យុគសម័យ - មណ្ឌលលំហែកាយ តាមបែប boutique ផ្តោតទៅលើបទពិសោធន៍ផ្ទាល់ខ្លួន កន្លែងនេះមានលក្ខណៈសិល្បៈបន្តិច ប៉ុន្តែនៅតែបង្កើតភាពស្និទ្ធស្នាលសម្រាប់ភ្ញៀវទេសចរ។
កោះ Phu Quoc គឺជាគោលដៅអស្ចារ្យមួយ |
រមណីយដ្ឋានទេសចរណ៍រួមបញ្ចូលគ្នាជាមួយកីឡាវាយកូនហ្គោលនៅភូកុក (Phu Quoc) |
ស្រដៀងនឹងសណ្ឋាគារ boutique មណ្ឌលលំហែកាយ boutique ក៏មានចំនួនបន្ទប់ល្មមផងដែរ។ បើប្រៀបធៀបទៅនឹងមណ្ឌលលំហែកាយធម្មតា មណ្ឌលលំហែកាយ បែប boutique មានការរចនាបែបយុវវ័យ ទំនើប និងលក្ខណៈសិល្បៈ។
La Veranda មណ្ឌលលំហែកាយ Phu Quoc
អាស័យដ្ឋាន៖ ផ្លូវ Tran Hung Dao ទីរួមខេត្ត Duong Dong
តម្លៃ៖ ចាប់ពី ២,៣ លានដុង
មណ្ឌលលំហែកាយ នេះមានទីតាំងនៅទីក្រុងកោះ Phu Quoc (ខេត្ត Kien Giang) បានសាងសង់តាមស្ថាបត្យកម្មបារាំងក្នុងអំឡុងទស្សវត្តឆ្នាំ ១៩២០ ។ បន្ទប់ត្រូវបានរចនាដោយធាឈើពណ៌ងងឹត ឥដ្ឋ mosaic យ៉រ របៀងអាជមើលឃើញសួនច្បារ ឬឆ្នេរ។
មណ្ឌលលំហែកាយមានបន្ទប់ចំនួន ៧០ អាងហែលទឹកក្រៅ មជ្ឈមណ្ឌលស្ប៉ា បារ និងភោជនីយដ្ឋាន។
ភាពខុសប្លែកគ្នាភ្លាមៗ នៅពេលដែលភ្ញៀវទៅដល់មណ្ឌលលំហែកាយគឺថា ភ្ញៀវនឹង check-in នៅរបារស្ថិតនៅលើឆ្នេរសមុទ្រ មិនមែនសាលទទួលភ្ញៀវដូចមណ្ឌលលំហែកាយផ្សេងទៀតទេ។ ខណៈពេលដែលកន្លែងស្នាក់នៅភាគច្រើនតែងតែរៀបចំភេសជ្ជៈស្វាគមន៍ដែលជាទឹកផ្លែឈមិនមានជាតិអាល់កុល មណ្ឌលលំហែកាយនេះស្វាគមន៍ភ្ញៀវជាមួយនឹងស្រាក្រឡុក។
មណ្ឌលលំហែកាយនេះប្រើប្រាសទឹកដែលក្លិនផ្កាឈូកក្នុងបន្ទប់ទឹកខ្លះ .
ភ្ញៀវទេសចរណ៍ Vu Tran (ទីក្រុង Ho Chi Minh) ដែលទើបតែមកលេងកម្សន្តនៅ មណ្ឌលលំហែកាយនេះ ពីខែកក្កដាបានបញ្ចេញមតិថា៖ "អ្វីដែលខ្ញុំចូលចិត្តនៅទីនេះគឺសួនត្រូពិចដែលជុំវិញមណ្ឌលលំហែកាយនេះ។ ម៉្យាងទៀត មណ្ឌលលំហែកាយនេះ មានផ្លូវតូចៗ សម្ងាត់ជាច្រើនដែលនាំទៅដល់សមុទ្រ។ បរិយាកាសពិតជាបរិសុទ្ធណាស់ ដូជជាយើងមានអារម្មណ៍រស់នៅក្នុង Phu Quoc សតវត្សមុន។
នារី Ngoc My (រដ្ឋធានី Ha Noi) បាននិយាយថា ចំណុចដកនៅទីនេះ គឺឆ្នេរមិនល្អឥតខ្ចោះទេ។ ប៉ុន្តែ មណ្ឌលលំហែកាយនេះមានទីតាំងនៅកណ្តាលទីក្រុងកោះ Phu Quoc។
មណ្ឌលលំហែកាយ Rocks Beach Boutique Bungalows
អាស័យដ្ឋានៈ ភូមិ Cay Sao ឃុំ Ham Ninh
តម្លៃ៖ ចាប់ពី ១,៣លានដុង/មួយយប់
មណ្ឌលលំហែកាយនេះ បានបើកមិនយូរប៉ុន្មានទេ ប៉ុន្តែបានភ្ញៀវទេសចរជាច្រើនចូលចិត្តដោយសារតែលំហរដូចជាមណ្ឌលលំហែកាយ នៅMaldives ។
