ភាគីទាំងពីរក៏បន្តបង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ ពង្រីកប្រសិទ្ធភាពនៃយន្តការ និងគំរូសហប្រតិបត្តិការផងដែរ

សម្រេច​បានជិត ​៥ ​ពាន់លាន​ដុល្លារអាមេរិកក្នុងរយៈពេល ៩ ខែកន្លងទៅ

សម្ព័ន្ធអង្គការមិត្តភាព និងសមាគមមិត្តភាពវៀតណាម-កម្ពុជាខេត្ត Binh Duong វិលត្រលប់ទៅប្រភពដើម

លោកឧត្តមសេនីយ៍ឯក Nguyen Tan Cuong និងលោកនាយឧត្ដមសេនីយ៍ វង្ស ពិសេន បន្ទាប់ពីបញ្ចប់កិច្ចសន្ទនា

លោកឧត្តមសេនីយ៍ឯក Nguyen Tan Cuong និងលោកនាយឧត្ដមសេនីយ៍ វង្ស ពិសេន បានវាយតំលៃខ្ពស់ចំពោះលទ្ធផលនៃកិច្ចសហប្រតិបត្តិការរវាងស្ថាប័ន និងអង្គភាពនានានៃភាគីទាំងពីរ ចាប់តាំងពីដំណើរទស្សនកិច្ចផ្លូវការរបស់លោកឧត្តមសេនីយ៍ឯក Nguyen Tan Cuong នៅកម្ពុជាក្នុងខែមីនា ឆ្នាំ២០២២។ នាពេលកន្លងមក កងកម្លាំងការពារព្រំដែន និងយោធភូមិភាគជាប់ព្រំដែននៃភាគីទាំងពីរ បានសហការយ៉ាងល្អក្នុងការធានាសន្តិសុខ សណ្តាប់ធ្នាប់ និងសុវត្ថិភាពសង្គមនៅតាមតំបន់ព្រំដែននៃប្រទេសទាំងពីរ។ ការងារអប់រំ និងផ្សព្វផ្សាយសម្រាប់ប្រជាជន និងកងទ័ពនៃប្រទេសទាំងពីរ ជាពិសេសយុវជនជំនាន់ក្រោយឲ្យយល់អំពីប្រវត្តិសាស្ត្រ អត្ថន័យ និងសារៈសំខាន់នៃសាមគ្គីភាព និងការជួយគ្នាទៅវិញទៅមករវាងប្រទេសទាំងពីរ និងកងទ័ពទាំងពីរ តាមសម័យកាលប្រវត្តិសាស្ត្រ ត្រូវបានយកចិត្តទុកដាក់។

លោកឧត្តមសេនីយ៍ឯក Nguyen Tan Cuong និងលោកនាយឧត្ដមសេនីយ៍ វង្ស ពិសេន បានឯកភាពបង្កើនកិច្ចសហការ និងបន្តអនុវត្តសកម្មភាពសហប្រតិបត្តិការប្រកបដោយប្រសិទ្ធភាព រួមចំណែកយ៉ាងសំខាន់ក្នុងការអភិវឌ្ឍទំនាក់ទំនងវៀតណាម-កម្ពុជា។ តាមនោះ ភាគីទាំងពីរនឹងបន្តសហការយ៉ាងជិតស្និទ្ធ និងមានប្រសិទ្ធភាពក្នុងការផ្សព្វផ្សាយ និងអប់រំអំពីប្រវត្តិសាស្ត្រ អត្ថន័យ និងសារៈសំខាន់នៃទំនាក់ទំនងអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងស្ថិតស្ថិរជាយូរអង្វែងរវាងរដ្ឋាភិបាល កងទ័ព និងប្រជាជននៃប្រទេសទាំងពីរវៀតណាម-កម្ពុជា ជាពិសេសក្នុងឱកាសនៃព្រឹត្តិការណ៍សំខាន់ៗរបស់ប្រទេសនីមួយៗ និងកងទ័ពនីមួយៗ។ ភាគីទាំងពីរនឹងកសាងទំនាក់ទំនងគួរឲ្យជឿទុកចិត្ត មានប្រសិទ្ធភាព និងជាក់ស្ដែង សហការនិងផ្តល់យោបល់បានទាន់ពេលវេលាជូនថ្នាក់ដឹកនាំជាន់ខ្ពស់ និងក្រសួងការពារជាតិនៃប្រទេសទាំងពីរ លើបញ្ហាយោធា និងការពារជាតិ តាមរយៈនោះ បន្តបញ្ជាក់ពីតួនាទីនៃកិច្ចសហប្រតិបត្តិការលើវិស័យយោធា និងការពារជាតិ ដែលជាសសរស្តម្ភដ៏សំខាន់មួយក្នុងទំនាក់ទំនងវៀតណាម-កម្ពុជា។ ភាគីទាំងពីរក៏បន្តបង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ ពង្រីកប្រសិទ្ធភាពនៃយន្តការ និងគំរូសហប្រតិបត្តិការផងដែរ។

គណៈប្រតិភូទាំងពីរថតរូបបន្ទាប់ពីកិច្ចសន្ទនា

នៅក្នុងកិច្ចពិភាក្សានេះ ភាគីទាំងពីរក៏បានពិភាក្សាអំពីស្ថានភាពពិភពលោក និងតំបន់ ដែលភាគីទាំងពីរមានការយកចិត្តទុកដាក់ដូចគ្នា។ ភាគីទាំងពីរបានអះអាងថា ក្នុងបរិបទនៃការវិវឌ្ឍន៍ដ៏ស្មុគ្រស្មាញក្នុងពិភពលោក និងតំបន់ យន្តការដែលដឹកនាំដោយអាស៊ាន បន្តពង្រីកតួនាទីមជ្ឈភាពរបស់ខ្លួននៅក្នុងតំបន់ ជំរុញកិច្ចសន្ទនា និងកិច្ចសហប្រតិបត្តិការរវាងប្រទេសនានាក្នុងប្លុក ក៏ដូចជាជាមួយដៃគូខាងក្រៅ ដើម្បីសន្តិភាព ស្ថិរភាព និងការអភិវឌ្ឍក្នុងតំបន់៕

យោងតាមកាសែតកងទ័ពប្រជាជន