ក្នុងក្របខ័ណ្ឌសប្តាហ៍វប្បធម៌ និងទេសចរណ៍វៀតណាមនៅបារាំង នាថ្ងៃទី ១៨ ខែវិច្ឆិកា ក្រសួងវប្បធម៌ កីឡា និងទេសចរណ៍វៀតណាម បានសម្របសម្រួលជាមួយស្ថានទូតវៀតណាម ប្រចាំនៅបារាំងរៀបចំ “រាត្រីវប្បធម៌វៀតណាម” ដើម្បីអបអរសាទរខួបលើកទី ៥០ នៃការបង្កើតទំនាក់ទំនងការទូត និង១០ ឆ្នាំនៃការបង្កើតទំនាក់ទំនងដៃគូយុទ្ធសាស្ត្រវៀតណាម - បារាំង។
 ពិធីដង្ហែរភ្លើងគប់ព្រឹត្តិការណ៍កីឡាអាស៊ីអាគ្នេយ៍ – ស៊ីហ្គេម ៣២ |
 វៀតណាម-អ៊ីតាលីផ្តល់អាទិភាពកិច្ចសហប្រតិបត្តិការលើវិស័យវប្បធម៌ កីឡា និងទេសចរណ៍ |
 |
| រូបថត៖ TTXVN |
អញ្ជើញថ្លែងមតិក្នុងពិធីបើក លោក Nguyen Van Hung រដ្ឋមន្ត្រីក្រសួងវប្បធម៌ កីឡា និងទេសចរណ៍វៀតណាម បានអះអាងថា ប្រទេសទាំងពីរវៀតណាម និងបារាំង ទោះបីស្ថិតនៅលើទ្វីបពីរផ្សេងគ្នាក៏ដោយ ក៏បានរួមគ្នាជំនះពុះពារលើការឡើងចុះនៃប្រវត្តិសាស្ត្រ។ ក្នុងរយៈពេល ៥០ ឆ្នាំកន្លងទៅ មានជំហានអភិវឌ្ឍលេចធ្លោជាច្រើនក្នុងកិច្ចសហប្រតិបត្តិការ ហើយបានក្លាយជាដៃគូយុទ្ធសាស្ត្រតាំងពីឆ្នាំ២០១៣។
ចំណែក លោក Dinh Toan Thang ឯកអគ្គរដ្ឋទូតវៀតណាមប្រចាំនៅបារាំង បានសង្កត់ធ្ងន់ថា ទំនាក់ទំនងជាមួយបារាំងជាអាទិភាពមួយក្នុងគោលនយោបាយការបរទេសរបស់វៀតណាម។ ប្រទេសទាំងពីរបានខិតខំប្រឹងប្រែងដោយឥតឈប់ឈរដើម្បីអភិវឌ្ឍទំនាក់ទំនងទ្វេភាគីលើគ្រប់វិស័យ។ ជាពិសេសក្នុងបរិបទនៃការប្រារព្ធខួបលើកទី ៥០ នៃការបង្កើតទំនាក់ទំនងការទូត និង ១០ ឆ្នាំនៃការបង្កើតទំនាក់ទំនងភាពជាដៃគូយុទ្ធសាស្ត្រវៀតណាម - បារាំង ប្រទេសទាំងពីរមានសកម្មភាពផ្លាស់ប្តូរជាបន្តបន្ទាប់ដែលរួមចំណែកដល់ជោគជ័យនៃឆ្នាំពិសេសនេះ។
នៅក្នុងសុន្ទរកថារបស់ខ្លួន លោក Jérémy Bacchi ក្នុងជាសមាជិកព្រឹទ្ធសភា និងតំណាងបក្សកុម្មុយនិស្តបារាំង (PCF) បានថ្លែងអំណរគុណយ៉ាងជ្រាលជ្រៅចំពោះកេរ្តិ៍ដំណែលប្រវត្តិសាស្ត្រដែលបានបន្សល់ទុកដោយលោកប្រធានហូជីមិញ និងតួនាទីរបស់លោកប្រធានហូជីមិញក្នុងការបង្កើតបក្សកុម្មុយនិស្តបារាំង។ លោក Jérémy Bacchi បាននិយាយថា ការរៀបចំកម្មវិធី “រាត្រីវប្បធម៌វៀតណាម” គឺជាសក្ខីភាពមួយនៃទំនាក់ទំនងជិតស្និទ្ធ និងបំណងប្រាថ្នារួមរបស់ភាគីទាំងពីរក្នុងការលើកកម្ពស់វប្បធម៌នៃប្រទេសទាំងពីរ៕
មតិពីមិត្តអ្នកអាន