ថ្ងៃទី ៨ ខែមិថុនា ត្រូវបានអង្គការសហប្រជាជាតិជ្រើសរើសជាទិវាមហាសាគរពិភពលោក ដើម្បីបង្ហាញពីសាមគ្គីភាព និងតភ្ជាប់មនុស្សគ្រប់គ្នានៅជុំវិញពិភពលោកជាមួយនឹងគោលដៅនៃការអភិរក្ស និងការអភិវឌ្ឍប្រកបដោយចីរភាពនៃសមុទ្រនិងមហាសាគរ។
 ខេត្ត Binh Thuan ជួយជ្រោមជ្រែងសប្តាហ៍សមុទ្រ និងកោះវៀតណាម |
 ទីក្រុង Hai Phong៖ លើកកម្ពស់ការយល់ដឹងរបស់ប្រជាជនអំពី "សមុទ្រ និងកោះវៀតណាម" |
 |
| ក្រសួងធនធានធម្មជាតិ និងបរិស្ថាន ចាប់ផ្តើមសប្តាហ៍សមុទ្រ និងកោះវៀតណាម |
នាំនេះប្រធានបទនៃទិវាមហាសាគរពិភពលោកគឺ "ពិភពមហាសាគរ៖ ជំនោរកំពុងផ្លាស់ប្តូរ" (Planet Ocean: Tides are Changing)។ ទិវាមហាសាគរពិភពលោកត្រូវបានប្រារព្ធនៅថ្ងៃទី ៨ ខែមិថុនាជារៀងរាល់ឆ្នាំ ដោយចាប់ផ្តើមពីឆ្នាំ ២០០៨ សំដៅសង្កត់ធ្ងន់ពីសារៈសំខាន់នៃមហាសាគរចំពោះជីវិតលើភពផែនដី និងបង្កើតមនសិការនៃការការពារ និងប្រើប្រាស់ធនធានមហាសាគរប្រកបដោយនិរន្តរភាព។
នៅក្នុងសារនៃទិវាមហាសាគរពិភពលោកឆ្នាំនេះ អគ្គលេខាធិការអង្គការសហប្រជាជាតិ លោក Antonio Guterres បានលើកច្បាស់ថា “ទិវាមហាសាគរពិភពលោកឆ្នាំនេះ រំលឹកយើងថា ជំនោរកំពុងផ្លាស់ប្តូរ ចូរយើងបន្តជំរុញសកម្មភាពរបស់ខ្លួន។ ថ្ងៃនេះនិងរាល់ថ្ងៃ ចូរដាក់សមុទ្រជាចម្បង។ នៅក្នុងសុន្ទរកថារបស់ខ្លួន លោក Guterres បានលើកឡើងពីបញ្ហាប្រឈមដ៏ធំធេងចំពោះមហាសាគរក្នុងស្ថានភាពបច្ចុប្បន្ន រួមមាន៖ ការប្រែប្រួលអាកាសធាតុកំពុងរំខានដល់ចរន្តទឹកសមុទ្រ និងផ្លាស់ប្តូរប្រព័ន្ធអេកូឡូស៊ីសមុទ្រ; ជីវចម្រុះក្នុងសមុទ្រកំពុងរងការវាយប្រហារដោយសារតែការនេសាទហួសកម្រិត ការធ្វើអាជីវកម្មហួសហេតុ និងការធ្វើឱ្យអាស៊ីដកម្មមហាសមុទ្រ; មនុស្សជាតិកំពុងបំពុលទឹកឆ្នេរសមុទ្រជាមួយនឹងសារធាតុគីមី ប្លាស្ទិកនិងកាកសំណល់៕
មតិពីមិត្តអ្នកអាន