Trending now

ឯកអគ្គរដ្ឋទូត Dang Hoang Giang៖ អាស៊ានប្តេជ្ញាលុបបំបាត់ភាពក្រីក្រ ធានាកសិកម្មនិរន្តរភាពនិងសន្តិសុខស្បៀងអាហារ​សម្រាប់​មនុស្ស​គ្រប់​រូប​

18:01 | 12/10/2023 យោងតាមវិទ្យុសំលេងវៀតណាម

នាថ្ងៃទី ១១ ខែតុលា នៅទីក្រុងញូវយ៉ក សហរដ្ឋអាមេរិក គណៈកម្មាធិការទទួលបន្ទុកកិច្ចការសេដ្ឋកិច្ចនិងហិរញ្ញវត្ថុ (គណៈកម្មាធិការទី២) នៃមហាសន្និបាតអង្គការសហប្រជាជាតិលើកទី៧៨ បានបើកកិច្ចប្រជុំពិភាក្សាទូទៅស្តីពីការលុបបំបាត់ភាពក្រីក្រ ការអភិវឌ្ឍកសិកម្ម និងសន្តិសុខស្បៀងអាហារ។

ផ្លូវដើរថ្មើរជើង​មាន​មនុស្ស​កកកុញ​ក្នុង​រាត្រី​បើក​ពិធីបុណ្យសរទរដូវហាណូយឆ្នាំ ២០២៣ ផ្លូវដើរថ្មើរជើង​មាន​មនុស្ស​កកកុញ​ក្នុង​រាត្រី​បើក​ពិធីបុណ្យសរទរដូវហាណូយឆ្នាំ ២០២៣
ឯកអគ្គរដ្ឋទូត EU ថ្មី៖ “ខ្ញុំឃើញច្បាស់ថា ពេលវេលារបស់វៀតណាមមកដល់ហើយ” ឯកអគ្គរដ្ឋទូត EU ថ្មី៖ “ខ្ញុំឃើញច្បាស់ថា ពេលវេលារបស់វៀតណាមមកដល់ហើយ”
ឯកអគ្គរដ្ឋទូត Dang Hoang Giang៖ អាស៊ានប្តេជ្ញាលុបបំបាត់ភាពក្រីក្រ ធានាកសិកម្មនិរន្តរភាពនិងសន្តិសុខស្បៀងអាហារ​សម្រាប់​មនុស្ស​គ្រប់​រូប​
ឯកអគ្គរដ្ឋទូត Dang Hoang Giang៖ អាស៊ានប្តេជ្ញាលុបបំបាត់ភាពក្រីក្រ ធានាកសិកម្មនិរន្តរភាពនិងសន្តិសុខស្បៀងអាហារ​សម្រាប់​មនុស្ស​គ្រប់​រូប​

ថ្លែងមតិក្នុងនាមសមាគមប្រជាជាតិអាស៊ីអាគ្នេយ៍ (អាស៊ាន) ឯកអគ្គរដ្ឋទូត Dang Hoang Giang ប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិបានអះអាងថា អាស៊ានបានប្តេជ្ញាពង្រឹងសន្តិសុខស្បៀងអាហារក្នុងតំបន់ តាមរយៈការអនុវត្តបច្ចេកវិទ្យាទំនើប លើកកំពស់ផលិតភាពកសិកម្ម ធានាខ្សែសង្វាក់ផ្គត់ផ្គង់ ការកសាងប្រព័ន្ធព្រមានជាមុន និងប្រព័ន្ធឆ្លើយតបរហ័សដើម្បីឱ្យមានការផ្គត់ផ្គង់ស្បៀងអាហារគ្រប់គ្រាន់ក្នុងស្ថានភាពវិបត្តិ។

