លោកឧបនាយករដ្ឋមន្ត្រី Tran Hong Ha បានស្នើឲ្យ UNDP ជួយឧបត្ថម្ភយ៉ាងសកម្មផ្នែកអភិបាលកិច្ច បច្ចេកវិទ្យា ការទទួលយក គម្រោងបំប្លែងថាមពល ស្របតាមការផ្លាស់ប្តូរសេដ្ឋកិច្ចសង្គម។
 បណ្តុះពន្លកមិត្តភាព រួមចំណែកយ៉ាងសកម្មដល់ការទូតប្រជាជន |
 វៀតណាមជាគំរូបំផុសគំនិតនៅ UNDP |
 |
| ឧបនាយករដ្ឋមន្ត្រីវៀតណាម លោក Tran Hong Ha ទទួលជួបជាមួយលោកស្រី Ramba Khalidi ប្រធានតំណាងអង្គការអភិវឌ្ឍន៍នៃអង្គការសហប្រជាជាតិ (UNDP) ប្រចាំនៅវៀតណាម។ |
នារសៀលថ្ងៃទី៧ ខែកុម្ភៈ នៅទីស្នាក់ការរដ្ឋាភិបាល ថ្លែងក្នុងជំនួបជាមួយលោកស្រី Ramba Khalidi ប្រធានតំណាងអង្គការអភិវឌ្ឍន៍នៃអង្គការសហប្រជាជាតិ (UNDP) ប្រចាំនៅវៀតណាម ឧបនាយករដ្ឋមន្ត្រីវៀតណាម លោក Tran Hong Ha បានលើកឡើងនូវវិស័យអាទិភាពមួយចំនួនរបស់វៀតណាម រួមមានសុខាភិបាល កម្មវិធីស្តារប្រព័ន្ធអេកូឡូស៊ីធម្មជាតិឡើងវិញ សេដ្ឋកិច្ចវិលជុំ បរិស្ថាន។ លោកឧបនាយករដ្ឋមន្ត្រី Tran Hong Ha បានស្នើឲ្យ UNDP ជួយឧបត្ថម្ភយ៉ាងសកម្មផ្នែកអភិបាលកិច្ច បច្ចេកវិទ្យា ការទទួលយកគម្រោងបំប្លែងថាមពល ស្របតាមការផ្លាស់ប្តូរសេដ្ឋកិច្ចសង្គម; ពិគ្រោះយោបល់ និងជួយឧបត្ថម្ភវៀតណាមលើវិស័យថែទាំសុខភាពប្រជាជន លើកកំពស់សមត្ថភាពធ្វើលទ្ធកម្មឱសថ បរិក្ខារពេទ្យ ការរៀបចំផែនការមេលំហសមុទ្រ ជាដើម។
មុននោះ ក្នុងជំនួបជាមួយលោកស្រី Aler Grubbs នាយិកាទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) ប្រចាំនៅវៀតណាម លោកឧបនាយករដ្ឋមន្ត្រី Tran Hong Ha បានសង្កត់ធ្ងន់ថា វៀតណាមកំពុងស្ថិតក្នុងដំណាក់កាលដែលត្រូវការការគាំទ្រដើម្បីសម្រេចបាននូវគោលដៅអភិវឌ្ឍន៍ក្នុងបញ្ហាថាមពលខ្យល់ ថាមពលកកើតឡើងវិញ បណ្តាញអគ្គីសនីឆ្លាតវៃ... នេះក៏ជាវិស័យមួយដែលវៀតណាមនិងសហរដ្ឋអាមេរិកអាចសហការស្រាវជ្រាវ និងផ្ទេរបច្ចេកវិទ្យា។ វៀតណាមក៏មានបំណងចង់ឱ្យសហរដ្ឋអាមេរិកសហការជំរុញការផលិត និងការផ្ទេរបច្ចេកវិទ្យានៃវ៉ាក់សាំង ថ្នាំព្យាបាលនានា ដើម្បីអាចឆ្លើយតបដោយម្ចាស់ការនឹងជំងឺរាតត្បាតដែលអាចកើតមាននាពេលអនាគតផងដែរ៕
មតិពីមិត្តអ្នកអាន