នាព្រឹកថ្ងៃទី ៤ តុលា នាវាក្តោង (សំពៅ) លេខ ២៨៦-Le Quy Don (បណ្ឌិតសភាកងទ័ពជើងទឹក) និងគណៈប្រតិភូនៃកងទ័ពជើងទឹកប្រជាជនវៀតណាម ដឹកនាំដោយលោកវរសេនីយ៍ឯក Huynh Vinh Tuyen នាយករងនៃបណ្ឌិតសភាកងទ័ពជើងទឹក បានមកដល់កំពង់ផែ Lumut (រដ្ឋ Perak ប្រទេសម៉ាឡេស៊ី) ចាប់ផ្តើមដំណើរទស្សនកិច្ច និងជួបជុំប្រាស្រ័យជាមួយកងទ័ពជើងទឹកម៉ាឡេស៊ី។
 សម្រស់ដូចឋានសួគ៍នៃវត្ត Linh Quy Phap An |
 Quy Nhon (វៀតណាម) ត្រូវបានគេប្រៀបប្រដូចទៅនឹង "ឋានសួគ៌ទេសចរណ៍" នៅក្នុងកាសែតអូស្ត្រាលី |
 |
| តំណាងកងទ័ពជើងទឹកម៉ាឡេស៊ីទទួលស្វាគមន៍គណៈប្រតិភូនៃកងទ័ពជើងទឹកប្រជាជនវៀតណាមមកបំពេញទស្សនកិច្ចនៅម៉ាឡេស៊ី |
ក្នុងដំណើរនោះ នាវាក្តោង (សំពៅ) លេខ ២៨៦-Le Quy Don បានចូលរួមលំហាត់យុទ្ធដំណើរមានរយៈចម្ងាយដោយផ្តោតលើការត្រួតពិនិត្យសព្វាវុធ និងបរិក្ខារ លើកកម្ពស់សមត្ថភាពបញ្ជាការ ការត្រៀមខ្លួនប្រយុទ្ធនៅសមុទ្រ ការឈ្លបយកការណ៍ក្នុងការធ្វើដំណើរ រៀបចំសកម្មភាពហ្វឹកហ្វឺនតាមកម្មវិធីរបស់បណ្ឌិតសភាកងទ័ពជើងទឹកសម្រាប់សក្ខាកាមជាង ៤០ នាក់ (ជំនាន់ទី ៦៣) នៃមុខជំនាញផ្សេងៗគ្នា។
បន្ទាប់ពីពិធីទទួលស្វាគមន៍ គណៈប្រតិភូបានចូលជួបសម្តែងការគួរសមជាមួយលោកឧត្តមនាវីត្រី Farizal Myeor មេបញ្ជាការរងនៃកងនាវាចរណ៍ខាងលិចនៃកងទ័ពជើងទឹកម៉ាឡេស៊ី។ ក្នុងជំនួបនេះ លោកវរសេនីយ៍ឯក Huynh Vinh Tuyen បានសង្កត់ធ្ងន់ថា នេះជាលើកទី៤ ហើយដែលនាវាកងទ័ពជើងទឹកវៀតណាម បានបំពេញទស្សនកិច្ចនៅម៉ាឡេស៊ី និងជាលើកដំបូងទៅកាន់ប្រទេសម៉ាឡេស៊ី នៃនាវាក្តោង (សំពៅ) លេខ ២៨៦-Le Quy Don ដោយបង្ហាញពីចំណងមិត្តភាព ពង្រឹងកិច្ចសហប្រតិបត្តិការ ទំនុកចិត្ត និងការយោគយល់គ្នាទៅវិញទៅមក រវាងកងទ័ពជើងទឹក និងកងទ័ពនៃប្រទេសទាំងពីរ។ លោកឧត្តមនាវីត្រី Farizal Myeor បានសម្តែងនូវកិត្តិយស និងសេចក្តីសោមនស្សរីករាយដែលត្រូវបានទទួលស្វាគមន៍នាវាកងទ័ពជើងទឹកវៀតណាម មកបំពេញទស្សនកិច្ចនៅម៉ាឡេស៊ី និងចូលរួមសកម្មភាពផ្លាស់ប្តូររវាងកងទ័ពជើងទឹកទាំងពីរ៕
មតិពីមិត្តអ្នកអាន