ប្រព័ន្ធសារព័តមានកម្ពុជាវាយតម្លៃខ្ពស់ចំពោះសារៈសំខាន់នៃដំណើរទស្សនកិច្ចរបស់លេខាប្រចាំនៃគណៈលេខាមជ្ឈិមបក្សកុម្មុយនិស្តវៀតណាមលោក Vo Van Thuong

បង្កើនកិច្ចសហប្រតិបត្តិការរវាងរដ្ឋសភាវៀតណាម ឡាវ និងកម្ពុជា បន្ថែមទៀត

សមាជិកអចិន្ត្រៃយ៍នៃគណៈលេខាមជ្ឈិមបក្ស លោក Vo Van Thuong ទទួលជួបអគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក

លោក Vo Van Thuong លេខាប្រចាំនៃគណៈលេខាមជ្ឈិមបក្សកុម្មុយនិស្តវៀតណាម ជាមួយប្រធានកិត្តិយសគណបក្សប្រជាជនកម្ពុជា ប្រធានរដ្ឋសភានៃព្រះរាជាណាចក្រកម្ពុជា សម្តេច ហេង សំរិន

នៅយប់ថ្ងៃទី១៧ ខែតុលា គេហទំព័រ Freshnews ផ្សាយជាភាសាខ្មែរនូវ​រូបភាពជាច្រើនអំពីជំនួបរវាងសមមិត្ត Vo Van Thuong លេខាប្រចាំនៃគណៈលេខាមជ្ឈិមបក្សកុម្មុយនិស្តវៀតណាម និងសម្តេច សាយ ឈុំ អនុប្រធានគណបក្សប្រជាជនកម្ពុជា (CPP) ប្រធានព្រឹទ្ធសភា នៃព្រះរាជាណាចក្រកម្ពុជា បានធ្វើឡើងនៅរសៀលថ្ងៃដដែល នៅរាជធានីភ្នំពេញ។ Freshnews បានពណ៌នាកិច្ចពិភាក្សានេះថា "ក្នុងបរិយាកាសដ៏កក់ក្តៅ មិត្តភាព ការយោគយល់គ្នា និងការជឿទុកចិត្តគ្នាទៅវិញទៅមក ដើម្បីបន្តពង្រឹង​និង​ពង្រីកទំនាក់ទំនងមិត្តភាពប្រពៃណី សាមគ្គីភាព និងកិច្ចសហប្រតិបត្តិការលើគ្រប់វិស័យរវាងភាគីបក្សទាំងពីរកាន់តែ​ស៊ីជម្រៅ​និង​ជិតស្និទ្ធបន្ថែម​ទៀត"។

យោងតាម ​​Freshnews ដែរ នៅក្នុងកិច្ចពិភាក្សាខាងលើ ភាគីទាំងពីរបានផ្លាស់ប្តូរព័ត៌មានអំពីស្ថានភាពរបស់បក្សនិមួយៗ និងប្រទេសនីមួយៗ ព្រមទាំងស្ថានភាពអន្តរជាតិ និងតំបន់។ ទន្ទឹមនឹងនោះ វាយតម្លៃខ្ពស់ និងអបអរសាទរចំពោះការអភិវឌ្ឍន៍ជាបន្តបន្ទាប់នៃទំនាក់ទំនងរវាងបក្សទាំងពីរ និងប្រទេសទាំងពីរ ក្រោមពាក្យស្លោកថា “ភាព​ជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ ស្ថិរភាពយូរអង្វែង”។

លោក Vo Van Thuong លេខាប្រចាំនៃគណៈលេខាមជ្ឈិមបក្សកុម្មុយនិស្តវៀតណាម និងជាប្រធានគណបក្សប្រជាជនកម្ពុជា សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា

ទីភ្នាក់ងារសារព័ត៌មានជាតិកម្ពុជា (AKP) នៅថ្ងៃទី១៨ ខែតុលានេះ បានចុះផ្សាយអត្ថបទមួយដែលមានរូបថតជាច្រើនអំពីជំនួបដែលធ្វើឡើងនៅរសៀលថ្ងៃដដែល រវាងសមាជិកការិយាល័យនយោបាយ លេខាប្រចាំនៃគណៈលេខាមជ្ឈិម​បក្ស លោក Vo Van Thuong និងគណៈប្រតិភូជាន់ខ្ពស់នៃបក្សកុម្មុយ និស្តវៀតណាមជាមួយប្រធានកិត្តិយសគណបក្សប្រជាជនកម្ពុជា ប្រធានរដ្ឋសភានៃព្រះរាជាណាចក្រកម្ពុជា សម្តេច ហេង សំរិន នៅទីស្នាក់ការរដ្ឋសភានៃប្រទេសនេះ។

យោងតាម ​​AKP ថ្លែងក្នុងជំនួបនោះ ប្រធានរដ្ឋសភាកម្ពុជា សម្តេច ហេង សំរិន បានមានប្រសាសន៍ថា ដំណើរទស្សនកិច្ចរបស់គណៈប្រតិភូនៅព្រះរាជាណាចក្រកម្ពុជាលើកនេះ នឹងបន្តរួមចំណែកក្នុងការពង្រឹង​និង​ពង្រីក លើក​កម្ពស់ចំណងមិត្តភាពជាប្រពៃណី សាមគ្គីភាព និងកិច្ចសហប្រតិបត្តិការលើគ្រប់វិស័យរវាងបក្ស រដ្ឋ និងប្រជាជននៃប្រទេសទាំងពីរកម្ពុជា-វៀតណាម។ យោងតាម ​​AKP ក្នុងឱកាសខួបលើកទី ៥៥​ ឆ្នាំនៃទិវាបង្កើតទំនាក់ទំនងការទូតរវាងកម្ពុជា និងវៀតណាម ក្នុងឆ្នាំ ២០២២ ប្រទេសទាំងពីរបានរៀបចំសកម្មភាពជាច្រើនដូចជា ការផ្លាស់ប្តូរគណៈប្រតិភូ ដែល​ក្នុងនោះមានដំណើរទស្សនកិច្ចរបស់ថ្នាក់ដឹកនាំជាន់ខ្ពស់ និងថ្នាក់ដឹកនាំគ្រប់លំដាប់ថ្នាក់ ដើម្បីអបអរសាទរឆ្នាំមិត្តភាព រវាងប្រទេសទាំងពីរ។

ក្រៅពីនេះ ទីភ្នាក់ងារសារព័ត៌មានកម្ពុជាជាច្រើនផ្សេងទៀត ដូចជា កាសែតដើមអម្ពិល (DAPnews) ស្ថានីយ៍វិទ្យុសម្លេង វ៉ាយអូ... ក៏បានយកចិត្តទុកដាក់ រាយការណ៍ ចុះផ្សាយអត្ថបទ និងរូបថត អំពីកិច្ចប្រជុំនៅព្រឹកថ្ងៃទី១៨ ខែកញ្ញា រវាង លេខាប្រចាំនៃគណៈលេខាមជ្ឈិម​បក្ស លោក Vo Van Thuong និងជាប្រធានគណបក្សប្រជាជនកម្ពុជា សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕

ឌីណា

thoidai.com.vn