក្នុងសន្និសីទនេះ លោក Le Hai Binh អនុប្រធានគណៈឃោសនាអប់រំមជ្ឈិមបក្ស បានអះអាងថា សន្និសីទនេះក្នុងគោលបំណងផ្សព្វផ្សាយយ៉ាងទូលំទូលាយនូវសមិទ្ធិផលសំខាន់ៗដែលប្រទេសទាំងពីរវៀតណាម និងកម្ពុជា សម្រេចបានក្នុងដំណើរការសហប្រតិបត្តិការយ៉ាងជិតស្និទ្ធ ខិតខំប្រឹងប្រែងរួមគ្នាដោះស្រាយបញ្ហាព្រំដែន និងលើកកំពស់ការយល់ដឹងអំពីតួនាទី និងកិត្យានុភាពរបស់ប្រទេសជាតិក្នុងការការពារអធិបតេយ្យភាពជាតិ និងបូរណភាពទឹកដីក្នុងស្ថានភាពថ្មី។
បណ្ដាអង្គភាពនៅតាមខេត្តជាប់ព្រំដែននៃប្រទេសទាំងពីរ បានរកឃើញ ទប់ស្កាត់ និងប្រយុទ្ធប្រឆាំងប្រកបដោយប្រសិទ្ធភាពចំពោះកម្លាំងអរិភាពដែលយកបញ្ហាព្រំដែន និងជនជាតិ ដើម្បីបំបែកបំបាក់ចំណងសាមគ្គីភាព និងមិត្តភាពជាប្រពៃណីល្អរវាងប្រជាជននៃប្រទេសទាំងពីរវៀតណាម និងកម្ពុជា។
ក្នុងប៉ុន្មានឆ្នាំចុងក្រោយនេះ ការអនុវត្តកិច្ចព្រមព្រៀងសហប្រតិបត្តិការរវាងរដ្ឋាភិបាលនៃប្រទេសទាំងពីរ និងកម្មវិធីសហប្រតិបត្តិការរវាងក្រសួង ស្ថាប័ន និងមូលដ្ឋានទាំងពីរលើវិស័យផ្សេងៗ បានរួមចំណែកយ៉ាងសំខាន់ក្នុងការរក្សាស្ថិរភាពនយោបាយ ការអភិវឌ្ឍសេដ្ឋកិច្ចសង្គម ការធានាការពារជាតិ និងសន្តិសុខក្នុងប្រទេសនីមួយៗ និងពង្រីកទំនាក់ទំនងភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់វិស័យ ស្ថិតស្ថិរយូរអង្វែង រវាងវៀតណាម និងកម្ពុជា។
ប្រទេសទាំងពីរវៀតណាម និងកម្ពុជា មានព្រំដែនគោកប្រវែងប្រហែល ១២៥៨ គីឡូម៉ែត្រ ដោយឆ្លងកាត់ខេត្តជាប់ព្រំដែននៃប្រទេសវៀតណាមចំនួន ១០ (Kon Tum, Gia Lai, Dak Lak, Dak Nong, Binh Phuoc, Tay Ninh, Long An, Dong Thap, An Giang, Kien Giang ) និងខេត្តជាប់ព្រំដែននៃប្រទេសកម្ពុជាចំនួន ៩ (រតនគិរី មណ្ឌលគិរី ត្បូងឃ្មុំ ក្រចេះ ស្វាយរៀង ព្រៃវែង កណ្តាល តាកែវ និងកំពត)៕
មតិពីមិត្តអ្នកអាន