នារសៀលថ្ងៃទី ២៨ ខែវិច្ឆិកា នៅទីស្នាក់ការរដ្ឋាភិបាល លោក Pham Minh Chinh នាយករដ្ឋមន្ត្រីវៀតណាម បានជួបសន្ទនាតាមទូរស័ព្ទជាមួយលោកស្រី Elisabeth Borne នាយករដ្ឋមន្ត្រីបារាំង ដើម្បីពិភាក្សាអំពីវិធានការពង្រឹងទំនាក់ទំនងភាពជាដៃគូយុទ្ធសាស្ត្រវៀតណាម - បារាំង ជាពិសេសលើវិស័យសហប្រតិបត្តិការសេដ្ឋកិច្ច ពាណិជ្ជកម្មការ វិនិយោគ ការត្រៀមរៀបចំដើម្បីឆ្ពោះទៅរំលឹកខួបលើកទី ៥០ នៃការបង្កើតទំនាក់ទំនងការទូតវៀតណាម - បារាំង និង ១០ ឆ្នាំនៃទំនាក់ទំនងដៃគូយុទ្ធសាស្ត្រក្នុងឆ្នាំ ២០២៣។
 |
| លោក Pham Minh Chinh នាយករដ្ឋមន្ត្រីវៀតណាម បានជួបសន្ទនាតាមទូរស័ព្ទជាមួយលោកស្រី Elisabeth Borne នាយករដ្ឋមន្ត្រីបារាំង |
លោក Pham Minh Chinh អះអាងថា វៀតណាមយកចិត្តទុកដាក់យ៉ាងខ្លាំងចំពោះទំនាក់ទំនងជាមួយបារាំងដែលជាសមាជិកដ៏សំខាន់នៃសហភាពអឺរ៉ុប (EU) និងជាដៃគូយុទ្ធសាស្ត្ររបស់វៀតណាម។
នាយករដ្ឋមន្ត្រីទាំងពីរបានអះអាងថា កិច្ចសហប្រតិបត្តិការសេដ្ឋកិច្ចដើរតួនាទីយ៉ាងសំខាន់ក្នុងទំនាក់ទំនងដៃគូយុទ្ធសាស្ត្រវៀតណាម-បារាំង។ ចែករំលែកនិងពិភាក្សាអំពីការអនុវត្តគម្រោងកិច្ចសហប្រតិបត្តិការសេដ្ឋកិច្ចសំខាន់ៗក្នុងទំនាក់ទំនងរបស់ប្រទេសទាំងពីរ។
លោកស្រី Elisabeth Borne បានសម្តែងគោលបំណងចង់ពង្រឹងកិច្ចសហប្រតិបត្តិការជាមួយវៀតណាមក្នុងវិស័យសេដ្ឋកិច្ចឌីជីថល ការធ្វើបរិវត្តកម្មឌីជីថល ហេដ្ឋារចនាសម្ព័ន្ធ ជាពិសេសថាមពលកកើតឡើងវិញ។ នាយករដ្ឋមន្រ្តីទាំងពីរឯកភាពជំរុញការអនុវត្តយ៉ាងពេញលេញ និងប្រកបដោយប្រសិទ្ធភាពដើម្បីទាញយកប្រយោជន៍ពីកាកិច្ចព្រមព្រៀងពាណិជ្ជកម្មសេរី វៀតណាម - EU (EVFTA)។ លោក Pham Minh Chinh បានស្នើបារាំងបង្កើនការនាំចូលកសិផលវរបស់វៀតណាម និងឆាប់បញ្ចប់ការផ្តល់សច្ចាប័នលើកិច្ចព្រមព្រៀងកាំពារវិនិយោគវៀតណាម -EU ដើម្បីបង្កើតកម្លាំងចលករសម្រាប់ទំនាក់ទំនងវិនិយោគទ្វេភាគី និងជំរុញគណៈកម្មការអឺរ៉ុប (EC) លែង “កាតលឿង” សម្រាប់ជលផលវៀតណាមឱ្យឆាប់ៗ។
នាយករដ្ឋមន្ត្រីទាំងពីរក៏បានផ្លាស់ប្តូរទស្សនៈលើបញ្ហាតំបន់ និងអន្តរជាតិ ហើយបានព្រមព្រៀងសម្របសម្រួលយ៉ាងជិតស្និទ្ធ និងគាំទ្រគ្នាទៅវិញទៅមកនៅវេទិកាតំបន់និងអន្តរជាតិ។ នាយករដ្ឋមន្ត្រីទាំងពីរបានបន្តអះអាងនូវសារៈសំខាន់នៃការធានាសន្តិភាព ស្ថិរភាព សន្តិសុខ សុវត្ថិភាព និងសេរីភាពនៃការធ្វើនាវាចរណ៍ និងអាការចរណ៍នៅសមុទ្រខាងកើត ដោះស្រាយជម្លោះដោយសន្តិវិធី ស្របតាមច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS 1982)។
កិច្ចសហប្រតិបត្តិការក្នុងតំបន់រវាងវៀតណាម និងបារាំងមានប្រពៃណីដ៏យូរលង់ ហើយប្រទេសទាំងពីរទើបតែរៀបចំសន្និសីទលើកទី ១២ ស្តីពីកិច្ចសហប្រតិបត្តិការវិមជ្ឈការប្រកបដោយជោគជ័យ។ រវាងវៀតណាម និងកោះCorse មានបន្ទប់ជាច្រើនដើម្បីអភិវឌ្ឍទំនាក់ទំនងសហប្រតិបត្តិការ ដូចជាទេសចរណ៍ វប្បធម៌ ការអភិវឌ្ឍន៍ប្រកបដោយនិរន្តរភាព ... ហើយកោះCorse អាចដើរតួនាទីយ៉ាងសកម្មក្នុងគំរូសហប្រតិបត្តិការមូលដ្ឋាន៕
មតិពីមិត្តអ្នកអាន