នាព្រឹកថ្ងៃទី១០ ខែតុលា នាវាក្តោង (សំពៅ) លេខ ២៨៦ - Le Quy Don (វិទ្យាស្ថានកងទ័ពជើងទឹក) និងគណៈប្រតិភូនៃកងទ័ពជើងទឹកប្រជាជនវៀតណាម ដឹកនាំដោយ លោកវរនាវីឯក Bui Duy Thong អនុប្រធាននយោបាយ នៃវិទ្យាស្ថានកងទ័ពជើងទឹក បានចូលចតនៅកំពង់ផែ Changi ចាប់ផ្តើមបំពេញទស្សនកិច្ច ជួបប្រាស្រ័យ ជាមួយកងទ័ពជើងទឹកសិង្ហបុរី។
 តំបន់កងឆ្មាំសមុទ្រលេខ៣ (កងទ័ពជើងទឹកវៀតណាម) ផ្សព្វផ្សាយ និងប្រគល់អំណោយដល់អ្នកនេសាទនៅស្រុកកោះ Phu Quy |
 រដូវទាក់ទាញនៅលើភ្នំស្មៅ Vinh Quy |
 |
| នាវាក្តោង (សំពៅ) លេខ ២៨៦ - Le Quy Don ចាប់ផ្តើមបំពេញទស្សនកិច្ច ជួបប្រាស្រ័យ ជាមួយកងទ័ពជើងទឹកសិង្ហបុរី |
អញ្ជើញជាអធិបតីក្នុងពិធីទទួលបដិសណ្ឋារកិច្ចនៅកំពង់ផែ លោកវរនាវីឯកបម្រុង Nicholas Tan នាយករងនៃមជ្ឈមណ្ឌលសង្រ្គាម និងទ្រឹស្តីនាវាចរណ៍ នៃកងទ័ពជើងទឹកសិង្ហបុរី សង្ឃឹមថាដំណើរទស្សនកិច្ច និងការជួបប្រាស្រ័យជាមួយកងទ័ពជើងទឹកសិង្ហបុរី នឹងបន្សល់ទុកនូវចំណាប់អារម្មណ៍ល្អជាច្រើនដល់សមាជិកនៃគណៈប្រតិភូ។
នារសៀលថ្ងៃដដែល នៅប្រទេសសិង្ហបុរី គណៈប្រតិភូបានចូលជួបសម្តែងការគួរសមជាមួយលោកវរនាវីឯក Rinson Chua មេបញ្ជាការ បញ្ជាការដ្ឋានហ្វឹកហ្វឺន និងទ្រឹស្តីនាវាចរណ៍ នៃកងទ័ពជើងទឹកសិង្ហបុរី។
តាងនាមគណៈប្រតិភូ លោកវរនាវីឯក Bui Duy Thong បានថ្លែងអំណរគុណចំពោះការស្វាគមន៍យ៉ាងកក់ក្តៅ រួសរាយរាក់ទាក់ពីសំណាក់ លោកវរនាវីឯក Rinson Chua ក៏ដូចជាកងទ័ពជើងទឹកសិង្ហបុរី ជូនចំពោះនាយទាហាន នាវិក និងសិក្ខាកាម នៃនាវាក្តោង (សំពៅ) លេខ ២៨៦ - Le Quy Don។
លោកវរនាវីឯក Bui Duy Thong បានសង្កត់ធ្ងន់ថា កិច្ចសហប្រតិបត្តិការនាវាចរណ៍ គឺជាចំណុចភ្លឺក្នុងកិច្ចសហប្រតិបត្តិការការពារជាតិវៀតណាម-សិង្ហបុរី។ កងទ័ពជើងទឹកទាំងពីរបានផ្លាស់ប្តូរគណៈប្រតិភូគ្រប់ជាន់ថ្នាក់ បញ្ជូននាវាទៅទស្សនកិច្ច ផ្លាស់ប្តូរ និងគាំទ្រគ្នាទៅវិញទៅមកក្នុងការរៀបចំព្រឹត្តិការណ៍អន្តរជាតិ។ ក្រៅពីនោះ លោកវរនាវីឯក Bui Duy Thong ក៏បានជម្រាបជូនអំពីការបណ្តុះបណ្តាលសិក្ខាកាមនៅវិទ្យាស្ថាន ហើយបានសម្តែងការជឿជាក់ថា សកម្មភាពផ្លាស់ប្តូររវាងភាគីទាំងពីរក្នុងដំណើរទស្សនកិច្ចលើកនេះ នឹងរួមចំណែករឹតបន្តឹងទំនាក់ទំនងមិត្តភាព និងកិច្ចសហប្រតិបត្តិការល្អរវាងកងទ័ពជើងទឹកទាំងពីរ។
លោកវរនាវីឯក Rinson Chua បានសម្តែងនូវសេចក្តីសោមនស្សរីករាយដោយបានទទួលស្វាគមន៍នាវាក្តោង (សំពៅ) លេខ ២៨៦ - Le Quy Don និងគណៈប្រតិភូ នៃកងទ័ពជើងទឹកប្រជាជនវៀតណាម មកបំពេញទស្សនកិច្ចនៅប្រទេសសិង្ហបុរី និងសង្ឃឹមថា កងទ័ពជើងទឹកទាំងពីរនឹងបន្តរក្សាកិច្ចសហប្រតិបត្តិការលើវិស័យការពារជាតិនិយាយរួម និងកិច្ចសហប្រតិបត្តិការនាវាចរណ៍និយាយដោយឡែក ជំរុញការផ្លាស់ប្តូររវាងបណ្ដានាយទាហានវ័យក្មេង និងបញ្ជូននាវាទៅទស្សនកិច្ចគ្នាទៅវិញទៅមក៕
មតិពីមិត្តអ្នកអាន