យុគសម័យ - នៅពេលដែលភ្លៀងនៅទីក្រុង Da Lat ធ្លាក់បន្តិចម្តងៗ ផ្កាឈូករ័ត្នព្រៃបានរីកពេញទីក្រុង។ នៅតាមផ្លូវទៅកាន់ទីក្រុង Da Lat មានផ្កាឈូករ័ត្នព្រៃរាប់ពាន់ដើមរីកដុះដាលយ៉ាងស្រស់ស្អាត ដែលគួរឲ្យចាប់ចិត្ត។ អ្នកខ្លះនិយាយថា ផ្កាឈូករ័ត្នព្រៃគឺជាផ្ការបស់ពន្លឺព្រះអាទិត្យ ដែលជានិមិត្តរូបនៃសេចក្តីស្រឡាញ់ដែលគ្មានកោះត្រើយ។
 ការធ្វើដំណើរទេសចរណ៍ទីក្រុង Da Lat ក្នុងប៉ុន្មានខែចុងឆ្នាំ |
 ចំណុចថ្មីជាច្រើនរបស់ Festival ផ្កា Da Lat ឆ្នាំ ២០២២ |
 |
| ការស្រឡាញ់ផ្កាឈូតរ័ត្នព្រៃ |
នៅពេលដែលផ្កាឈូករ័ត្នព្រៃរីក ភ្ញៀវទេសចរមកពីគ្រប់ទិសទី បានមកទៅទីក្រុង Da Lat ដើម្បីថតរូប រំលឹកឡើងវិញ និងលង់ខ្លួននៅក្នុងព្រៃពណ៌លឿង។ ដើមផ្កាប្រភេទនេះដុះតាមគុម្ពដែលក្លាយទៅជាព្រៃ ដូច្នេះនៅពេលផ្ការីកបានបង្កើតជាកំរាលព្រំពណ៌លឿងគួរឲ្យចាប់អារម្មណ៍ ក្នុងរយៈពេលពីរខែ បន្ទាប់ពីផ្កាស្រពោន។ ពណ៌លឿងនៃផ្កាឈូករ័ត្នព្រៃ ប្រៀបបាននឹងពន្លឺព្រះអាទិត្យដែលផ្តល់ភាពកក់ក្តៅដល់ខ្ពង់រាបដ៏ត្រជាក់។ គយគន់និងថតរូបដ៏ល្អបំផុតនៃផ្កាឈូករ័ត្នព្រៃ នៅពេលព្រឹកព្រលឹម នៅពេលដែលដំណក់ទឹកសន្សើមនៅតែបន្សល់ទុកនៅលើស្លឹកនិងផ្កា ឬនៅពេលរសៀល ពន្លឺនៃព្រះអាទិត្យចាំងនៅលើផ្កាឈូករ័ត្នព្រៃ ដែលបង្កើតទេសភាពគួរឱ្យទាក់ទាញ។
 |
| ការស្រឡាញ់ផ្កាឈូតរ័ត្នព្រៃ |
ដើម្បីរីករាយជាមួយនឹងពណ៌លឿងដ៏គួរឱ្យទាក់ទាញនៃផ្កាឈូករ័ត្នព្រៃ Da Lat អ្នកគួរតែជិះម៉ូតូ ដើម្បីធ្វើដំណើរលើខ្សែផ្លូវជាយក្រុងចំនួន ៥ ដែលមានផ្កាឈូករ័ត្នព្រៃច្រើននិងស្អាតជាងគេគឺ៖ Da Lat - Cau Đat - Don Duonng; Da Lat - Nui Voi - Đuc Trong; Da Lat - Suoi Vang - Lac Duong; Da Lat - Thac Voi - Lam Ha; Da Lat - Da Sar - Long Lanh។ អាកាសធាតុក្រុង Da Lat រដូវនេះត្រជាក់ណាស់ អ្នកគួរពាក់អាវធំ សម្រោមដៃ បាញ់ថ្នាំប្រឆាំងមូសខាំ បើសិនជាអ្នកប្រតិកម្មអាលែកហ្ស៊ីនឹងផ្កានេះ អ្នកគួរតែទៅព្រៃជាមួយមិត្តភ័ក្ត។ ប្រសិនបើអ្នកធ្វើដំណើរដ៏ឆ្ងាយ អ្នកគួរតែត្រលប់ទៅ Da Lat វិញមិនយឺតពេកទេ ពីព្រោអ្នកត្រូវឆ្លងកាត់អ័ព្ទ ហើយការមើលឃើញរបស់អ្នកមានកំណត់។
 |
| រចនាផ្កាប្រភេទនេះក្លាយទៅជានិមិត្តសញ្ញានៃទីក្រុង Da Lat។ |
ប្រជាជន Da Lat មានភាពរាក់ទាត់ និងរូម៉ែនទិច។ ដោយសារគេស្រឡាញ់ផ្កាឈូករ័ត្នព្រៃ គេបានរចនាផ្កាប្រភេទនេះនៅលើនិមិត្តសញ្ញានៃ Festival ផ្កា អាកាសយានដ្ឋាន Lien Khuong រោងល្ខោននៅសាល Lam Vien Square ។ រួមជាមួយនឹងផ្កាផ្សេងៗទៀត ផ្កាឈូករ័ត្នព្រៃបានរួមចំណែកដល់ម៉ាកយីហោ “ពិធីបុណ្យផ្កាទីក្រុង Da Lat វៀតណាម”៕
មតិពីមិត្តអ្នកអាន