ខេត្ត Ben Tre៖ រៀបចំការជួបជុំដើម្បីអបអរសាទរខួបលើកទី ៣០ នៃការបង្កើតទំនាក់ទំនងការទូតវៀតណាម និងកូរ៉េខាងត្បុង

ការផ្សព្វផ្សាយផលិតផលកសិកម្ម និងជលផលរបស់ខេត្ត Ben Tre ចូលទីផ្សារនៃប្រទេសឥស្លាម

ទីក្រុង Can Tho ទទួលបានជំនួយសម្ភារៈបរិក្ខារពេទ្យសម្រាប់ការបង្ការ និងគ្រប់គ្រងជំងឺរាតត្បាតពីប្រទេសកូរ៉េខាងត្បូង និងជប៉ុន

អនុប្រធានអចិន្ត្រៃយ៍គណៈកម្មាធិការប្រជាជនខេត្ត Ben Tre លោក Nguyen Truc Son ប្រគល់វត្ថុអនុស្សាវរីយ៍ជូនលោក Kwon Sun Chil អគ្គកុងស៊ុលរងនៃសាធារណរដ្ឋកូរ៉េខាងត្បូងប្រចាំនៅទីក្រុង Ho Chi Minh។

អញ្ជើញថ្លែងមតិក្នុងជំនួបនេះ អនុប្រធានអចិន្ត្រៃយ៍គណៈកម្មាធិការប្រជាជនខេត្ត Ben Tre លោក Nguyen Truc Son បានឲ្យដឹងថា ក្នុងរយៈពេលបីទសវត្សរ៍កន្លងមក ទំនាក់ទំនងការទូតរវាងវៀតណាមនិងកូរ៉េខាងត្បូងមានការអភិវឌ្ឍន៍ឥតឈប់ឈរ ការយោគយល់គ្នារវាងប្រទេសទាំងពីរ។ កិច្ចសហប្រតិបត្តិការសេដ្ឋកិច្ចតែងតែជាសសរស្តម្ភដ៏សំខាន់ និងជាចំណុចភ្លឺក្នុងរូបភាពរួមនៃកិច្ចសហប្រតិបត្តិការទ្វេភាគីរវាងប្រទេសទាំងពីរ។ ក្នុងនិន្នាការនៃកិច្ចសហប្រតិបត្តិការអន្តរជាតិដែលកំពុងប្រព្រឹត្តទៅយ៉ាងខ្លាំងក្លាលើសកលលោក និងលំហសេដ្ឋកិច្ចកំពុងពង្រីកនោះ កូរ៉េខាងត្បូង និងវៀតណាមសម្រេចបានស្ថិរភាពម៉ាក្រូសេដ្ឋកិច្ចក្នុងប៉ុន្មានឆ្នាំថ្មីៗនេះ និងមានសក្ដានុពលខ្លាំងសម្រាប់ការអភិវឌ្ឍន៍ដ៏ធំនាពេលអនាគត។ បច្ចុប្បន្ន ប្រទេសកូរ៉េខាងត្បូងគឺជាដៃគូពាណិជ្ជកម្មធំជាងគេទីបី និងជាទីផ្សារនាំចេញធំជាងគេទីបួនរបស់វៀតណាម។ ប្រទេសកូរ៉េខាងត្បូងក៏ជាវិនិយោគិនបរទេសធំជាងគេនៅវៀតណាមផងដែរ។

សម្រាប់ខេត្ត Ben Tre ថ្នាក់ដឹកនាំខេត្តតែងតែយកចិត្តទុកដាក់ និងចូលរួមយ៉ាងសកម្មក្នុងព្រឹត្តិការណ៍នានាទាក់ទងនឹងការវិនិយោគ អាជីវកម្ម និងសកម្មភាពផ្លាស់ប្តូរជាមួយប្រទេសកូរ៉េខាងត្បូង។ នេះបង្ហាញពីការប្ដេជ្ញាចិត្តរបស់ខេត្ត Ben Tre ក្នុងការធ្វើសមាហរណកម្មយ៉ាងសកម្ម ក្នុងសេដ្ឋកិច្ចអន្តរជាតិ ដើម្បីស្វែងរកឱកាសណែនាំ និងផ្សព្វផ្សាយសក្តានុពល វិស័យដែលត្រូវការកិច្ចសហប្រតិបត្តិការរវាងកូរ៉េខាងត្បូង និងវៀតណាមនិយាយរួម និងខេត្ត Ben Tre និយាយដោយឡែក៕

ឌីណា

thoidai