ទាក់ទិននឹងការជំរុញការលុបបំបាត់ភាពអត់ឃ្លាន កាត់បន្ថយភាពក្រីក្រ និងការធានាសន្តិសុខស្បៀងអាហារប្រកបដោយនិរន្តរភាព ឯកអគ្គរដ្ឋទូត Dang Hoang Giang បានសង្កត់ធ្ងន់លើដំណោះស្រាយសំខាន់ៗចំនួន ៥ ដែលបានចែងក្នុងសេចក្តីថ្លែងការណ៍កម្រិតខ្ពស់ “អាស៊ានគឺជាស្នូលនៃកំណើន” (ហ្សាកាតា ថ្ងៃទី ៩ ខែកញ្ញា ឆ្នាំ ២០២៣) ដែលក្នុងនោះ រួមទាំងការពន្លឿនការផ្លាស់ប្តូរឌីជីថល ឆ្ពោះទៅរកសហគមន៍សេដ្ឋកិច្ចឌីជីថលអាស៊ាន ២០៤៥; ពង្រឹងការកសាងសេដ្ឋកិច្ចបៃតង ឆ្ពោះទៅរកអព្យាក្រឹតភាពកាបូន និងការបំភាយឧស្ម័នសូន្យសុទ្ធ; ការលើកកម្ពស់សេដ្ឋកិច្ចមហាសមុទ្រខៀវ លើកកម្ពស់សេដ្ឋកិច្ចច្នៃប្រឌិត និងអភិវឌ្ឍន៍សេដ្ឋកិច្ចបរិយាប័ន្ន។

នាថ្ងៃដដែលនោះ អគ្គទីប្រឹក្សាលោក Nguyen Hoang Nguyen អនុប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិបានថ្លែងសុន្ទរកថា ចែករំលែកសមិទ្ធិផលលេចធ្លោមួយចំនួនរបស់វៀតណាមក្នុងការធានាសន្តិសុខស្បៀងអាហារ ការលុបបំបាត់ភាពអត់ឃ្លាន កាត់បន្ថយភាពក្រីក្រ ក៏ដូចជាការអភិវឌ្ឍន៍កសិកម្មនិងជនបទ។ លោកបានសង្កត់ធ្ងន់លើសារៈសំខាន់នៃការវិនិយោគលើហេដ្ឋារចនាសម្ព័ន្ធកសិកម្ម ការអនុវត្តវិទ្យាសាស្ត្រនិងបច្ចេកវិទ្យាជឿនលឿន ពង្រឹងប្រព័ន្ធស្បៀងអាហារឆ្ពោះទៅនិរន្តរភាពបន្ថែមទៀត ក៏ដូចជាគោលនយោបាយដើម្បីធានាជីវភាពរស់នៅនិងសុខុមាលភាពសម្រាប់ជនក្រីក្រ ជាពិសេសក្រុមគ្រួសារនៅតំបន់ជនបទ និងតំបន់ដាច់ស្រយាល។ វៀតណាមប្តេជ្ញាសម្រេចបានគោលដៅអភិវឌ្ឍន៍ប្រកបដោយចីរភាពនៃការលុបបំបាត់ភាពអត់ឃ្លាន និងបន្ថយភាពក្រីក្រនៅឆ្នាំនេះ៕

យោងតាមវិទ្យុសំលេងវៀតណាម

មតិពីមិត្តអ្នកអាន

ព័ត៌មានថ្មីៗ

ជំរុញការងារបណ្តុះបណ្តាលដើម្បីអភិវឌ្ឍចលនាភាសាអន្តរជាតិ
ភាពទាក់ទាញនៃផ្សារព្រំដែនវៀតណាម-កម្ពុជានៅខេត្ត Gia Lai
មិត្តអន្តរជាតិផ្តល់ដំបូន្មានដើម្បីជួយវៀតណាមអភិវឌ្ឍសេដ្ឋកិច្ច និងពាណិជ្ជកម្មហាឡាល
ស្មារតីសហប្រតិបត្តិការ និងសេចក្តីស្រឡាញ់សន្តិភាព គឺជាទ្រព្យសម្បត្តិដ៏មានតម្លៃរបស់ប្រជាជនវៀតណាម និងសហរដ្ឋអាមេរិក
ប្រគល់ជិត ៤០០ លានដុង ដើម្បីជួយមីយ៉ាន់ម៉ាស្តារឡើងវិញបន្ទាប់ពីគ្រោះរញ្ជួយដី