ក្រុង Thu Duc - កម្លាំងចលករជំរុញការអភិវឌ្ឍថ្មីនៃទីក្រុង ហូជីមិញ (វៀតណាម)

ភូមិ​នេសាទ​ដ៏​សុខសាន្ត មាន​ចម្ងាយ​តែ​ប៉ុន្មាន​ម៉ោង​តាម​ម៉ូតូ​ពី​ទីក្រុង​ហូជីមិញ

ទីក្រុង ហូជីមិញ (Ho Chi Minh) - លក្ខណៈពិសេសនៃទេសចរណ៍វៀតណាមភាគខាងត្បូង

ក្រុង Thu Duc - កម្លាំងចលករជំរុញការអភិវឌ្ឍថ្មីនៃទីក្រុង ហូជីមិញ (វៀតណាម)

ការក្រឡាខ្លួន​ខាង​ហេដ្ឋា​រចនាសម្ព័ន្ធ

ក្រុង​ ធូ​ឌឹក (Thu Duc) គឺជាទីក្រុង​ក្មេងខ្ចី​ដែល​មាន​ប្រៀបខ្លាំង​ពិសេស​ និង​លេច​ធ្លោនូវ​ភូមិសាស្ត្រ ក៏​ដូចជា​គ្រឹះស្ថាន​ហេដ្ឋារចនាសម្ព័ន្ធ។ ដោយហេតុ​នោះ​ ក្រុង​ ធូ​ឌឹក (Thu Duc) គឺ​ជា​ច្រក​ទ្វារ​ចេញ​ចូល​ពីទិសខាង​កើត​នៃទីក្រុង​ ហូជីមិញ (Ho Chi Minh) ជាប់​ព្រំប្រទល់នឹង​បណ្តា​ខេត្ត​នៅទិសអាគ្នេយ៍​នៃភាគខាងត្បូង ​ដែល​មាន​ប្រព័ន្ធគមនាគមន៍កំពុងត្រូវបានវិនិយោគ និងអភិវឌ្ឍពីមួយថ្ងៃទៅមួយថ្ងៃកាន់តែស៊ីចង្វាក់គ្នា ងាយស្រួលសម្រាប់តភ្ជាប់ និងសហប្រតិបត្តិការអភិវឌ្ឍសេដ្ឋកិច្ចជាមួយបណ្តាខេត្តនៅជុំវិញ ដូចជា៖

ខ្សែរថភ្លើង metro លេខ ១ ពីតំបន់ទេសចរណ៍ សួយ​ទៀន (Suoi Tien) ដល់ផ្សារ​ បេន​ថាញ (Ben Thanh) (ខណ្ឌទី ១) នឹងដាក់​ឲ្យដំណើរការនាពេលខាងមុខឆាប់ៗនេះ។ ខ្សែផ្លូវក្រវ៉ាត់ក្រុងទី ៣ (មីភឿក (My Phuoc) - តឹន​វ៉ាន់ (Tan Van) - ញ៉ឹនត្រាច (Nhon Trach)); ផ្លូវល្បឿនលឿនទីក្រុង ហូជីមិញ - ឡុងថាញ់ - យៅយៃ (Ho Chi Minh – Long Thanh – Dau Giay) ផ្លូវជាតិលេខ ១A, ផ្លូវជាតិលេខ ១K; ផ្លូវហាយវេ ហាណូយ (Ha Noi) តភ្ជាប់ទៅកណ្តាលខណ្ឌទី ១ ផ្លូវហាយវេ ផាម​វ៉ាន់​ដុង (Pham Van Dong) តភ្ជាប់ទៅអាកាសយានដ្ឋាន តឹន​សើន​ញ៉ឹត (Tan Son Nhat) ខណ្ឌ ប៊ិញ​ថាញ (Binh Thanh) ខណ្ឌ ហ្គោវ៉ឹប (Go Vap) និងផ្លូវទឹកតាមដងទន្លេ សាយហ្គន (Sai Gon) - ទន្លេ ដុង​ណាយ (Dong Nai) ...

