នៅថ្ងៃទី ៩ និង ១០ ខែតុលា នៅទីស្នាក់ការកណ្តាល នៃអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) នៅទីក្រុងប៉ារីស (ប្រទេសបារាំង) សម័យប្រជុំពេញអង្គនៃសម័យប្រជុំលើកទី ២១៧ នៃក្រុមប្រឹក្សាប្រតិបត្តិអង្គការយូណេស្កូបានប្រព្រឹត្តទៅដោយមានការចូលរួមពីប្រទេសសមាជិកចំនួន ៥៨ និង ប្រទេសសង្កេតការណ៍ជាង ១០០ ។
 |
| សហគមន៍អន្តរជាតិវាយតំលៃខ្ពស់ចំពោះការរួមចំណែករបស់វៀតណាមក្នុងសកម្មភាពរបស់អង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ |
លោក Nguyen Minh Vu ឧបការីរដ្ឋមន្ត្រីក្រសួងការបរទេសវៀតណាម បានអញ្ជើញចូលរួម និងថ្លែងមតិក្នុងសម័យបើក ព្រមទាំងមានកិច្ចប្រជុំពិភាក្សាជាមួយថ្នាក់ដឹកនាំ UNESCO និងប្រធានគណៈប្រតិភូមកពីប្រទេសជាសមាជិកនានា។ ថ្លែងមតិក្នុងសម័យបើក លោក Nguyen Minh Vu បានអះអាងថា វៀតណាមនឹងបន្តចូលរួមយ៉ាងសកម្ម មានទំនួលខុសត្រូវ និងអនុវត្តការសន្យាអន្តរជាតិរបស់ខ្លួន ដើម្បីរួមចំណែកយ៉ាងសំខាន់ និងមានប្រសិទ្ធភាពថែមទៀតទៅក្នុងការងារទូទៅរបស់ UNESCO ព្រមទាំងសន្យាបន្តសម្របសម្រួល និងអនុវត្តប្រកបដោយជោគជ័យនូវអនុស្សរណៈនៃកិច្ចសហប្រតិបត្តិការរវាងវៀតណាម និងអង្គការ UNESCO ដំណាក់កាល ២០២១-២០២៥។
ក្នុងជំនួប និងកិច្ចប្រជុំទាំងឡាយ ថ្នាក់ដឹកនាំ UNESCO និងប្រធានគណៈប្រតិភូនៃបណ្ដាប្រទេស បានវាយតម្លៃខ្ពស់ចំពោះទំនាក់ទំនងសហប្រតិបត្តិការល្អរវាងវៀតណាម និង UNESCO និងប្រទេសជាសមាជិកទាំងឡាយ ព្រមទាំងតួនាទី និងការរួមចំណែកយ៉ាងសំខាន់របស់វៀតណាមក្នុងយន្តការសំខាន់ៗរបស់អង្គការ ហើយទន្ទឹមនឹងនោះផងដែរ សង្ឃឹមថា វៀតណាមនឹងជាប់ឆ្នោតជាសមាជិកគណៈកម្មាធិការបេតិកភណ្ឌពិភពលោកសម្រាប់អាណត្តិ ២០២៣-២០២៧៕
មតិពីមិត្តអ្នកអាន