ការទូតរវាងប្រជាជន និងប្រជាជន បម្រើឲ្យការអភិវឌ្ឍសេដ្ឋកិច្ចសង្គម

ប្រធាន VUFO លោកស្រី Nguyen Phuong Nga ទទួលជួបលោក Shimizu Akira ប្រធានតំណាង JICA ប្រចាំនៅវៀតណាម

ប្រធាន VUFO លោកស្រី Nguyen Phuong Nga ទទួលជួបឯកអគ្គរដ្ឋទូតអ៊ុយរូហ្គាយ

ក្នុងឆ្នាំកន្លងមក VUFO បានបំពេញដោយជោគជ័យនូវភារកិច្ចលើគ្រប់វិស័យ និងគោលដៅផ្សេងៗ។ ចំពោះការងារសន្តិភាព សាមគ្គីភាព និងមិត្តភាព VUFO និងអង្គការសមាជិក បានអនុវត្តសកម្មភាពជាក់ស្តែង ឆ្ពោះទៅការតភ្ជាប់ ពង្រឹង និងពង្រីកទំនាក់ទំនងមិត្តភាពពិសេសរវាងប្រជាជនវៀតណាម និងប្រជាជននៃប្រទេសផ្សេងៗ។

លោកស្រី Nguyen Phuong Nga ថ្លែងក្នុងសន្និសីទ

សកម្មភាពការទូតរវាងប្រជាជននិងប្រជាជនត្រូវបានពង្រីកលើវិស័យជាច្រើន លើកកម្ពស់ការយល់ដឹងអំពីប្រវត្តិសាស្ត្រ វប្បធម៌ ទឹកដី មនុស្ស និងគោលនយោបាយរបស់វៀតណាម ហើយជំរុញកិច្ចសហប្រតិបត្តិការអភិវឌ្ឍសេដ្ឋកិច្ច និងពាណិជ្ជកម្ម។ ការងារមិនមែនរដ្ឋាភិបាលបរទេសក៏ត្រូវបានអនុវត្តកាន់តែសកម្មផងដែរ។

ទាក់ទិននឹងការងារឆ្នាំ២០២៣ លោកស្រី Nguyen Phuong Nga ប្រធាន VUFO បានបញ្ជាក់ថា VUFO នឹងបន្តអនុវត្តការទូតរវាងប្រជាជននិងប្រជាជនយ៉ាងសកម្ម និងមានប្រសិទ្ធភាព ក្រោមប្រធានបទ "ការទូតរវាងប្រជាជននិងប្រជាជនបម្រើការអភិវឌ្ឍសេដ្ឋកិច្ចសង្គម"៕