ទន្ទឹម​នឹង​នេះ នេះជាតំបន់​ងាយស្រួលក្នុងការអភិវឌ្ឍឧស្សាហកម្មដឹកជញ្ជូន ​និងចែកចាយទំនិញ ដោយការតភ្ជាប់ការដឹកជញ្ជូនពហុមធ្យោបាយ រួមទាំងកំពង់ផែ កាតឡាយ (Cat Lai) ដែលមានទំហំ​ដី ១៦០ ហិចតា ប្រវែង​កំពង់​ផែ ២០៤០​ ម៉ែត្រ ដែលបច្ចុប្បន្នជាកំពង់ផែធំ និងទំនើបបំផុតនៅក្នុងប្រទេសវៀតណាម។ ​ខណៈដែលបាន​សួរ​អំពីបំណងរបស់​ខ្លួនស្ដី​អំពី​ការអភិវឌ្ឍនៃក្រុង​ ធូ​ឌឹក (Thu Duc) នាពេល​អនាគត់ បង សើន​ (Son) បាន​មាន​ប្រសាសន៍ថា ក្រុង​ ធូ​ឌឹក (Thu Duc) នឹង​បញ្ចប់​ និង​ដាក់​ឲ្យ​ដំណើរការ​ខ្សែ​រថភ្លើង​ Metro លេខ ១ – ខ្សែរថភ្លើង​ទីក្រុង​ទំនើប​ដំបូង​គេ​នៃទីក្រុង ហូជីមិញ (Ho Chi Minh) ដើម្បី​រួម​ចំណែក​ក្នុង​ការ​ផ្លាស់ប្តូរ កែលំអមុខ​មាត់​ប្រព័ន្ធដឹក​ជញ្ជូន​ទីក្រុង ​ហូជីមិញ (Ho Chi Minh)។

តំបន់បច្ចេកវិទ្យាខ្ពស់ ធូឌឹក (Thu Duc)

ឆ្ពោះទៅក្លាយជាទីក្រុង​មួយ​ដែល​មាន​ពហុមជ្ឈមណ្ឌល

ដោយ​ការ​ខិតខំប្រឹង​ប្រែង​និង​ក្ដីសង្ឃឹម ជំរុញ​ក្រុង ធូឌឹក (Thu Duc) ​អភិវឌ្ឍ​យ៉ាង​ឆាប់​រហ័ស ខ្លាំង​ក្លា និរន្តរភាព ដើម្បី​ក្លាយទៅជា​កម្លាំងអភិវឌ្ឍ​ថ្មី​របស់ទីក្រុង ហូជីមិញ (Ho Chi Minh) និងតំបន់​អាគ្នេយនៃភាគខាងត្បូងទាំងមូល ​កាលពីខែ​មិថុនា ឆ្នាំ២០២៣ គណៈកម្មាធិការ​ប្រជាជន​ទីក្រុង ហូជីមិញ (Ho Chi Minh) បានដាក់សំណើរជូននាយករដ្ឋមន្ត្រីអំពីការត្រួតពិនិត អនុម័ត​គម្រោង​រៀបចំ​រួម​នៃក្រុង ធូឌឹក (Thu Duc) ចំណុះ​ទីក្រុង ហូជីមិញ (Ho Chi Minh) រហូតដល់ឆ្នាំ២០៤០។

