នាព្រឹកថ្ងៃទី៦ ខែតុលា នៅស្រុក Chau Thanh នគរបាលស្រុក បានរៀបចំកិច្ចប្រជុំពិភាក្សាការងាររវាងនគរបាលស្រុក Chau Thanh និងនគរបាលស្រុកចំនួន៣ គឺ ស្រុករំដួល ស្រុករមាសហែក និងស្រុកស្វាយទាប ខេត្តស្វាយរៀង។
 ជំនួបកំពូលរវាងវៀតណាម-កម្ពុជា-ឡាវ៖ ពង្រឹងទំនាក់ទំនងមិត្តភាពជាប្រពៃណីរវាងប្រទេសទាំងបី |
 សម្ព័ន្ធអង្គការមិត្តភាព និងសមាគមមិត្តភាពវៀតណាម-កម្ពុជាខេត្ត Binh Duong វិលត្រលប់ទៅប្រភពដើម |
 |
| នគរបាលស្រុក Chau Thanh (ប្រទេសវៀតណាម) ជួបពិភាក្សាការងារជាមួយនគរបាលស្រុកជាប់ព្រំដែននានានៃប្រទេសកម្ពុជា |
នៅក្នុងកិច្ចប្រជុំនេះ នគរបាលស្រុក Chau Thanh និងនគរបាលនៃស្រុកជាប់ព្រំដែនចំនួនបីនេះ បានពិភាក្សាអំពីស្ថានភាពសន្តិសុខ និងសណ្តាប់ធ្នាប់នៅព្រំដែន។ នាពេលថ្មីៗនេះ ស្ថានការណ៍សណ្តាប់ធ្នាប់សង្គមនៅតាមព្រំដែនមានស្ថិរភាព ហើយភាគីទាំងពីរបានសហការគ្នាយ៉ាងល្អក្នុងការទប់ស្កាត់បទល្មើស។ ប្រជាពលរដ្ឋទាំងសងខាងឆ្លងកាត់ព្រំដែនបានគោរពបទបញ្ញត្តិព្រំដែន ហើយមិនមានករណីស្មុគ្រស្មាញទាក់ទងនឹងឧក្រិដ្ឋកម្មនៅតាមព្រំដែនទេ។
ទោះជាយ៉ាងនេះក្តី នៅមានករណីមួយចំនួនពាក់ព័ន្ធនឹងសណ្តាប់ធ្នាប់សង្គម ដូចជា៖ ការឆ្លងដែនខុសច្បាប់ ការទិញ លក់ និងដឹកជញ្ជូនទំនិញរត់ពន្ទ ករណីនេះត្រូវបានអាជ្ញាធរស្រុក Chau Thanh ចាត់ការហើយ។
អញ្ជើញថ្លែងមតិក្នុងសន្និសីទនេះ លោកវរសេនីយ៍ឯកបំរុង Nguyen Van Cam ប្រធាននគរបាលស្រុក Chau Thanh បានស្នើឱ្យកងកម្លាំងនគរបាលទាំងសងខាងបន្តអនុវត្តឱ្យបានល្អប្រសើរនូវខ្លឹមសារនៃផែនការសម្របសម្រួលក្នុងការទប់ស្កាត់ និងប្រឆាំងបទល្មើស និងការពារសន្តិសុខ សណ្តាប់ធ្នាប់តំបន់ព្រំដែន;ប្រយុទ្ធប្រឆាំងនឹងឧក្រិដ្ឋកម្មគ្រប់ប្រភេទ និងឧក្រិដ្ឋកម្មឆ្លងដែន ផ្លាស់ប្តូរព័ត៌មានជាប្រចាំ និងសហការដោះស្រាយបញ្ហាដែលកំពុងកើតមានដោយ សន្តិវិធីនិងមិត្តភាព។
ក្នុងឱកាសនេះ នគរបាលស្រុក Chau Thanh និងនគរបាលស្រុកជាប់ព្រំដែនទាំង៣បានប្រគល់អំណោយជូនគ្នាទៅវិញទៅមក ដើម្បីបង្ហាញពីកិច្ចសហប្រតិបត្តិការមិត្តភាពក្នុងការប្រយុទ្ធប្រឆាំងនឹងឧក្រិដ្ឋកម្ម៕
មតិពីមិត្តអ្នកអាន