នាយករដ្ឋមន្ត្រីវៀតណាម លោក Pham Minh Chinh៖ ការធ្វើសមាហរណកម្មអន្តរជាតិក្នុងស្មារតីទាំងអស់គ្នាដើម្បីផលប្រយោជន៍ជាតិ

នាយករដ្ឋមន្ត្រីវៀតណាមលោក Pham Minh Chinh និងនាយករដ្ឋមន្ត្រីម៉ាឡេស៊ី អញ្ជើញទស្សនាវិថីសៀវភៅហាណូយ

ជំរុញខ្លាំងការអនុវត្តប្រកបដោយប្រសិទ្ធភាពនូវគោលជំហរ និងគោលនយោបាយស្តីពីជនពិការ

លោក Pham Minh Chinh នាយករដ្ឋមន្ត្រីវៀតណាម និងជាប្រធានគណៈកម្មការដឹកនាំអភិវឌ្ឍគម្រោង “បូកសរុប ១០ ឆ្នាំនៃការអនុវត្តសេចក្តីសម្រេចចិត្តលេខ២២-NQ/TW (រូបថត៖ vnanet.vn)

មានអនុសាសន៍ក្នុងកិច្ចប្រជុំ លោក Pham Minh Chinh បានមានប្រសាសន៍ថា បន្ទាប់ពីរយៈពេល ១០ ឆ្នាំនៃការអនុវត្តសេចក្តីសម្រេចចិត្តលេខ ២២ នេះ ដោយឈរលើមូលដ្ឋាននៃការវិភាគសមិទ្ធផល និងចំណុចខ្វះខាត មានមេរៀនចំនួន ៥ ដែលត្រូវយល់ជ្រាបក្នុងការអនុវត្តការធ្វើសមាហរណកម្មនាពេលខាងមុខ។ ក្នុងនោះ ការធ្វើសមាហរណកម្មអន្តរជាតិមានសារៈសំខាន់ជាយុទ្ធសាស្ត្រ ហើយពិតជាបុព្វហេតុនៃប្រជាជនទាំងមូល និងនៃប្រព័ន្ធនយោបាយទាំងមូល ដែលក្នុងនោះប្រជាជន និងធុរកិច្ចជាមជ្ឈភាព ជាប្រធានបទ ជាធនធាន និងជាកម្លាំងជំរុញ។ ការធ្វើសមាហរណកម្មអន្តរជាតិមានទាំងឱកាស និងបញ្ហាប្រឈម ហើយវាជាបញ្ហាពិបាក និងរសើបក៏ពិតមែន ប៉ុន្តែវាមិនអាចមិនធ្វើទេ។

លោកនាយករដ្ឋមន្ត្រីបានមានប្រសាសន៍ថា យើងត្រូវតែក្តាប់ឲ្យបានច្បាស់នូវស្ថានភាព បរិបទអន្តរជាតិ និងតម្រូវការអភិវឌ្ឍក្នុងប្រទេស ការធ្វើសមាហរណកម្មលើគ្រប់វិស័យគប្បីតែមានទំនាក់ទំនងយ៉ាងជិតស្និទ្ធ បំពេញបន្ថែមគ្នាទៅវិញទៅមក អនុវត្តឱ្យមានភាពរលូន និងស៊ីសង្វាក់គ្នា ដែលក្នុងនោះការធ្វើសមាហរណកម្មសេដ្ឋកិច្ចនៅតែជាស្នូល ការធ្វើសមាហរណកម្មក្នុងវិស័យផ្សេងទៀតត្រូវតែសម្រួលដល់សមាហរណកម្មសេដ្ឋកិច្ច…

លោកនាយករដ្ឋមន្ត្រីបានមានប្រសាសន៍ទៀតថា ក្រោយរយៈពេល១០ឆ្នាំ វៀតណាមបានពង្រីកបន្ថែមដោយចូលរួមការធ្វើសមាហរណកម្មកម្រិតផ្សេងៗគ្នាជាច្រើន ទាំងទ្វេភាគី និងពហុភាគី។ នេះគឺជាពេលវេលាដើម្បីបង្កើតការអភិវឌ្ឍថ្មីប្រកបដោយគុណភាព ទាញយកផលប្រយោជន៍ប្រកបដោយប្រសិទ្ធភាពនូវនិន្នាការថ្មីក្នុងបដិវត្តន៍ឧស្សាហកម្មទី៤ អំពីការផ្លាស់ប្តូរ និងការរៀបចំខ្សែសង្វាក់ផ្គត់ផ្គង់ឡើងវិញ និងបណ្តាញកិច្ចព្រមព្រៀងពាណិជ្ជកម្មសេរី (FTA) ដែលវៀតណាមបានចូលរួម ប្រើប្រាស់ធនធានច្រើនបំផុត ដើម្បីអភិវឌ្ឍន៍ប្រទេស...៕

យោងតាមកាសែតកងទ័ពប្រជាជន