នាព្រឹកថ្ងៃទី ២៩ ខែមិថុនា នៅអគាទទួលភ្ញៀវ ក្រសួងការពារប្រទេស នៅលេខ ២៦៦ ផ្លូវ Thuy Khue ខ័ណ្ឌ Tay Ho ទីក្រុងហាណូយ បានប្រព្រឹត្តទៅជំនួបសំណេះសំណាលជាមួយអតីតអ្នកជំនាញការវៀតណាម ដែលបានជួយបដិវត្តន៍កម្ពុជា ឬហៅថា គណៈកម្មការលេខ៦៨ ហៅកាត់ថា B៦៨ របស់គណៈកម្មាធិការមជ្ឈិមបក្ស (ខែមិថុនា ឆ្នាំ១៩៧៨ - ខែមិថុនា ឆ្នាំ២០២៣)។
 វៀតណាម - UNDP៖ រយៈ ៤៥ ឆ្នាំនៃកិច្ចសហប្រតិបត្តិការដើម្បីការអភិវឌ្ឍប្រកបដោយចីរភាព |
 ទីក្រុងហាណូយ (វៀតណាម)៖ ពិធីរំលឹកខួបលើកទី ៤៥ នៃការបង្កើតក្រុមអ្នកជំនាញយោធា ៤៧៨ |
 |
| ប្រតិភូចូលរួមជំនួប |
លោកស្រី Nguyen Thi Thanh សមាជិកគណៈកម្មាធិការមជ្ឈិមបក្ស សមាជិកគណៈកម្មាធិការអចិន្ត្រៃយ៍នៃរដ្ឋសភា ប្រធានគណៈកម្មការកិច្ចការសមាជិករដ្ឋសភានៃគណៈកម្មាធិការអចិន្ត្រៃយ៍រដ្ឋសភា បានបញ្ជាក់ថា កងទ័ពស្ម័គ្រចិត្តវៀតណាម និងអ្នកជំនាញការវៀតណាម មិនខ្លាចការលំបាក និងរួមទុក្ខ ប្រកៀកស្មាជាមួយប្រជាជនកម្ពុជា ជួយបដិវត្តន៍កម្ពុជាក្នុងបុព្វហេតុផ្តួលរំលំរបបប្រល័យពូជសាសន៍ ប៉ុល ពត កសាង ការពារ ស្តារ និងអភិវឌ្ឍន៍ប្រទេសកម្ពុជា។
លោកស្រី Nguyen Thi Thanh បានសម្តែងនូវការគោរពជាពិសេសចំពោះសកម្មភាពដ៏មានអត្ថន័យរបស់គណៈកម្មការទាក់ទងក្នុងការសួរសុខទុក្ខ និងលើកទឹកចិត្តអតីតអ្នកជំនាញការ យុទ្ធជនពិការ គ្រួសារយុទ្ធជនពលី។ល។ លោកស្រីក៏កោតសរសើរគណៈកម្មការទាក់ទងដែលបានផ្តល់យោបល់យ៉ាងសកម្ម ទៅបក្ស និងរដ្ឋលើការលើកសរសើរដល់អតីតអ្នកជំនាញ ហើយទទួលស្គាល់អនុសាសន៍របស់អតីតអ្នកជំនាញ B៦៨ ដើម្បីរាយការណ៍ជូនស្ថាប័នមានសមត្ថកិច្ចរបស់បក្ស និងរដ្ឋ។
លោកស្រីបានជូនពរអតីតអ្នកជំនាញការ B៦៨ និងក្រុមគ្រួសារ មានសុខភាពល្អ និងចូលរួមយ៉ាងសកម្មក្នុងចលនាស្នេហាជាតិតាមសមត្ថភាពរបស់ខ្លួន៕
មតិពីមិត្តអ្នកអាន