នាព្រឹកថ្ងៃទី ២ ខែមេសា នាវាល្បាតសមុទ្រ Ptairial កងទ័ពជើងទឹកបារាំង បានចូលចតនៅកំពង់ផែ Chua Ve ដោយចាប់ផ្តើមដំណើរទស្សនកិច្ចសំដែងការគួរសមនៅទីក្រុង Hai Phong ចាប់ពីថ្ងៃទី ២ ដល់ថ្ងៃទី ៦ ខែមេសា។
 ជួយឧបត្ថម្ភនិស្សិតឡាវដែលកំពុងសិក្សានៅទីក្រុង Hai Phong |
 កំពង់ផែ Hai Phong ផ្លាស់ប្តូរឌីជីថលដើម្បីលើកកំពស់សមត្ថភាពធ្វើអាជីវកម្ម |
 |
| ថ្នាក់ដឹកនាំមន្ទីរកិច្ចការបរទេសទីក្រុង Hai Phong ជូនផ្កាលោកវរសេនីយ៍ឯក Francois Maignan មេបញ្ជាការនាវា Prairial |
នាវា Prairial មាននាយទាហាន និងនាវិក ចំនួន ៩៩ នាក់ ដែលបញ្ជាដោយលោកវរសេនីយ៍ឯក Francois Maignan ។ នាវានេះមានប្រវែង ៩៣.៥ម ទទឹង ១៤ម ចំណុះ ២.៩៥០ តោន ។ នេះជាលើកទី ៤ ហើយដែលនាវា Prairial ធ្វើទស្សនកិច្ចនៅវៀតណាម។ ពិធីទទួលបដិសណ្ឋារកិច្ចនៅកំពង់ផែបានប្រព្រឹត្តទៅនាព្រឹកថ្ងៃដដែល ដោយមានការអញ្ជើញចូលរួមពីថ្នាក់ដឹកនាំនៃមន្ទីរកិច្ចការបរទេសទីក្រុង Hai Phong តំណាងបញ្ជាការដ្ឋានតំបន់លេខ១ កងទ័ពជើងទឹក បញ្ជាការដ្ឋានយោធាទីក្រុង Hai Phong និងបញ្ជាការដ្ឋានកងទ័ពការពារព្រំដែនទីក្រុង Hai Phong លោកវរសេនីយ៍ឯក Frédéric Daumas អនុព័ន្ធយោធាបារាំងប្រចាំវៀតណាម...
ក្នុងដំណើរទស្សនកិច្ចនេះ នាយទាហាន និងនាវិកនៃនាវា Prairial នឹងចូលជួបសម្តែងការគួរសមជាមួយថ្នាក់ដឹកនាំគណៈកម្មាធិការប្រជាជនទីក្រុង Hai Phong; ថ្នាក់ដឹកនាំបញ្ជាការដ្ឋានតំបន់លេខ ១ កងទ័ពជើងទឹក។ លើសពីនេះ នាវាកងទ័ពជើងទឹកបារាំងបានធ្វើការហ្វឹកហ្វឺនរួមជាមួយនាវានៃកងទ័ពជើងទឹកប្រជាជនវៀតណាម; ចូលរួមសកម្មភាពកីឡា វប្បធម៌ជាមួយកម្មាភិបាល យុទ្ធជន កងទ័ពជើងទឹកវៀតណាម ទៅទស្សនាកេរ្តិ៍ដំណែលប្រវត្តិសាស្ត្រ និងវប្បធម៌នៅទីក្រុង Hai Phong។
ក្នុងរយៈពេលកន្លងមក ទំនាក់ទំនងកិច្ចសហប្រតិបត្តិការលើវិស័យការពារជាតិរវាងវៀតណាម និងបារាំងត្រូវបានពង្រឹង និងសម្រេចបានលទ្ធផលវិជ្ជមាន។ ដំណើរទស្សនកិច្ចរបស់នាវា Prairial នៅវៀតណាម រួមចំណែកជំរុញការផ្លាស់ប្តូរ និងកិច្ចសហប្រតិបត្តិការរវាងកងទ័ពជើងទឹកទាំងពីរ ជាពិសេសទំនាក់ទំនងការពារជាតិវៀតណាម និងបារាំងនិយាយរួម ព្រមទាំងរួមចំណែកជាក់ស្តែងក្នុងឱកាសរំលឹកខួបលើកទី ៥០ នៃការបង្កើតទំនាក់ទំនងការទូតវៀតណាម-បារាំង (១៩៧៣-២០២៣), ១០ ឆ្នាំនៃការបង្កើតភាពជាដៃគូយុទ្ធសាស្ត្ររវាងប្រទេសទាំងពីរ (២០១៣-២០២៣)៕
មតិពីមិត្តអ្នកអាន