សម្ព័ន្ធអង្គការមិត្តភាពខេត្ត Yen Bai រួមជាមួយសម្បុរសជនប្រគល់សម្លៀកបំពាក់កក់ក្តៅ និងអំណោយតេត ដល់កុមារ

Yen Bai៖ ទេសចរណ៍បទពិសោធន៍ "នៅលើបល្ល័ង្ក"

សម្ព័ន្ធអង្គការមិត្តភាពខេត្ត Bac Lieu៖ ជំរុញការធ្វើចលនាធនធានសម្រាប់ការអនុវត្តសុខមាលភាពសង្គម

នាថ្ងៃទី ១៥ មករា សម្ព័ន្ធអង្គការមិត្តភាពខេត្ត Yen Bai បានឲ្យដឹងថា ខ្លួនទើបតែបានសហការជាមួយអង្គការអប់រំ និងបណ្តុះបណ្តាល Apollo វៀតណាម ដើម្បីអនុវត្តកម្មវិធីប្រគល់អំណោយតេត ដល់សិស្សានុសិស្សមកពីសាលាចំនួន ៤ នៅស្រុក Tram Tau។

អំណោយបុណ្យតេតជាង ១៦០០ កញ្ចប់និងសម្លៀកបំពាក់កក់ក្តៅជាង ១.៦០០ ឈុត ត្រូវបានប្រគល់ជូនសិស្សានុសិស្សនៃសាលាចំនួន ០៤ នៅស្រុក Tram Tau (Yen Bai)។

ជាក់ស្តែង សិស្សានុសិស្សម្នាក់ៗទទួលបានសម្លៀកបំពាក់កក់ក្តៅចំនួន ០១ និងកញ្ចប់អំណោយចំនួន ០១ (រួមមាន នំខេក ទឹកដោះគោ ម្សៅស៊ុប ទឹកត្រី ប្រេងឆា...)។ ក្នុងនោះ អំណោយចំនួន ២២០កញ្ចប់ ជូនដល់សិស្សានុសិស្សនៅសាលាមត្តេយ្យ Hoa Mai អំណោយចំនួន ៤២០ ជូនដល់សាលាបឋមសិក្សាជនជាតិភាគតិច និងអនុវិទ្យាល័យ Pinh Ho ឃុំ Pinh Ho។ អំណោយចំនួន ៥០០កញ្ចប់ ជូនដល់សាលាបឋមសិក្សាជនជាតិភាគតិច និងអនុវិទ្យាល័យ Lang Nhi ឃុំ Lang Nhi។ អំណោយចំនួន ៥០០កញ្ចប់ ជូនដល់សាលាបឋមសិក្សាជនជាតិភាគតិច និងអនុវិទ្យាល័យ Ban Mu ឃុំ Ban Mu ដែលមានតម្លៃសរុបជាង ៥៦០លានដុង។

អាវក្តៅចំនួន ១.២០០ ដែលមានតម្លៃសរុបជិត ២៣០ លានដុង ត្រូវបានប្រគល់ជូនសិស្សានុសិស្សចំនួន ១.២០០ នាក់មកពីសាលាចំនួន ០២ នៅស្រុក Van Yen (Yen Bai)។

មុននោះ នាថ្ងៃទី ១១ មករា សហភាពអង្គការមិត្តភាពខេត្ត Yen Bai សហការជាមួយអង្គការអាមេរិក Samaritan's Purse International Relief (SPIR) បានប្រគល់អាវក្តៅចំនួន ១.២០០ ដែលមានតម្លៃសរុបជិត ២៣០ លានដុង ដល់សិស្សានុសិស្សនៅសាលាបឋមសិក្សា និងអនុវិទ្យាល័យ Xuan Tam ឃុំ Xuan Tam និងសាលាបឋមសិក្សា Phong Du Thuong ឃុំ Phong Du Thuong ស្រុក Van Yen ខេត្ត Yen Bai។

ក្រុមអ្នកស្ម័គ្រចិត្តបានថតរូបអនុស្សាវរីយ៍ជាមួយតំណាងលោកគ្រូ អ្នកគ្រូ និងសិស្សានុសិស្សនៅសាលាបឋមសិក្សា និងអនុវិទ្យាល័យ Xuan Tam ឃុំ Xuan Tam ស្រុក Van Yen (Yen Bai)។

តំណាងការិយាល័យអប់រំ និងបណ្តុះបណ្តាលស្រុក Van Yen បានឲ្យដឹងថា ក្នុងរដូវរងារនៅតំបន់ខ្ពង់រាប កុមារតែងតែទៅសាលារៀនដោយត្រឹមតែពាក់អាវស្តើងក្នុងអាកាសធាតុត្រជាក់ខ្លាំង។ សម្លៀកបំពាក់កក់ក្តៅរបស់ក្រុមអ្នកស្មគ្រ័ចិត្តមានអត្ថន័យ និងជាក់ស្តែងណាស់ ដែលជួយសិស្សានុសិស្សមានសម្លៀកបំពាក់កក់ក្តៅគ្រប់គ្រាន់ដើម្បីជំនះរដូវរងាដ៏ត្រជាក់ ធានាបាននូវសុខភាព និងរួមចំណែកលើកកំពស់គុណភាពនៃការអប់រំរបស់សាលា៕

ឌឹកអាញ់