រដ្ឋមន្ត្រីការបរទេសវៀតណាម ជួបជាមួយ លោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា

ជំរុញខឿនការទូតទំនើបនិងគ្រប់ជ្រុងជ្រោយក្នុងស្ថានភាពថ្មី

វៀតណាម-កម្ពុជា៖ បន្តរក្សាទំនាក់ទំនងសហប្រតិបត្តិការល្អលើគ្រប់វិស័យទាំងអស់

លោក Bui Thanh Son រជួបជាមួយ លោក ប្រាក់ សុខុន

អបអរសាទរកម្ពុជាចំពោះសមិទ្ធិផលដ៏អស្ចារ្យក្នុងរយៈពេលកន្លងមក លោក Bui Thanh Son ជឿជាក់ថា កម្ពុជានឹងរៀបចំការបោះឆ្នោតជ្រើសតាំងតំណាងរាស្រ្ត នីតិកាលទី៧ (ខែកក្កដា ឆ្នាំ២០២៣) ប្រកបដោយជោគជ័យ និងអនុវត្តចក្ខុវិស័យកម្ពុជានៅឆ្នាំ២០៣០ ប្រកបដោយជោគជ័យ ធ្វើឱ្យកម្ពុជាក្លាយជាប្រទេសដែលមានចំណូលមធ្យមកម្រិតខ្ពស់។

ភាគីទាំងពីរមានសេចក្តីសោមនស្សរីករាយចំពោះការអភិវឌ្ឍដ៏ល្អនៃទំនាក់ទំនងរវាងប្រទេសទាំងពីរនាពេលកន្លងមក ជាពិសេសការសម្របសម្រួលប្រកបដោយជោគជ័យក្នុងការរៀបចំដំណើរទស្សនកិច្ចផ្លូវការរបស់លោក Pham Minh Chinh នាយករដ្ឋមន្ត្រីវៀតណាម និងលោក Vuong Dinh Hue ប្រធានរដ្ឋសភាវៀតណាមនៅកម្ពុជាក្នុងឆ្នាំ ២០២២ និងសកម្មភាពដ៏មានអត្ថន័យជាច្រើន ក្នុងក្របខ័ណ្ឌ “ឆ្នាំមិត្តភាពវៀតណាម - កម្ពុជា ឆ្នាំ២០២២” ដើម្បីអបអរសាទរខួបលើកទី ៥៥ នៃការបង្កើតទំនាក់ទំនងការទូត (២៤ មិថុនា ១៩៦៧-២០២២)។

ភាគីទាំងពីរបានឯកភាពបន្តជំរុញការផ្លាស់ប្តូរដំណើរទស្សនកិច្ចរបស់ថ្នាក់ដឹកជាន់ខ្ពស់លើគ្រប់បណ្តាញ បង្កើនការផ្លាស់ប្តូរប្រជាជន រក្សា និងលើកកម្ពស់ប្រសិទ្ធភាពនៃយន្តការសហប្រតិបត្តិការទ្វេភាគីដែលមានស្រាប់ ជំរុញការតភ្ជាប់សេដ្ឋកិច្ចទាំងពីរ ពង្រឹងកិច្ចសហប្រតិបត្តិការរវាងមូលដ្ឋាន ជាពិសេសរវាងខេត្តជាប់ព្រំដែន ខិតខំប្រឹងប្រែងស្តារទេសចរណ៍ ជំរុញការចរចាឆ្ពោះទៅការបញ្ចប់ការខ័ណ្ឌសីមា បោះបង្គោលព្រំដែនគោកនៅសល់ ១៦% ដើម្បីបន្តកសាងព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាពរវាងប្រទេសទាំងពីរ។

ភាគីទាំងពីរឯកភាពបន្តសម្របសម្រួលយ៉ាងជិតស្និទ្ធក្នុងក្របខ័ណ្ឌនៃវេទិកាតំបន់ និងអន្តរជាតិ ព្រមទាំងយន្តការអនុតំបន់ រួមទាំង CLV បន្តគាំទ្រគ្នាទៅវិញទៅមកដើម្បីឈរឈ្មោះនៅក្នុងអង្គការពហុភាគីនានា៕

យោងតាមកាសែតកងទ័ពប្រជាជន