ពង្រឹងកិច្ចសហប្រតិបត្តិការវប្បធម៌ និងការផ្លាស់ប្តូរប្រជាជនរវាងទីក្រុងហូជីមិញ និងជប៉ុន

សម្ព័ន្ធអង្គការមិត្តភាពខេត្ត Vinh Phuc រៀបចំកម្មវិធីប្រឡងស្វែងយល់អំពីទំនាក់ទំនងមិត្តភាពរវាងវៀតណាម និងជប៉ុន

រដ្ឋាភិបាលគាំទ្រការពង្រឹងកិច្ចសហប្រតិបត្តិការរវាងមូលដ្ឋាននៃប្រទេសវៀតណាម និងជប៉ុន

លេខាគណៈកម្មាធិការបក្សទីក្រុងហូជីមិញ លោក Nguyen Van Nen ទទួលជួបលោក Yamaguchi Natsuo

លោក Nguyen Van Nen បានសង្កត់ធ្ងន់ថា គណបក្ស Cong Minh ក្នុងនាមជាបក្សសម្ព័ន្ធដែលកំពុងកាន់អំណាចនៅប្រទេសជប៉ុនបានរួមចំណែកសំខាន់ជាច្រើនក្នុងការបង្រួបបង្រួម និងអភិវឌ្ឍន៍ទំនាក់ទំនងសហប្រតិបត្តិការមិត្តភាពរវាងវៀតណាមនិងជប៉ុនក្នុងរយៈពេលកន្លងមក។

តាមលោក Nguyen Van Nen ទីក្រុងហូជីមិញ តែងតែយកចិត្តទុកដាក់ក្នុងការអភិវឌ្ឍន៍ទំនាក់ទំនងសហប្រតិបត្តិការជាមួយដៃគូជប៉ុនក្នុងវិស័យពាណិជ្ជកម្ម វិនិយោគ វប្បធម៌ ការផ្លាស់ប្តូរប្រជាជននិងប្រជាជន ជាពិសេសគឺកិច្ចសហប្រតិបត្តិការបណ្តុះបណ្តាលធនធានមនុស្ស កម្មករវ័យក្មេងប្រកបដោយភាពជំនាញ។

អះអាងនូវបំណងចង់ពង្រឹងថែមទៀតទំនាក់ទំនងកិច្ចសហប្រតិបត្តិការជាមួយមូលដ្ឋាននិងដៃគូជប៉ុន លេខាគណៈកម្មាធិការបក្សទីក្រុងហូជីមិញ លោក Nguyen Van Nen បានស្នើថា ប្រធានគណបក្ស Cong Minh យកចិត្តទុកដាក់ជួយឧបត្ថម្ភធុរកិច្ច វិនិយោគិនជប៉ុនជំរុញការវិនិយោគរយៈពេលវែង និង អាជីវកម្មនៅទីក្រុងហូជីមិញ។ ទន្ទឹមនឹងនោះ ជំរុញសកម្មភាពទេសចរណ៍ ការផ្លាស់ប្តូរវប្បធម៌ និងការទូតរវាងប្រជាជន និងប្រជាជន ដើម្បីនាំទំនាក់ទំនងរវាងភាគីទាំងពីរសមស្របនឹងសក្តានុពល និងបំណងប្រាថ្នារបស់ភាគីទាំងពីរ រួមចំណែកធ្វើឱ្យទំនាក់ទំនងវៀតណាម - ជប៉ុនកាន់តែមានប្រជាប្រិយភាព អភិវឌ្ឍ ចូលទៅក្នុងជម្រៅ និងមានប្រសិទ្ធភាព។

នៅក្នុងជំនួបនេះ លោក Yamaguchi Natsuo បានឲ្យដឹងថា គណបក្ស Cong Minh គាំទ្រសកម្មភាពលើកកម្ពស់ទំនាក់ទំនងរវាងជប៉ុន និងវៀតណាម ជាពិសេសលើវិស័យសាងសង់ហេដ្ឋារចនាសម្ព័ន្ធ និងការបណ្តុះបណ្តាលពង្រឹងគុណភាព ធនធានមនុស្សសម្រាប់ឆ្មាំឆ្នេរសមុទ្រ។

បន្ថែមពីលើការលើកកម្ពស់ទំនាក់ទំនងនយោបាយ សេដ្ឋកិច្ច និងពាណិជ្ជកម្ម លោក Yamaguchi Natsuo បាននិយាយថា ចាំបាច់ត្រូវជំរុញបន្ថែមទៀតនូវការផ្លាស់ប្តូរវប្បធម៌ និងការទូតរវាងប្រជាជន និងប្រជាជន ព្រោះការផ្លាស់ប្តូរវប្បធម៌គឺជាមូលដ្ឋានគ្រឹះសម្រាប់កិច្ចសហប្រតិបត្តិការអភិវឌ្ឍន៍ទំនាក់ទំនងរវាងប្រទេសទាំងពីរ។

បច្ចុប្បន្ន ប្រទេសជប៉ុនកំពុងទទួលនិស្សិតនិងកម្មករវៀតណាមរាប់សែននាក់ ក្នុងនោះមានសិក្ខាកាមប្រមាណ ១៧ម៉ឺននាក់ និងកម្មករជំនាញប្រមាណ ៨ម៉ឺននាក់។ ប្រទេសជប៉ុនផ្តល់ជូននូវកម្មវិធីដែលអនុញ្ញាតឱ្យកម្មករជំនាញធ្វើការបានយូរនៅក្នុងប្រទេសជប៉ុន ហើយថែមទាំងនាំក្រុមគ្រួសាររបស់ពួកគេទៅជាមួយ, បង្កើតលក្ខខណ្ឌអំណោយផលសម្រាប់កម្មសិក្សាការី និងពលករវៀតណាមមានអារម្មណ៍សុវត្ថិភាពក្នុងការធ្វើការនៅប្រទេសជប៉ុន និងក្រោយពេលត្រឡប់មកផ្ទះវិញ ដើម្បីអាចរួមចំណែកដល់សេដ្ឋកិច្ចរបស់វៀតណាម៕

ឌឹកអាញ់

Thoidai.com.vn