មណ្ឌលលំហែកាយនេះមានទីតាំងនៅឆ្នេរខាងកើតនៃកោះចម្ងាយ ១៤ គីឡូម៉ែត្រពីអាកាសយានដ្ឋាន ប្រហែល ១៩ គីឡូម៉ែត្រពីកណ្តាលក្រុង Duong Dong។ មណ្ឌលលំហែកាយនេះមានទីតាំងនៅជិតភូមិនេសាទ Ham Ninh ងាយស្រួលសម្រាប់ភ្ញៀវទេសចរណ៍ដើម្បីទទួលទានអាហារសមុទ្រស្រស់ៗ។
មណ្ឌលលំហែកាយនេះមានបន្ទប់ចំនួន ៥ ប្រភេទ បន្ទប់ bungalow បានសាងសង់នៅលើផ្ទៃទឹក អាចមើលឃើញទេសភាពសមុទ្រ។ មណ្ឌលលំហែកាយនេះបានសាងសង់ស្ពានឈើតភ្ជាប់ឆ្នេរសមុទ្រទៅនឹង បន្ទប់ bungalow ។ ការរចនានេះគឺស្រដៀងទៅនឹងមណ្ឌលលំហែកាយជាច្រើននៅ Maldives ។
លោកស្រី Minh Huong ភ្ញៀវទេសចរម្នាក់ (រដ្ឋធានី Ha Noi) បានសន្និដ្ឋានថា កន្លែងនេះមានលំហរត្រជាក់ តម្លៃមធ្យម។ លោកស្រី Huong បាននិយាយថា "ទោះជាយ៉ាងណាក៏ដោយ ចំណុចដកនៅទីនេះ គឺទឹកសមុទ្រមិនថ្លាទេ ព្រោះវានៅជិតភូមិនេសាទ។ អាហារពេលព្រឹកមិនសម្បូរបែបទេ ព្រោះមណ្ឌលលំហែកាយនេះទើបតែបើកដំណើរការ"។
មណ្ឌលលំហែកាយ Salinda កោះ Phu Quoc
អាស័យដ្ឋានៈ ភូមិ Cua Lap ឃុំ Duong To
តម្លៃ៖ ចាប់ពី ២,៧លានដុង
ស្ថិតនៅលើឆ្នេរដ៏ស្រស់ស្អាត និងសុខសាន្តក្នុងទីរួមស្រុក Duong Dong មណ្ឌលលំហែកាយប្រណីតនេះនាំមកនូវការរួមផ្សំនៃវប្បធម៌ជនជាតិនៅទីនេះ និងស្ថាបត្យកម្មសហសម័យ។
មណ្ឌលលំហែកាយនេះស្ថិតនៅក្នុងសួនត្រូពិចដ៏ខៀវស្រងាត់ដែលមានរុក្ខជាតិជិត ១០០ ប្រភេទ។ ជញ្ជាំងនៅមណ្ឌលលំហែកាយនេះត្រូវបានតុបតែងដោយស្នាដៃសិល្បៈប្លែកៗ។ ជញ្ជាំងសាលធំបង្ហាញរូបចម្លាក់គុជខ្យងដែលពណ៌នាទេសភាពព្រះអាទិត្យលិចនៅកោះ Phu Quoc ។
ប្រភេទបន្ទប់នីមួយៗមានរចនាបទដាច់ដោយឡែក ដោយមានជញ្ជាំងដែលជាចំណុចខ្លាំង។ បន្ទប់នេះត្រូវបានតុបតែងដោយបំណេកសេរ៉ាមិចដែលមានលក្ខណៈបែបទំនើប ថែមទាំងការប្រើបំណែកសំបកដូង ដើម្បីបង្កើតភាពសាមញ្ញ។ បន្ទប់ខ្លះត្រូវបានតុបតែងដោយសំបកគុជខ្យង។
ភ្ញៀវទេសចរអាចចូលរួមក្នុងសកម្មភាពខាងក្រៅនៅទីនេះដូចជាជិះទូកកាយ៉ាក ជិះកង់ជុំវិញសួនត្រូពិច មើល Bai Truong ពីអាងហែលទឹកគ្មានព្រំដែន ...
គណនី Doan Thuc បានបញ្ចេញមតិថា៖ "មណ្ឌលលំហែកាយនេះមានភាពល្អិតល្អន់គ្រប់ផ្នែកតូចៗ អ្វីដែលខ្ញុំយល់ឃើញថាមិនល្អគឺឆ្នេរសមុទ្រខ្លី តុ Billiards ក្នុងបន្ទប់កម្សាន្តគួរតែធ្វើឡើងវិញ ដើម្បីឱ្យវាស្រស់ស្អាត"៕
zing
មតិពីមិត្តអ្នកអាន