នាព្រឹកថ្ងៃទី ២៦ កញ្ញា នៅទីក្រុងហាណូយ ក្រសួងការពារប្រទេសបានរៀបចំជំនួបសំណេះ សំណាលជាមួយគណៈប្រតិភូអ្នកមានគុណបំណាច់ចំពោះបដិវត្តន៍ខេត្ត Kien Giang។ ដោយទទួលការអនុញ្ញាតពីថ្នាក់ដឹកនាំក្រសួងការពារប្រទេស លោកឧត្តមសេនីយ៍ទោ Le Quang Minh អនុប្រធានអគ្គស្នងការនយោបាយនៃកងទ័ពប្រជាជនវៀតណាមបានធ្វើជាអធិបតីនៃជំនួប។
 ជំរុញកិច្ចសហប្រតិបត្តិការរវាងខេត្ត Kien Giang (វៀតណាម) និងខេត្តនានានៃព្រះរាជាណាចក្រកម្ពុជា |
 សមាគមមិត្តភាពវៀតណាម-ជប៉ុននៅខេត្ត Kien Giang បានចាប់ផ្តើមសាងសង់ស្ពានសម្រាប់ជីវភាពរស់នៅរបស់ប្រជាជន |
 |
| ក្រសួងការពារប្រទេសវៀតណាមជួបសំណេះសំណាល និងជូនអំណោយដល់អ្នកមានគុណបំណាច់ចំពោះបដិវត្តន៍ខេត្ត Kien Giang |
ក្នុងជំនួបនេះ លោកឧត្តមសេនីយ៍ទោ Le Quang Minh បានអញ្ជើញទៅសួរសុខទុក្ខ និងពាំនាំអំណោយរបស់ក្រសួងការពារប្រទេសដល់គណៈប្រតិភូអ្នកមានគុណបំណាច់ចំពោះបដិវត្តន៍ខេត្ដ Kien Giang ចំនួន ៦៥ នាក់ ទន្ទឹមនឹងនោះបានជូនដំណឹងអំពីបញ្ហាលេចធ្លោមួយចំនួនក្នុងការងារគោលនយោបាយសម្រាប់កងទ័ព និងសមរភូមិក្រោយកងទ័ព ជាពិសេសលទ្ធផលនៃចលនា "តបស្នងសងគុណ " របស់កងទ័ពទាំងមូលនាពេលកន្លងមក។
តាមនោះ គណៈកម្មាធិការបក្សយោធាមជ្ឈិម និងក្រសួងការពារប្រទេសបានដឹកនាំ និងណែនាំដល់អាជ្ញាធរពាក់ព័ន្ធ សហការយ៉ាងជិតស្និទ្ធជាមួយក្រសួង ស្ថាប័នមជ្ឈិម និងមូលដ្ឋាននានាដើម្បីស្រាវជ្រាវ និងលើកសំណើជាមួយបក្ស រដ្ឋ ដើម្បីចេញនិងបំពេញបន្ថែមឯកសារច្បាប់ទាន់ពេលនូវរបបនិងគោលនយោបាយសម្រាប់យុទ្ធជនពិការ យុទ្ធជនពលី និងអ្នកមានគុណបំណាច់ចំពោះបដិវត្តន៍ និងគោលនយោបាយសមរភូមិក្រោយកងទ័ព។
ចលនា “តបស្នងសងគុណ” ត្រូវបានគណៈកម្មាធិការបក្ស មេបញ្ជាការគ្រប់លំដាប់ថ្នាក់ក្នុងកងទ័ពយកចិត្ដទុកដាក់ដឹកនាំ ប្រមូលធនធានជាច្រើនដើម្បីថែរក្សាអ្នកមានគុណបំណាច់ចំពោះបដិវត្ដន៍។ កងទ័ពតែងតែលើកសំណើ និងអនុវត្ដយ៉ាងយកចិត្ដទុកដាក់នូវគោលនយោបាយសម្រាប់អ្នកដែលចូលរួមសង្គ្រាមការពារមាតុភូមិ និងបំពេញកាតព្វកិច្ចអន្ដរជាតិ និងដោះស្រាយយ៉ាងសកម្មនូវគោលនយោបាយក្រោយសង្គ្រាម៕
មតិពីមិត្តអ្នកអាន