នារសៀលថ្ងៃទី១២ ខែកុម្ភៈ នៅទីក្រុងហូជីមិញ បានប្រព្រឹត្តទៅកិច្ចប្រជុំប្រចាំឆ្នាំរវាងបញ្ជាការដ្ឋានកងទ័ពការពារព្រំដែនវៀតណាម និងអគ្គនាយកដ្ឋានអន្តោប្រវេសន៍ ព្រះរាជាណាចក្រកម្ពុជា។
 កម្មវិធីជួបមិត្តភាព និងសហប្រតិបត្តិការរវាងប្រជាជនវៀតណាម និងកម្ពុជា លើកទី៥ នៅខេត្ត Dak Nong (វៀតណាម) |
 វៀតណាម ឡាវ និងកម្ពុជា ជំរុញកិច្ចសហប្រតិបត្តិការលើវិស័យការពារជាតិ |
 |
| ថ្នាក់ដឹកនាំបញ្ជាការដ្ឋានកងទ័ពព្រំដែនវៀតណាម និងអគ្គនាយកដ្ឋានអន្តោប្រវេសន៍កម្ពុជា |
លោកឧត្តមសេនីយ៍ទោ Le Duc Thai មេបញ្ជាការកងទ័ពការពារព្រំដែនវៀតណាម និងលោកនាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ (ព្រះរាជាណាចក្រកម្ពុជា) ធ្វើជាសហអធិបតីនៃកិច្ចប្រជុំ។
ភាគីទាំងពីរបានអះអាងថា ការសម្របសម្រួលរវាងបញ្ជាការដ្ឋានកងទ័ពការពារព្រំដែនវៀតណាម និងអគ្គនាយកដ្ឋានអន្តោប្រវេសន៍កម្ពុជា នាពេលកន្លងមកបានរួមចំណែកធានាសន្តិសុខ សណ្តាប់ធ្នាប់ សម្រួលការចរាចរណ៍តាមច្រកទ្វារព្រំដែន រួមចំណែកក្នុងការអភិវឌ្ឍសេដ្ឋកិច្ចសង្គម ពង្រឹងសាមគ្គីភាព និងមិត្តភាពរវាងអាជ្ញាធរ ប្រជាជន និងកម្លាំងការពារព្រំដែននៃប្រទេសទាំងពីរ...
នាពេលខាងមុខ ភាគីទាំងពីរនឹងបង្កើនការសម្របសម្រួល ដើម្បីលើកកម្ពស់ប្រសិទ្ធភាពនៃប្រព័ន្ធច្រកទ្វារអន្តរជាតិ ផ្លាស់ប្តូរព័ត៌មានទាក់ទងនឹងឧក្រិដ្ឋកម្ម ជាពិសេសឧក្រិដ្ឋកម្មគ្រឿងញៀន ការរត់ពន្ធ ការជួញដូរមនុស្ស ការចេញចូលដោយខុសច្បាប់ បន្តបង្កើតលក្ខខណ្ឌអំណោយផលសម្រាប់ប្រជាជននៅសងខាងព្រំដែនទៅពិនិត្យ ព្យាបាលជំងឺ សួរសុខទុក្ខសាច់ញាតិ និងផ្លាស់ប្តូរពាណិជ្ជកម្ម ផ្តល់យោបល់យ៉ាងសកម្មជូនអាជ្ញាធរមូលដ្ឋាន ដើម្បីជំរុញទំនាក់ទំនងផ្លាស់ប្តូរមិត្តភាពរវាងប្រជាជននៃភាគីទាំងពីរនៅព្រំដែន ជំរុញការងារផ្សព្វផ្សាយឲ្យប្រជាពលរដ្ឋនៅសងខាងព្រំដែនគោរពតាមកិច្ចព្រមព្រៀង បទប្បញ្ញត្តិ និងច្បាប់ស្តីពីការគ្រប់គ្រងព្រំដែននៃប្រទេសនីមួយៗ...
មតិពីមិត្តអ្នកអាន