នាថ្ងៃទី១០ ខែតុលា គណៈប្រតិភូស្ថានអគ្គកុងស៊ុលនៃព្រះរាជាណាចក្រកម្ពុជា ប្រចាំទីក្រុងហូជីមិញ ប្រទេសវៀតណាម ដឹកនាំដោយលោក ច័ន្ទ សូរិកាន អគ្គកុងស៊ុលបានចូលជួបសម្តែងការគួរសមជាមួយថ្នាក់ដឹកនាំបញ្ជាការដ្ឋានយោធភូមិភាគទី៩។ លោកឧត្តមសេនីយ៍ត្រី Nguyen Van Tien មេបញ្ជាការរងយោធភូមិភាគទី៩ បានទទួលជួបគណៈប្រតិភូ។
 |
| ថ្នាក់ដឹកនាំបញ្ជាការដ្ឋានយោធភូមិភាគទី៩ ស្វាគមន៍យ៉ាងកក់ក្តៅចំពោះគណៈប្រតិភូស្ថានអគ្គកុងស៊ុលនៃព្រះរាជាណាចក្រកម្ពុជា |
នៅក្នុងជំនួប តាងនាមស្ថានអគ្គកុងស៊ុលនៃព្រះរាជាណាចក្រកម្ពុជាប្រចាំទីក្រុងហូជីមិញ លោក ច័ន្ទ សូរិកាន បានថ្លែងអំណរគុណចំពោះការទទួលយ៉ាងឱឡារិករបស់បញ្ជាការដ្ឋានយោធភូមិភាគទី៩។ លោកបានបញ្ជាក់ថា ក្នុងតួនាទីជាអគ្គកុងស៊ុល លោកនឹងខិតខំប្រឹងប្រែងឱ្យអស់ពីសមត្ថភាព ដើម្បីពង្រឹងបន្ថែមទៀតនូវទំនាក់ទំនងសាមគ្គីភាព និងកិច្ចសហប្រតិបត្តិការរវាងប្រទេសទាំងពីរ ក្នុងស្មារតីអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងស្ថិតស្ថេរយូរអង្វែង។
លោកឧត្តមសេនីយ៍ត្រី Nguyen Van Tien សម្តែងនូវក្តីរីករាយដោយបានទទួលជួបគណៈប្រតិភូ និងអបអរសាទរព្រះរាជាណាចក្រកម្ពុជាក្នុងការរៀបចំការបោះឆ្នោតជ្រើសតាំងតំណាងរាស្រ្តនីតិកាលទី៧ ប្រកបដោយជោគជ័យ។ លោកឧត្តមសេនីយ៍ត្រី Nguyen Van Tien សង្ឃឹមថា ទំនាក់ទំនងសាមគ្គីភាព មិត្តភាពរវាងប្រជាជាតិទាំងពីរ និងកងទ័ពនៃប្រទេសទាំងពីរត្រូវបានរក្សា និងពូនជ្រំជាប្រចាំ និងជូនពរឲ្យកម្ពុជាមានការអភិវឌ្ឍ រីកចម្រើន និងសុភមង្គលជានិច្ច៕
មតិពីមិត្តអ្នកអាន