កាលពី ៦៩ ឆ្នាំមុន ប្រជាជនហាណូយរាប់ម៉ឺននាក់បានស្វាគមន៍យ៉ាងសប្បាយរីករាយចំពោះកងទ័ពជ័យជម្នះ វិលត្រឡប់មកវិញ រំដោះរដ្ឋធានី។ នេះគឺជាព្រឹត្តិការណ៍ប្រវត្តិសាស្ត្រដ៏មានសារៈសំខាន់មួយ ដែលបង្ហាញពីការបញ្ចប់ដោយជោគជ័យនៃសង្រ្គាមតស៊ូដ៏លំបាក លះបង់ ប៉ុន្តែរុងរឿងរបស់ប្រជាជនរដ្ឋធានីនិយាយដោយឡែកនិងប្រទេសជាតិនិយាយរួម។
 អបអរសាទរខួបលើកទី ៥០ឆ្នាំ នៃទំនាក់ទំនងការទូតរវាងវៀតណាម និងបារាំងនៅទីក្រុង Montpellier |
 មុខម្ហូបឆ្ងាញ់ៗ ចំនួន ៦៩ មុខ ដែលចម្អិនពីក្តាម Ca Mau |
 |
| វៀតណាម៖ អបអរសាទរខួបលើកទី ៦៩ នៃទិវារំដោះរដ្ឋធានីហាណូយ |
ថ្ងៃទី ១០ តុលា ជាថ្ងៃអបអរសាទរលើកទី ៦៩ នៃទិវារំដោះរដ្ឋធានីហាណូយ (១០ តុលា ១៩៥៤-១០ តុលា ២០២៣)។ ក្នុងឱកាសនេះ អត្ថបទចុះផ្សាយលើការសែតហាណូយដែលមានចំណងជើងថា “បង្កើតសន្ទុះថ្មីសម្រាប់ការអភិវឌ្ឍន៍រដ្ឋធានី” បានសង្កត់ធ្ងន់ថា៖ ទីក្រុងហាណូយនៅចំពោះមុខនឹងកាលានុវត្តភាព និងឱកាសអភិវឌ្ឍន៍ថ្មី។ យោងតាមអត្ថបទនោះ ទីក្រុងហាណូយបានពង្រឹងផែនការ និងការកសាងស្ថាប័ន ដើម្បីសម្រេចបាននូវគោលដៅក្លាយជាទីក្រុង “វប្បធម៌-អារិយ្យធម៌-ទំនើប” ដូចមានចែងក្នុងសេចក្តីសម្រេចចិត្តលេខ ១៥ របស់ការិយាល័យនយោបាយ (ឆ្នាំ២០២២)។ តាមនោះ ដោយមានគម្រោងកែសម្រួលរួមនៃផែនការទូទៅសម្រាប់ការសាងសង់រដ្ឋធានីហាណូយដល់ឆ្នាំ ២០៤៥ ជាមួយនឹងចក្ខុវិស័យដល់ឆ្នាំ ២០៦៥ ទីក្រុងបានផ្តោតលើការអភិវឌ្ឍទីក្រុងចំនួនពីរចំណុះរដ្ឋធានី ដែលជាប៉ូលនៃការអភិវឌ្ឍន៍ថ្មី ខណៈ ក៏ជួយពង្រីកដង់ស៊ីតេប្រជាជននៅក្នុងតំបន់ខាងក្នុងទីក្រុងផងដែរ។
ក្នុងឱកាសរំលឹកខួបអនុស្សាវរីយ៍លើកទី ៦៩ នៃទិវារំដោះរដ្ឋធានី ព្រឹត្តិការណ៍រំលឹកខួបជាច្រើនបានប្រព្រឹត្តទៅនៅទីក្រុងហាណូយ។ នាព្រឹកថ្ងៃទី ១០ តុលា នៅស្រុក Thach That ក្រុមប្រឹក្សាគ្រប់គ្រងគម្រោងវិនិយោគសំណង់ស៊ីវិលទីក្រុងហាណូយបានរៀបចំពិធីបើកការដ្ឋានសាងសង់ផ្លូវល្បឿនលឿន Thang Long ដែលតភ្ជាប់ពីផ្លូវជាតិ លេខ ២១ ទៅកាន់ផ្លូវល្បឿនលឿន Hoa Lac - Hoa Binh។ គម្រោងនេះមានគោលបំណងអនុវត្តផែនការតភ្ជាប់ចរាចរណ៍ផ្លូវគោកនៃប្រទេសជាតិនិងរដ្ឋធានីហាណូយ។
មុននោះ ម្សិលមិញមានសន្និសីទសរសើរគំរូជឿនលឿន មនុស្សល្អ និងអំពើល្អ; លើកតម្កើងដល់ប្រជាពលរដ្ឋរដ្ឋធានីឆ្នើមក្នុងឆ្នាំ ២០២៣ និងព្រឹត្តិការណ៍ជាច្រើនទៀតត្រូវបានរៀបចំឡើងផងដែរ៕
មតិពីមិត្តអ្នកអាន