ដើម្បីធ្វើបានយ៉ាងដូចនេះទីក្រុង ហូជីមិញ (Ho Chi Minh) នឹងរៀបចំក្រុង ធូឌឹក (Thu Duc) ក្លាយជាទីក្រុងពហុមជ្ឈមណ្ឌល ដោយមានមជ្ឈមណ្ឌលសំខាន់មួយ គឺតំបន់ ធូថៀម (Thu Thiem) និងមជ្ឈមណ្ឌលពីរផ្សេងទៀត នៅតំបន់ ទ្រឿងថ (Truong Tho) និងតំបន់ ឡុង​ភឿក (Long Phuoc)។ ក្នុង​នោះ តំបន់ ធូថៀម (Thu Thiem) នឹងត្រូវបានវិនិយោគ និងអភិវឌ្ឍទៅជាមជ្ឈមណ្ឌលហិរញ្ញវត្ថុ​អន្តរជាតិ តំបន់ទ្រឿងថ (Truong Tho) នឹងក្លាយជាមជ្ឈមណ្ឌលរដ្ឋបាល ពាណិជ្ជកម្ម និងសេវាកម្ម ដែលជាគំរូទីក្រុងនាពេលអនាគតសម្រាប់ការរស់នៅ ធ្វើការ និងសម្រាកលំហែកាយជាមួយនឹងហេដ្ឋារចនាសម្ព័ន្ធដ៏ល្អ និងការគ្រប់គ្រងដោយបច្ចេកវិទ្យាខ្ពស់ រីឯ តំបន់ ឡុង​ភឿក (Long Phuoc) វិញនឹងក្លាយជាមជ្ឈមណ្ឌលអេកូបរិស្ថានវិទ្យា ស្រាវជ្រាវ បណ្តុះបណ្តាល និងផលិតបច្ចេកវិទ្យាខ្ពស់...

ក្រៅពីការផ្តោតកសាង និងអភិវឌ្ឍ ក្រុង​ ធូឌឹក (Thu Duc) ក្លាយទៅជាទីក្រុងមាន​ពហុមជ្ឈមណ្ឌល​ និង​សកម្មទំនើប ថ្នាក់ដឹកនាំទីក្រុងក៏មិនភ្លេចនូវការរក្សា និងពង្រីកគុណសម្បត្តិនៃកត្តាប្រវត្តិសាស្ត្រ និងវប្បធម៌ ទេសចរណ៍ពិសេស ដែលមានស្រាប់នៃក្រុង​ ធូឌឹក (Thu Duc) ។ ឧទាហរណ៍៖ តំបន់ទេសចរណ៍វប្បធម៌ សួយទៀន (Suoi Tien) (សង្កាត់ តឹន​ភូ (Tan Phu)), ឧទ្យានវប្បធម៌ ប្រវត្តិសាស្ត្រជនជាតិ និងវប្បធម៌ (សង្កាត់ ឡុង​ប៊ិញ (Long Binh)), វត្ត ហ្វេងៀម (Hue Nghiem) (សង្កាត់​ អាន​ខាញ (An Khanh)), សារមន្ទីរអាវផាយ (សង្កាត់​ ឡុង​ភឿក ( Long Phuoc)), ស្រះផ្កាឈូក តាម​ដា (Tam Da) (សង្កាត់​ ទ្រឿង​ថាញ (Truong Thanh) ... ឬមជ្ឈមណ្ឌលពាណិជ្ជកម្ម Giga Mall (សង្កាត់​ ហៀប​ប៊ិញ​ចាញ (Hiep Binh Chanh)) ឧទ្យាន​តំបន់បុរី Sala (សង្កាត់ អាន​លើយ​ដុង (An Loi Dong) ខាងក្នុងតំបន់បុរី Sala), Vincom ធូ​ឌឹក (Thu Duc) (សង្កាត់ ប៊ិញ​ថ (Binh Tho)... ទាំងនេះនឹងក្លាយជា​កន្លែងទេសចរណ៍ និងវប្បធម៌គួរឲ្យ​ចាប់ចិត្ត ដើម្បីក្រុង ធូឌឹក (Thu Duc) ទាក់ទាញភ្ញៀវទេសចរមកទស្សនា៕

យោងតាមកាសែតរូបថតវៀតណាម