នាព្រឹកថ្ងៃទី ២៧ កញ្ញា នៅទីក្រុងតូក្យូ ប្រទេសជប៉ុន ក្នុងឱកាសអញ្ជើញចូលរួមពិធីបុណ្យសពជាតិរបស់អតីតនាយករដ្ឋមន្ត្រីជប៉ុន លោក Abe Shinzo ប្រធានរដ្ឋវៀតណាម លោក Nguyen Xuan Phuc មានជំនួបទ្វេភាគីជាមួយថ្នាក់សម្តេចតេជោ ហ៊ុន សែន នាយករដ្ឋមន្រ្តីកម្ពុជា។
 |
| ប្រធានរដ្ឋវៀតណាម លោក Nguyen Xuan Phuc និងសម្តេចតេជោ ហ៊ុន សែន នាយករដ្ឋមន្រ្តីកម្ពុជា។ |
ក្នុងជំនួបជាមួយសម្តេចតេជោ ហ៊ុន សែន នាយករដ្ឋមន្រ្តីកម្ពុជា លោកប្រធានរដ្ឋបានសង្កត់ធ្ងន់ថា វៀតណាមជានិច្ចកាលយកចិត្តទុកដាក់ជាពិសេស ហើយផ្តល់អាទិភាពខ្ពស់ដល់ការរួមជាមួយកម្ពុជាថែរក្សា និងពង្រឹងដោយឥតឈប់ឈរនូវ ទំនាក់ទំនងអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ រឹងមាំយូរអង្វែងរវាងប្រទេសទាំងពីរ។ កិច្ចសហប្រតិបត្តិការប្រកបដោយនិរន្តរភាពរវាងប្រទេសទាំងពីរ។
ថ្នាក់ដឹកនាំនៃប្រទេសទាំងពីរបានផ្តោត ការពិភាក្សាលើបញ្ហាទាក់ទិននឹងការអនុវត្ត “ឆ្នាំមិត្តភាពវៀតណាម - កម្ពុជា ឆ្នាំ ២០២២” ដើម្បីអបអរសាទរខួបលើកទី ៥៥ នៃការបង្កើតទំនាក់ទំនងការទូត (២៤ មិថុនា ១៩៦៧ - ២៤ មិថុនា ២០២២); ជំរុញកិច្ចសហប្រតិបត្តិការជាក់ស្ដែងរវាងភាគីទាំងពីរ ជាពិសេសពាណិជ្ជកម្ម និងការវិនិយោគ អនុវត្តន៍ផែនការមេស្ដីពីការតភ្ជាប់ខឿនសេដ្ឋកិច្ចទាំងពីរ ហើយសម្របសម្រួលគ្នាអនុវត្តន៍ គោលដៅ កសាងសមាគមប្រជាជាតិអាស៊ីអាគ្នេយ៍ (អាស៊ាន) ជាពិសេសនៅក្នុងឆ្នាំប្រធានអាស៊ាន ២០២២ របស់កម្ពុជា។
ក្នុងជំនួបជាមួយប្រធានក្រុមប្រឹក្សាអឺរ៉ុប លោក Charles Michel លោកប្រធានាធិបតីបានវាយតម្លៃខ្ពស់ចំពោះក្របខណ្ឌភាពជាដៃគូ និងកិច្ចសហប្រតិបត្តិការលើគ្រប់វិស័យវៀតណាម - EU ដោយអះអាងថា វៀតណាមចាត់ទុក EU ជាដៃគូសំខាន់បំផុតរបស់វៀតណាម; ស្វាគមន៍ចំពោះគំនិតផ្តួចផ្តើមជាច្រើនរបស់ EU ក្នុងការពង្រឹងកិច្ចសហប្រតិបត្តិការជាមួយតំបន់អាស៊ីប៉ាស៊ីហ្វិក; បានសម្តែងការត្រៀមខ្លួនរបស់វៀតណាមក្នុងការគាំទ្រការជំរុញទំនាក់ទំនងអាស៊ាន - EU ដោយសង្ឃឹមថា បណ្តាប្រទេសជាសមាជិក EU នឹងផ្តល់សច្ចាប័នលើកិច្ចព្រមព្រៀងការពារការវិនិយោគរវាងភាគីទាំងពីរ (EVIPA) នាពេលឆាប់ៗនេះ។
ប្រធានក្រុមប្រឹក្សាអឺរ៉ុបលោក Charles Michel បានសម្តែងនូវកិច្ចព្រមព្រៀងយ៉ាងមុតមាំលើការបង្កើនការផ្លាស់ប្តូរគណៈប្រតិភូជាន់ខ្ពស់រវាងភាគីទាំងពីរ ព្រមទាំងវាយតម្លៃជាវិជ្ជមាននូវទស្សនវិស័យពាណិជ្ជកម្ម វិនិយោគ និងកិច្ចសហប្រតិបត្តិការក្នុងការឆ្លើយតបទៅនឹងការប្រែប្រួលអាកាសធាតុរវាងវៀតណាមនិងសហភាពអឺរ៉ុបដោយត្រៀមខ្លួនជាស្រេច។ គាំទ្រវៀតណាមក្នុងការជម្នះបញ្ហានេសាទខុសច្បាប់ គ្មានរបាយការណ៍ និងគ្មានច្បាប់គ្រប់គ្រង ស្នើសុំជំនួយរបស់វៀតណាមក្នុងការជំរុញទំនាក់ទំនងរវាង EU និងអាស៊ាន និងកិច្ចសហប្រតិបត្តិការរវាង EU និងបណ្តាប្រទេសក្នុងតំបន់អាស៊ីប៉ាស៊ីហ្វិក និងមហាសមុទ្រឥណ្ឌា។ ភាគីទាំងពីរបានឯកភាពសម្របសម្រួលរៀបចំកិច្ចប្រជុំកំពូលប្រកបដោយជោគជ័យ ដើម្បីអបអរសាទរខួប ៤៥ឆ្នាំនៃទំនាក់ទំនងអាស៊ាន-សហភាពអឺរ៉ុប៕
មតិពីមិត្តអ្នកអាន