វិបសាយព័ត៌មាន People បានផ្សាយកាលពីពេលថ្មីៗនេះថា Maddox Joli-Pitt បានត្រោឡប់មកផ្ទះវិញហើយនៅក្នុងរដ្ឋ Los Angeles សហរដ្ឋអាមេរិក បន្ទាប់ពីសាកលវិទ្យាល័យដែលគេរៀនមានឈ្មោះ Yonsei University ដែលស្ថិតក្នុងប្រទេសកូរ៉េខាងត្បូងសម្រេចបិទទ្វារសិន ដោយសារឥទ្ធិពល COVID-19 រីកសុសសាយពេក។ បន្ថែមពីលើនោះប្រភពដដែលថែមទាំងឲ្យដឹងទៀតថា Maddox ត្រៀមនឹងប្ដូរសាលាទៀត ប៉ុន្តែពេលនេះ Angelina ចេញមុខបញ្ជាក់ហើយ។
Angelina ចេញមុខបកស្រាយព័ត៌មានថា Maddox ប្ដួរសាលា ព្រោះ COVID-19 ឆ្លងសាហាវពេក
Angelina Jolie ដែលជាម្ដាយបានលើកឡើងថា៖ «ខ្ញុំសប្បាយចិត្ត និងពេញចិត្តចំពោះសាកលវិទ្យាល័យដែល Maddox ជ្រើសរៀននេះ។ ពិតណាស់សាលានេះត្រូវបិទជាបណ្ដោះអាសន្នសិន ដោយសារជំងឺឆ្លង ប៉ុន្តែ Maddox គ្មានគម្រោងប្ដូរសាលាទេ។ គាត់នឹងត្រឡប់ទៅវិញ ពេលស្ថានភាពប្រសើរឡើងវិញ»។
ជាការពិត កូនប្រុសច្បងរបស់ Angelina រូបនេះបានចូលរៀននៅក្នុងសាកលវិទ្យាល័យ Yonsei កាលពីឆ្នាំមុន ហើយ Angelina ដែលជាម្ដាយក៏បានជូនកូនចូលរៀនដល់ប្រទេសកូរ៉េដែរ៕
（ប្រភពព័ត៌មាន: sabay）
មតិពីមិត្តអ្នកអាន