យុគសម័យ - នាយប់ថ្ងៃទី ២២ វិច្ឆិកា នៅរដ្ឋធានី Ha Noi ក្នុងបរិយាកាសដ៏កក់ក្តៅ និងស្និទ្ធស្នាល គណៈប្រតិភូនៃមហាសន្និបាតលើកទី ២២ នៃក្រុមប្រឹក្សាសន្តិភាពពិភពលោកបានអញ្ជើញចូលរួមក្នុងរាត្រីសាមគ្គីភាព។
 «ការរៀបចំមហាសន្និបាតលើកទី ២២ នៃក្រុមប្រឹក្សាសន្តិភាពពិភពលោកនៅវៀតណាមគឺជារឿងដ៏អស្ចារ្យ» |
 “វៀតណាមជាដៃគូសំខាន់របស់ក្រុមប្រឹក្សាសន្តិភាពពិភពលោក” |
 |
| ប្រធានគណៈកម្មាធិការសន្តិភាពវៀតណាម លោក Uong Chu Luu អញ្ជើញថ្លែងទទួលស្វាគមន៍ចំពោះគណៈប្រតិភូ ដែលអញ្ជើញចូលរួមក្នុងរាត្រីសាមគ្គីភាព (រូបថត៖ Thu Ha)។ |
ថ្លែងក្នុងរាត្រី លោក Uong Chu Luu អតីតសមាជិកគណៈកម្មាធិការមជ្ឈិមបក្ស អតីតអនុប្រធានរដ្ឋសភានៃសាធារណៈរដ្ឋសង្គមនិយមវៀតណាម ប្រធានគណៈកម្មាធិការសន្តិភាពវៀតណាមបានមានប្រសាសន៍ថា៖ ក្នុងរយៈពេលប្រាំពីរទសវត្សរ៍កន្លងមក ក្រុមប្រឹក្សាសន្តិភាពពិភពលោក និងអង្គការសមាជិក និងមិត្តអន្តរជាតិ តែងតែផ្តល់ឱ្យវៀតណាមនូវទំនាក់ទំនងមិត្តភាពល្អ សាមគ្គីភាពអន្តរជាតិដ៏អស្ចារ្យ និងការគាំទ្រដ៏មានតម្លៃ រួមចំណែកយ៉ាងសំខាន់បង្កើតឡើងជ័យជំនះដ៍មហិមាក្នុងការតស៊ូប្រយុទ្ធទាំងពីរលើក ក៏ដូចជាសមិទ្ធផលធំធេងក្នុងបុព្វហេតុ ផ្លាស់ប្តូរថ្មី កសាង និងការពារមាតុភូមិ។
ប្រធានក្រុមប្រឹក្សាសន្តិភាពវៀតណាម លោក Uong Chung Luu បានមានប្រសាសន៍ថា “ក្រុមប្រឹក្សាសន្តិភាពពិភពលោកតែងតែប្រមូលផ្តុំ បង្រួបបង្រួម និងដឹកនាំកម្លាំងប្រជាធិបតេយ្យ ជឿនលឿន និងចលនាសន្តិភាពជុំវិញពិភពលោក ក្នុងបុព្វហេតុថ្លៃថ្នូរ ដើម្បីឯករាជ្យជាតិ និងប្រជាធិបតេយ្យ សមភាពនិងយុត្តធម៌ក្នុងសង្គម”។
 |
| ក្នុងរាត្រីសាមគ្គីភាព ការសម្តែងឧបករណ៍ភ្លេងជនជាតិ និងម្ហូបប្រពៃណីវៀតណាមមួយចំនួន បានរៀបចំយ៉ាងហ្មត់ចត់(រូបថត៖ Thu Ha)។ |
លោកស្រី Socorro Gomes Coelho ប្រធានក្រុមប្រឹក្សាសន្តិភាពពិភពលោកបានសម្តែងនូវអារម្មណ៍របស់ខ្លួនចំពោះការទទួលស្វាគមន៍យ៉ាងកក់ក្តៅ និងយកចិត្តទុកដាក់របស់វៀតណាម។ “ខ្ញុំរំជួលចិត្តណាស់ដែលបានមើលឃើញសមិទ្ធិផលរបស់វៀតណាមក្នុងការអភិវឌ្ឍន៍សេដ្ឋកិច្ចសង្គម។ អ្នកក៏បង្ហាញការប្ដេជ្ញាចិត្តក្នុងការតស៊ូ និងការពារសន្តិភាព»។
ក្នុងកម្មវិធី គណៈប្រតិភូបានរីករាយជាមួយការសម្តែងឧបករណ៍ភ្លេងជនជាតិ និងម្ហូបអាហារប្រពៃណីវៀតណាមមួយចំនួន៕
មតិពីមិត្តអ្នកអាន