យុគសម័យ - ការជិះទូក Kayak ដ៏ទឹកថ្លាឆ្វង់ មើលអណ្តើកពង និងគយគន់យន្តហោះនៅកម្ពស់ទាបៗ គឺជាសកម្មភាពដែលភ្ញៀវទេសចរមិនគួររំលងពេលទៅលេង Con Dao ។
ភាពសុខសាន្តនៅ Con Dao |
ទស្សនាគុក Con Dao - សំណល់នៃ 'នរកនៅលើផែនដី' |
កោះ Con Dao គឺជាប្រជុំកោះមួយស្ថិតក្នុងដែនសមុទ្រនៃខេត្ត Ba Ria - ខេត្ត Vung Tau ។ នាខែមីនាដល់ខែកញ្ញាគឺជាពេលវេលាល្អបំផុតសម្រាប់ការស្វែងយល់កោះ Con Dao ។ អាកាសធាតុល្អ ព្រះអាទិត្យដ៏ស្រស់ស្អាត សមុទ្រស្ងប់ស្ងាត់ ដែលសាកសមសម្រាប់សកម្មភាពទាំងក្នុង និងក្រៅផ្ទះ។
ចែវទូក Kayak ទឹកថ្លាឆ្វង់
នៅតាមតំបន់ទេសចរណ៍តាមសមុទ្រ ល្បែងផ្សងព្រេងក្នុងទឹកដូចជា ជិះទូក SUP ជិះទូក Kayak ឆ័ត្រយោង... ក៏ទទួលបានការចាប់អារម្មណ៍ពីភ្ញៀវជាច្រើនផងដែរ។
នៅកោះ Con Dao ភ្ញៀវអាចសាកល្បងជិះទូក Kayak ដ៏ថ្លាឆ្វង់។ ខុសពីទូកធម្មតា ទូកប្រភេទនេះត្រូវបានផលិតពីវត្ថុធាតុពិសេសដែលប្រើក្នុងរចនាបង្អួចយន្តហោះ មានភាពថ្លា និងរឹងមាំ។
Hon Trac គឺជាកន្លែងមួយដែលបានជ្រើសរើសដោយអង្គភាពសេវាកម្ម និងអ្នកទេសចរជាច្រើន ដើម្បីជិះទូកកា kayak ដ៏ថ្លាឆ្វង់។ ទឹកសមុទ្រនៅទីនេះមានពណ៌ខៀវស្រងាត់ អាចមើលឃើញបាតខ្សាច់ ដូច្នេះភ្ញៀវនឹងមានអារម្មណ៍ពិសេស នៅពេលដែលអង្គុយលើទូក។
សកម្មភាពនេះរួមបញ្ចូលនៅក្នុងដំណើរកម្សាន្តទៅកាន់កោះចំនួន ៤ ឬ ៥ ។ តម្លៃនៃសេវាកម្មនេះ ចាប់ពី ៨០០.០០០ ទៅ ១,១ លានដុង/ម្នាក់។ នៅពេល អ្នកទទួលទូក អ្នកនឹងត្រូវបានដឹកនាំដោយបុគ្គលិកអំពីបច្ចេកទេសជាមូលដ្ឋាន និងរបៀបដោះស្រាយស្ថានភាព។
មើលអណ្តើកពង
រដូវអណ្តើកសមុទ្រពងគឺប្រហែលខែមេសាដល់ខែតុលា ហើយកំពូលគឺខែកក្កដាដល់ខែកញ្ញាជារៀងរាល់ឆ្នាំ។ នៅកោះ Con Dao ឆ្នេរសមុទ្រនៅកោះ Bay Canh គឺជាកន្លែងសំបុកពង
សត្វអណ្តើកដែលធ្លាប់ស្គាល់។
ក្នុងដំណើរការមើលអណ្តើកពង អ្នកត្រូវគោរពបទបញ្ញតិ្តយ៉ាងម៉ឺងម៉ាត់ដូចជា៖ រក្សាភាពស្ងៀមស្ងាត់ កុំប៉ះមេអណ្តើក កុំប្រើភ្លើង...
វត្ថុចាំបាច់សម្រាប់សកម្មភាពនេះនឹងបានរៀបចំដោយអង្គការរៀបចំដំណើរការទេសចរណ៍។ ទោះជាយ៉ាងណាក៏ដោយ ភ្ញៀវក៏គួរតែរៀបចំថ្នាំការពារសត្វល្អិតនិងមូសខាំ និងអាហារសម្រន់មួយចំនួនបន្ថែមទៀតផងដែរ។
គយគន់យន្តហោះហោះលើកម្ពស់ទាប
ឆ្នេរសមុទ្រ Dam Trau មានចម្ងាយប្រហែល ១៥គីឡូម៉ែត្រពីកណ្តាលកោះ នៅជិតអាកាសយានដ្ឋាន Co Ong (អាកាសយានដ្ឋាន Con Dao) ដូច្នេះភ្ញៀវទេសចរអាចឈរនៅលើឆ្នេរសមុទ្រ ហើយគយគន់ ទិដ្ឋភាពនៃយន្តហោះដែលកំពុងរៀបចំចុះចត។
អ្នកនឹងអាចសង្កេតឃើញយន្តហោះពីចម្ងាយទៅជិតៗ ដោយលេចចេញជាបណ្តើរៗ ហើយហោះត្រង់ពីលើក្បាលរបស់អ្នក។ យ៉ាងណាមិញ ទិដ្ឋភាពនៃការចុះចតរបស់យន្តហោះនេះ ធ្វើឡើងត្រឹមតែរយៈពេលប្រហែល ៣០ វិនាទីប៉ុណ្ណោះ ដូច្នេះហើយអ្នកទស្សនាត្រូវតែត្រៀមខ្លួ នដើម្បីថតរូបដ៏ស្រស់ស្អាត។
គេរំពឹងថា ចាប់ពីខែមេសាឆ្នាំ ២០២៣ អាកាសយានដ្ឋាន Con Dao នឹងត្រូវបិទសម្រាប់ការជួសជុលឱ្យប្រសើរឡើង។ ប្រសិនបើអ្នកចង់មានរូបថត check-in ប្លែកៗ អ្នកគួរតែរៀបចំការធ្វើដំណើររបស់អ្នកឱ្យបានឆាប់៕
zingnews
មតិពីមិត្តអ្នកអាន