ទីក្រុងហូជីមិញ (វៀតណាម) និងរាជធានីភ្នំពេញ បញ្ជាក់ពីតួនាទីដ៏សំខាន់នៃកិច្ចសហប្រតិបត្តិការ

ទីក្រុងហូជីមិញ គឺជាទិសដៅរដូវស្លឹកឈើជ្រុះដ៏ពេញនិយមរបស់អាមេរិក

រីករាយចុងសប្តាហ៍នៅហាងកាហ្វេថ្មីចំនួន ៣ នៅ ទីក្រុងហូជីមិញ

លោក ឃួង ស្រេង ទទួលជួបលោក Nguyen Van Nen

ក្នុងក្របខ័ណ្ឌនៃដំណើរទស្សនកិច្ចការងារនេះ លោក Nguyen Van Nen ដឹកនាំគណៈប្រតិភូជាន់ខ្ពស់ទីក្រុងហូជីមិញ ជួបពិភាក្សាការងារជាមួយលោក ឃួង ស្រេង អភិបាលរាជធានីភ្នំពេញ។

នៅក្នុងកិច្ចពិភាក្សានេះ ថ្នាក់ដឹកនាំទាំងពីរបានសង្កត់ធ្ងន់លើការជំរុញ និងអភិវឌ្ឍសក្តានុពល ប្រៀបខ្លាំង និងតួនាទីដ៏សំខាន់នៃកិច្ចសហប្រតិបត្តិការរវាងមូលដ្ឋាននៃប្រទេសទាំងពីរនាពេលខាងមុខ។ ថ្នាក់ដឹកនាំនៃទីក្រុងទាំងពីររំពឹងថា ទីក្រុងទាំងពីរនឹងបន្តពង្រឹង និងពង្រីកថែមទៀតនូវទំនាក់ទំនងសហប្រតិបត្តិការល្អរវាងមូលដ្ឋានទាំងពីរ។

លោក ឃួង ស្រេង ក៏បានសម្តែងនូវបំណងចង់ឲ្យវិនិយោគិននៅវៀតណាមនិយាយរួម ទីក្រុងហូជីមិញនិយាយដោយឡែក មកវិនិយោគនៅកម្ពុជា និងរាជធានីភ្នំពេញ ដោយសន្យានឹងជួយគាំទ្រវិនិយោគិនក្នុងការជម្រុញការវិនិយោគ។

រីឯខ្លួនវិញ លោក Nguyen Van Nen បានស្នើឲ្យទីក្រុងទាំងពីរបន្តពង្រឹងការសម្របសម្រួលយ៉ាងជិតស្និទ្ធ ដើម្បីជួយឧបត្ថម្ភធុរកិច្ចក្នុងការវិនិយោគ ការរៀបចំសកម្មភាពផ្លាស់ប្តូរ និងតភ្ជាប់សេដ្ឋកិច្ច នាំផលិតផលរបស់មូលដ្ឋានទាំងពីរទៅកាន់ទីផ្សាររបស់គ្នាទៅវិញទៅមក។ លោក Nguyen Van Nen មានបំណងថា ទីក្រុងទាំងពីរផ្តោតលើការជំរុញសកម្មភាពទេសចរណ៍ក្នុងបរិបទដែលជំងឺរាតត្បាតកំពុងត្រូវបានគ្រប់គ្រង បង្កើនសកម្មភាពផ្លាស់ប្តូរគណៈប្រតិភូ និងការផ្លាស់ប្តូរវប្បធម៌ ការជួបប្រាស្រ័យរវាងប្រជាជននៃភាគីទាំងពីរ អប់រំយុវជនជំនាន់ក្រោយអំពីប្រវត្តិសាស្ត្រ និងប្រពៃណីនៃចំណងមិត្តភាពដ៏ល្អរវាងប្រទេសទាំងពីរ និងទីក្រុងទាំងពីរ។

នាថ្ងៃដដែល លោក Nguyen Van Nen និងគណៈប្រតិភូជាន់ខ្ពស់ទីក្រុងហូជីមិញ បានចូលជួបសម្តែងការគួរសមជាមួយសម្ដេចតេជោ ហ៊ុន សែន ប្រធានគណបក្សប្រជាជនកម្ពុជា នាយករដ្ឋមន្រ្តីនៃព្រះរាជាណាចក្រកម្ពុជា; សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ; ទៅសួរសុខទុក្ខបុគ្គលិក គ្រូពេទ្យ អ្នកបច្ចេកទេសនៃមន្ទីរពេទ្យជោរៃ-ភ្នំពេញ។

ក្នុងឱកាសនេះ គណៈប្រតិភូជាន់ខ្ពស់ទីក្រុងហូជីមិញ បានទៅដាក់កម្រងផ្កានៅស្តូប​ព្រះ​បរម​រូបមព្រះបរមរតនៈកោដ្ឋ ព្រះ​មហាវិរក្សត្រ ព្រះបាទ នរោត្តម សីហនុ; វិមានមិត្តភាពកម្ពុជា-វៀតណាម និងទៅសួរសុខទុក្ខ ជួបសំណេះសំណាលជាមួយកម្មាភិបាលនៃស្ថានទូតវៀតណាមប្រចាំនៅកម្ពុជា តំណាងអង្គភាពអាជីវកម្ម និងសហគមន៍ជនវៀតណាមនៅព្រះរាជាណាចក្រកម្ពុជា៕