Trending now

និស្សិតវៀតណាមនៅអូស្ត្រាលី ផ្សព្វផ្សាយ​រូប​ភាពវៀតណាមដល់មិត្តភក្តិ​អន្តរជាតិ

09:52 | 21/08/2023 យោងតាមវិទ្យុសំលេងវៀតណាម

នាយប់ថ្ងៃទី ១៧ ខែសីហា នៅទីក្រុងស៊ីដនី ប្រទេសអូស្ត្រាលី សមាគមនិស្សិតវៀតណាមនៅសាកលវិទ្យាល័យ Wollongong (VGong) ទីក្រុង Sydney រដ្ឋ New South Wales បានរៀបចំការប្រកួតស្វែងរកទេពកោសល្យ “VGong’s Got Talent ២០២៣”។

ផ្សព្វផ្សាយ មីសួ បាកកាន (Bac Kan) ដល់មិត្តអន្តរជាតិ ផ្សព្វផ្សាយ មីសួ បាកកាន (Bac Kan) ដល់មិត្តអន្តរជាតិ
ផ្សព្វផ្សាយ និងអភិវឌ្ឍសកម្មភាពសហគមន៍ភាសាបារាំងនៅទីក្រុង Can Tho ផ្សព្វផ្សាយ និងអភិវឌ្ឍសកម្មភាពសហគមន៍ភាសាបារាំងនៅទីក្រុង Can Tho
ការសម្តែងរបស់និស្សិតវៀតណាមនៅសកលវិទ្យាល័យ Wollongong ។ (រូបថត៖ Le Dat/TTXVN)
ការសម្តែងរបស់និស្សិតវៀតណាមនៅសកលវិទ្យាល័យ Wollongong ។ (រូបថត៖ Le Dat/TTXVN)

ការសម្តែងទាំង ៨ របស់និស្សិតសាកលវិទ្យាល័យ Wollongong មកពីប្រទេសជាច្រើនបានរួមគ្នាបង្កើតចំណាប់អារម្មណ៍ដ៏វិសេសវិសាល។ ការសម្តែងរបស់និស្សិតវៀតណាមនៅសកលវិទ្យាល័យ Wollongong បានបង្កប់នូវអត្តសញ្ញាណវប្បធម៌វៀតណាម។

ថ្លែងមតិក្នុងពិធីបើកកម្មវិធីនេះ លោក Nguyen Dang Thang អគ្គកុងស៊ុលវៀតណាមប្រចាំរដ្ឋ New South Wales រដ្ឋ Queensland និង South Australia បានឲ្យដឹងថា កម្មវិធីនេះត្រូវបានរៀបចំឡើងសំដៅរួមចំណែកក្នុងឱកាសរំលឹកខួបលើកទី ៥០ នៃការបង្កើតទំនាក់ទំនងការទូតរវាងវៀតណាមនិងអូស្ត្រាលី ស្របតាមស្មារតីនៃទំនាក់ទំនងទ្វេភាគីដែលមានការរីកចម្រើនយ៉ាងខ្លាំងក្នុងរយៈពេល៥០ឆ្នាំកន្លងទៅ។ លោកសង្ឃឹមថា និស្សិតនីមួយៗនឹងក្លាយជាឯកអគ្គរដ្ឋទូតនៃប្រទេសទាំងពីរនាពេលអនាគត រួមចំណែកជាវិជ្ជមានក្នុងទំនាក់ទំនងវៀតណាម-អូស្ត្រាលី។ រីឯខ្លួនវិញ សាស្ត្រាចារ្យ Theo Farrell នាយករងនៃសាកលវិទ្យាល័យ Wollongong បានមានប្រសាសន៍ថា និស្សិតវៀតណាមមានទេពកោសល្យខ្ពស់ និងសម្រេចបានសមិទ្ធិផលគួរឲ្យកោតសរសើរក្នុងការសិក្សា។ ប្អូនៗក៏សកម្មនិងរួសរាយរាក់ទាក់ផងដែរ។ លោកសង្ឃឹមថា បន្ទាប់ពីការសិក្សានៅអូស្ត្រាលី និស្សិតវៀតណាមនឹងក្លាយជាស្ពានតភ្ជាប់ដែលជួយបង្កើនការយល់ដឹងគ្នាទៅវិញទៅមករវាងប្រទេសទាំងពីរ៕

យោងតាមវិទ្យុសំលេងវៀតណាម

មតិពីមិត្តអ្នកអាន

ព័ត៌មានថ្មីៗ

ពង្រឹងសាមគ្គីភាពនិងស្មារតីសហគមន៍
ចំណុចសំខាន់គួរឱ្យចាប់អារម្មណ៍សម្រាប់បរិយាកាសសហប្រតិបត្តិការដ៏រស់រវើក
កងឆ្មាំសមុទ្រវៀតណាម រួមមដំណើរជាមួយអ្នកនេសាទ និងជនរួមជាតិភាគតិច
កងទ័ពប្រជាជនវៀតណាម សម្របសម្រួលពិនិត្យសុខភាព និងចែកអំណោយជូនប្រជាពលរដ្ឋនៅតាមតំបន់ព្រំដែនវៀតណាម-កម្ពុជា
វៀតណាម-កម្ពុជាបន្តរក្សា ពូនជ្រំ និងអភិវឌ្ឍទំនាក់ទំនងរវាងប្រទេសទាំងពីរ