នាថ្ងៃទី ៣០ ខែកក្កដា កងពលធំលេខ៩ អង្គទ័ពលេខ៤ បានសម្របសម្រួលជាមួយសមាគមអតីតយុទ្ធជនទីក្រុងហូជីមិញ រៀបចំកម្មវិធីជួបជុំប្រាស្រ័យរវាងគ្រួសារវៀតណាមជាមួយនិស្សិតឡាវ និងកម្ពុជាដែលកំពុងសិក្សានៅទីក្រុងហូជីមិញ។
 |
| កងទ័ពនៃកងពលធំលេខ៩ អង្គទ័ពលេខ៤របស់វៀតណាម ជួបប្រាស្រ័យជាមួយនិស្សិតឡាវ និងកម្ពុជា |
កម្មវិធីនេះគឺជាសកម្មភាពជាក់ស្តែង ដើម្បីជួយជ្រោមជ្រែងគម្រោង “គ្រួសារវៀតណាមជាមួយនិស្សិតឡាវ និងកម្ពុជាដែលកំពុងសិក្សានៅទីក្រុងហូជីមិញ ដំណាក់កាល ២០២១-២០២៥” ដែលអនុវត្តដោយគណៈកម្មាធិការរណសិរ្សមាតុភូមិវៀតណាម នៅទីក្រុងហូជីមិញ។
ក្នុងកម្មវិធីនោះ អតីតយុទ្ធជនបានរំលឹកឡើងវិញនូវប្រពៃណី និងអនុស្សាវរីយ៍អំពីដំណើរការតស៊ូដើម្បីជួយប្រទេសមិត្ត។ ក្នុងឱកាសនេះ និស្សិតឡាវ និងកម្ពុជាអាចទស្សនាបន្ទាយ ស្វែងយល់ពីបរិស្ថានរៀនសូត្រ ធ្វើការ និងរស់នៅរបស់កងទ័ពនៃកងពលធំលេខ៩ ហើយចូលរួមការផ្លាស់ប្តូរវប្បធម៌និងសិល្បៈ រួមចំណែកពង្រឹងចំណងមិត្តភាពរវាងយុវជននៃប្រទេសទាំងបីវៀតណាម-ឡាវ-កម្ពុជា៕
មតិពីមិត្តអ្នកអាន