នាព្រឹកថ្ងៃទី២៦ មិថុនា លោក Nguyen Thuc Hien អនុប្រធានគណៈកម្មាធិការប្រជាជនទីក្រុង Can Tho និងតំណាងមន្ទីរ ស្ថាប័នពាក់ព័ន្ធបានជួបជាមួយគណៈប្រតិភូសមាគមខ្មែរ-វៀតណាមនៅកម្ពុជា ដឹកនាំដោយលោក Sim Chy ប្រធានសមាគមខ្មែរ-វៀតណាមនៅកម្ពុជា ដែលកំពុងបំពេញទស្សនកិច្ច និងធ្វើការជាមួយថ្នាក់ដឹកនាំទីក្រុងដើម្បីជម្រាបជូនអំពីស្ថានភាពអាណិកជនវៀតណាមនៅកម្ពុជា ព្រមទាំងពិភាក្សាលើខ្លឹមសារមួយចំនួនដែលទាក់ទងនឹងការជួយឧបត្ថម្ភសហគមន៍ខ្មែរ-វៀតណាមនៅកម្ពុជាផងដែរ។
 វៀតណាម៖ ទន្លេមេគង្គនៅ Can Tho “ខៀវស្រងាត់ - ស្រស់ស្អាត” ស្វាគមន៍រដូវក្តៅ |
 ខេត្ត Can Tho (វៀតណាម) បន្តយកចិត្តទុកដាក់ជំរុញកិច្ចសហប្រតិបត្តិការជាមួយខេត្តកំពង់ឆ្នាំង |
 |
| លោក Nguyen Thuc Hien អនុប្រធានគណៈកម្មាធិការប្រជាជនទីក្រុង Can Tho ប្រគល់វត្ថុអនុស្សាវរីយ៍ជូនលោក Sim Chy ប្រធានសមាគមខ្មែរ-វៀតណាមនៅកម្ពុជា |
នៅក្នុងជំនួបនេះ លោក Nguyen Thuc Hien បានឲ្យដឹងថា ទីក្រុង Can Tho តែងតែយកចិត្តទុកដាក់ និងចាត់ទុកសមាគមខ្មែរ-វៀតណាមនៅកម្ពុជាជាស្ពានតភ្ជាប់ទំនាក់ទំនងរវាងអាជ្ញាធរមូលដ្ឋានវៀតណាម រួមទាំងទីក្រុង Can Tho ជាមួយសហគមន៍ខ្មែរ-វៀតណាមនៅកម្ពុជាផងដែរ។
ដោយមានស្មារតីជួយគ្នាទៅវិញទៅមក និងពូនជ្រំចំណងមិត្តភាព ក្នុងរយៈពេលកន្លងមក ទីក្រុង Can Tho មានសកម្មភាពជាច្រើនក្នុងការជួយដល់មូលដ្ឋានមួយចំនួន អង្គភាពកងយោធពលខេមរភូមិន្ទ និងសហគមន៍អាណិកជនវៀតណាមនៅកម្ពុជា។
លោក Nguyen Thuc Hien បានឲ្យដឹងថា ការថែទាំសហគមន៍វៀតណាមនៅកម្ពុជា មិនត្រឹមតែរួមចំណែកដល់ការអនុវត្តប្រកបដោយប្រសិទ្ធភាពនូវគោលការណ៍មហាសាមគ្គីភាពជាតិទាំងមូលប៉ុណ្ណោះទេ ថែមទាំងបង្ហាញពីមនោសញ្ចេតនា និងការទទួលខុសត្រូវរបស់បក្ស និងរដ្ឋចំពោះសហគមន៍វៀតណាមនៅក្រៅប្រទេសផងដែរ។
ក្នុងជំនួបនោះ លោក Sim Chy ប្រធានសមាគមខ្មែរ-វៀតណាមនៅកម្ពុជាបានចំណាយពេលវេលាយ៉ាងច្រើន ដើម្បីជម្រាបជូនអំពីស្ថានភាពរបស់អាណិកជនវៀតណាមនៅកម្ពុជានាពេលបច្ចុប្បន្ន ហើយទន្ទឹមនឹងនោះក៏បានថ្លែងអំណរគុណចំពោះរដ្ឋាភិបាលវៀតណាម អាជ្ញាធរមូលដ្ឋានជាច្រើននៅទូទាំងប្រទេស រួមទាំងទីក្រុង Can Tho បានយកចិត្តទុកដាក់ជាពិសេសចំពោះអាណិកជនវៀតណាមនៅកម្ពុជានាពេលកន្លងមក៕
មតិពីមិត្តអ្នកអាន