នាថ្ងៃទី ៥ ខែកញ្ញា រួមជាមួយសិស្សានុសិស្សទូទាំងប្រទេសវៀតណាម គ្រូបង្រៀន និងសិស្សនៃសាលាបឋមសិក្សានៅស្រុកកោះ Truong Sa ខេត្ត Khanh Hoa បានចូលរួមពិធីបើកបវេសនកាលឆ្នាំសិក្សាថ្មី ២០២៣ - ២០២៤។
 វៀតណាម៖ ពិព័រណ៍រូបថត «ប្រជុំកោះHoang Sa - Truong Sa ក្នុងក្រអៅបេះដូងរបស់ប្រជាជន» នៅ ខេត្ត Quang Ngai |
 ស្រុកកោះ Ly Son ខិតខំប្រឹងប្រែងក្លាយទៅជាមជ្ឈមណ្ឌលទេសចរណ៍កោះសមុទ្រ |
 |
| កោះសមុទ្រវៀតណាម៖ ស្រុកកោះ Truong Sa បើកបវេសនកាលឆ្នាំសិក្សាថ្មីយ៉ាងសប្បាយរីករាយ |
នៅមុនថ្ងៃបើកបវេសនកាលឆ្នាំសិក្សាថ្មី អាជ្ញាធរ សហជីព កម្មាភិបាល យុទ្ធជន លោកគ្រូ អ្នកគ្រូ អ្នកអាណាព្យាបាល និងសិស្សនៅលើកោះ បានសម្អាត និងតុបតែងបន្ទប់រៀនយ៉ាងស្អាត។ ក្នុងឆ្នាំសិក្សា ២០២២-២០២៣ លោកគ្រូ អ្នកគ្រូ និងសិស្សនៃសាលាបានសម្រេចភារកិច្ចដោយជោគជ័យ។ សិស្សទាំងអស់ទទួលបានលទ្ធផលល្អក្នុងការសិក្សា និងបន្សល់ទុកនូវចំណាប់អារម្មណ៍ល្អៗចំពោះក្រុមបេសកកម្មដែលមកកោះ។
លោកគ្រូ Cao Van Truyen សាលាបឋមសិក្សាទីរួមស្រុក Truong Sa បានចែករំលែកថា ដោយមានការយកចិត្តទុកដាក់ពីគណៈកម្មាធិការបក្ស អាជ្ញាធរមូលដ្ឋាន និងអង្គភាពនានា សម្ភារៈ និងបន្ទប់រៀនរបស់សាលាត្រូវបានកែលម្អស្អាត និងធំទូលាយ។ លោកគ្រូ អ្នកគ្រូ និងសិស្សរបស់សាលាចូលឆ្នាំសិក្សាថ្មីយ៉ាងសប្បាយរីករាយ។ ក្នុងឆ្នាំសិក្សានេះ សាលាបានប្ដេជ្ញាចិត្តលើកកម្ពស់គុណភាពនៃការបង្រៀន និងខិតខំឲ្យសិស្សទាំង ១០០% មានលទ្ធផលសិក្សាល្អបង្គួរ។ លោកគ្រូ Cao Van Truyen បានសង្កត់ធ្ងន់ថា សិស្សនៅកោះជួបការលំបាក និងកង្វះខាតជាច្រើនបើធៀបនឹងដីគោក ហេតុនេះហើយលោក និងសហការីនឹងធ្វើឲ្យអស់ពីសមត្ថភាពដើម្បីផ្តល់ចំណេះដឹងមិនត្រឹមតែក្នុងសៀវភៅសិក្សាប៉ុណ្ណោះ ប៉ុន្តែថែមទាំងបទពិសោធន៍ក្នុងជីវភាពរស់នៅទៀតផង។
ក្នុងពិធីបើកបវេសនកាល អាជ្ញាធរ និងអង្គភាពដែលកំពុងបំពេញភារកិច្ចនៅកោះ បានប្រគល់អំណោយដ៏មានអត្ថន័យជាច្រើន ជូនសិស្ស ដើម្បីលើកទឹកចិត្តឲ្យពួកគេបន្តខិតខំពុះពារជំនះការលំបាក ហើយសិក្សារៀនសូត្រឲ្យបានល្អ និងសម្រេចបានលទ្ធផលល្អក្នុងការសិក្សា៕
មតិពីមិត្តអ្នកអាន