យុគសម័យ - Pu Luong (ខេត្ត Thanh Hoa) ជាគោលដៅដ៏ស័ក្តិសមសម្រាប់ភ្ញៀវទេសចរទៅសម្រាកលំហែកាយ និងជៀសផុតពីកំដៅថ្ងៃនៃរដូវក្តៅ។
 ធ្វើការស្វែងយល់ពីភ្នំ Bo Cung ដែលជា 'រូងភ្នំទីមួយ' ដ៏អស្ចារ្យនៅ Thanh Hoa |
 បុណ្យច្រៀងរាំទទួលអំណរក្រោមដើមកប្បាសរបស់ជនជាតិថៃនៅខេត្ដ Thanh Hoa |
 |
Pu Luong ស្ថិតនៅចម្ងាយប្រហែល ១៣០ គីឡូម៉ែត្រភាគពាយព្យនៃទីក្រុង Thanh Hoa ។ សម្រាប់ភ្ញៀវទេសចរនៅភាគខាងជើង នេះជាកន្លែងដែលធ្លាប់ស្គាល់សម្រាប់ការធ្វើដំណើរ ក្នុងរយៈខ្លីថ្ងៃ។
នៅប៉ុន្មានថ្ងៃនៃរដូវក្តៅ ប្រសិនបើអ្នកកំពុងស្វែងរកកន្លែងសម្រាកលំហែកាយ និងគេចផុតពីកំដៅពីព្រះអាទិត្យ អ្នកអាចមក Pu Luong ដើម្បីទទួលយកខ្យល់អាកាសបរិសុទ្ធនៅទីនេះ។
សម្រាកលំហរកាយនៅកណ្តាលភ្នំព្រៃ
 |
 |
ប្រសិនបើអ្នកធុញទ្រាន់នឹងអាកាសធាតុដ៏ក្តៅខ្លាំងនៅក្នុងទីក្រុង អ្នកអាចរីករាយនឹងលំហបៃតងដែលហ៊ុំព័ទ្ធដោយភ្នំ និងព្រៃឈើនៅ Pu Luong ។
នៅទីនោះមានកន្លែងស្នាក់នៅជាច្រើនប្រភេទ អាស្រ័យលើតម្រូវការ និងចំណូលចិត្តផ្ទាល់ខ្លួន អ្នកអាចជ្រើសរើស homestay ដើម្បីសម្រាកលំហែកាយ ឬស្នាក់នៅ resort ល្បីៗ។
កន្លែងស្នាក់នៅល្បីៗមួយចំនួន នៅ Pu Luong គេធ្លាប់លើកឡើងដូចជា Puluong Retreat, Pu Luong Eco Garden, Pu Luong Natura Bungalows ភូមិ Huu Garden Lodge... ជាមួយនឹងតម្លៃបន្ទប់ចាប់ពី ១,៣ លានដុង/យប់។
ការងូតទឹកទឹកធ្លាក់
 |
ទឹកធ្លាក់ Hieu ស្ថិតក្នុងភូមិ Hieu ឃុំ Co Lung (ស្រុក Ba Thuoc) ស្ថិតនៅក្នុងតំបន់ស្នូលនៃតំបន់អភិរក្សធម្មជាតិ Pu Luong។ ទឹកធ្លាក់នេះមានប្រវែងប្រហែល ៨០០ ម៉ែត្រ ទឹកថ្លាត្រជាក់ហូរជាច្រើនស្រទាប់ ដើម្បីទាក់ទាញភ្ញៀវទេសចរមកទស្សនានិងងូតទឹក។
នៅជើងទឹកធ្លាក់ Hieu មាន "អាងងូតទឹក" ធម្មជាតិ ទឹកថ្លា ត្រជាក់ក្នុងរដូវក្តៅ និងកក់ក្តៅក្នុងរដូវរងា។ ជម្រៅនៅទីនេះពិតជាល្អ និងមានសុវត្ថិភាព ត្រឹមតែជាងមួយម៉ែត្រប៉ុណ្ណោះ។
មកដល់ទីនេះ ភ្ញៀវទេសចរអាចដើរលេងនៅទឹកធ្លាក់ដោយសេរី និងងូតទឹកនៅបឹង។ ធ្វើដំណើរតាមជើងភ្នំដើម្បីទៅដល់ទឹកធ្លាក់ Hieu ភ្ញៀវទេសចរក៏អាចសម្របខ្លួនក្នុងលំហនៃភ្នំ និងព្រៃឈើធម្មជាតិ។
ក្រៅពីការងូតទឹកទឹកធ្លាក់ ភ្ញៀវទេសចក៏ដើរលេងជុំវិញភូមិ Hieu ដើម្បីស្វែងយល់ពីការរស់នៅរបស់ប្រជាជនក្នុងតំបន់ ក៏ដូចជាគយគន់ផ្ទះខ្ពស់ពីដីធ្វើពីឈើប្រណិត និងវាលស្រែកាំជណ្តើរ។
លើសពីនេះ អ្នកក៏អាចរីករាយជាមួយខ្យល់អាកាសធម្មជាតិស្រស់ៗ និងត្រជាក់ នៅពេលទៅលេងភ្នំកល់ព្រឹក្ស និងព្រៃធម្មជាតិនៅជិតតំបន់ទឹកធ្លាក់ Hieu។
ដើរឆ្លងកាត់ (Trekking) Pu Luong
នៅ Pu Luong ការដើរ Trekking តែងតែជាសកម្មភាពទាក់ទាញភ្ញៀវទេសចរដែលចូលចិត្តបទពិសោធន៍ និងស្វែងយល់ពីធម្មជាតិ។ អាកាសធាតុស្រស់ ត្រជាក់ និងផ្លូវតភ្ជាប់ភូមិនិងភូមិ គឺជាភាពខុសគ្នាមួយ នៅពេលអ្នកចូលរួមក្នុងសកម្មភាពនេះនៅទីនេះ។
Trekking ឆ្លងកាត់ Pu Luong ដោយចាប់ផ្តើមពីភូមិ Kho Muong អ្នកដើរកាត់ភូមិ Pon ភូមិ Thanh Cong ភូមិ Cao Hoong ភូមិ Kit ដើម្បីស្វែងយល់ពីវប្បធម៌ និងជីវិតសន្តិសាន្តនៅទីនោះ។
ជម្រើសមួយទៀតដែលភ្ញៀវទេសចរអាចស្វែងយល់គឺ trekking ព្រៃ Pu Luong។ ផ្លូវនេះនឹងកាន់តែសាមញ្ញ សមរម្យសម្រាប់ភ្ញៀវដែលមិនធ្លាប់ចូលរួមក្នុងសកម្មភាព trekking ។
Pu Luong ក៏មានរូងភ្នំ និងទឹកធ្លាក់ដ៏ស្រស់ស្អាតជាច្រើនផងដែរ សម្រាប់អ្នកដើម្បីស្វែងយល់។ កំពូលភ្នំ Pu Luong កម្ពស់ ១.៧០០ ម៉ែត្រ ក៏ជាគោលដៅដែលអ្នកមិនអាចរំលង ពេលដើរលេងនៅទីនេះ។ នេះពិតជាបទពិសោធន៍មួយដែលអ្នកស្រឡាញ់ធម្មជាតិក្រៅផ្ទះមិនគួររំលង៕
zing
មតិពីមិត្តអ្នកអាន