នារសៀលថ្ងៃទី២០ ខែកក្កដា នៅទីក្រុង Can Tho គណៈកម្មាធិការប្រជាជនទីក្រុង Can Tho សហការជាមួយក្រសួងទេសចរណ៍នៃព្រះរាជាណាចក្រកម្ពុជា បានរៀបចំសន្និសីទជម្រុញការផ្សព្វផ្សាយទេសចរណ៍កម្ពុជា ក្រោមប្រធានបទ "ទេសចរណ៍កម្ពុជា៖ គោលដៅប្រកបដោយភាពកក់ក្តៅ សុវត្ថិភាព ស្អាត និងបៃតង"។
 |
| ប្រតិភូចូលរួមសន្និសីទជម្រុញការផ្សព្វផ្សាយទេសចរណ៍កម្ពុជា |
នារសៀលថ្ងៃទី២០ ខែកក្កដា នៅទីក្រុង Can Tho គណៈកម្មាធិការប្រជាជនទីក្រុង Can Tho សហការជាមួយក្រសួងទេសចរណ៍នៃព្រះរាជាណាចក្រកម្ពុជា បានរៀបចំសន្និសីទជម្រុញការផ្សព្វផ្សាយទេសចរណ៍កម្ពុជា ក្រោមប្រធានបទ "ទេសចរណ៍កម្ពុជា៖ គោលដៅប្រកបដោយភាពកក់ក្តៅ សុវត្ថិភាព ស្អាត និងបៃតង"។
នេះជាសកម្មភាពអបអរសាទរខួបលើកទី ៥៥ នៃការបង្កើតទំនាក់ទំនងការទូតរវាងវៀតណាម និងកម្ពុជា (១៩៦៧ - ២០២២)។ ទន្ទឹមនឹងនោះបើកឱកាសឱ្យអង្គភាពអាជីវកម្មដែលកំពុងប្រតិបត្តិការលើវិស័យទេសចរណ៍វៀតណាម និងកម្ពុជា ចែករំលែក និងផ្លាស់ប្តូរយោបល់ដើម្បីជំរុញកិច្ចសហប្រតិបត្តិការ និងសកម្មភាពសហប្រតិតបត្តិការ តភ្ជាប់អភិវឌ្ឍន៍ទេសចរណ៍។
ថ្លែងសុន្ទរកថាបើកសន្និសីទ លោក ថុក សុខុម អនុរដ្ឋលេខាធិការ ក្រសួងទេសចរណ៍នៃព្រះរាជាណាចក្រកម្ពុជា បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់វៀតណាមក្នុងការគ្រប់គ្រងការរាតត្បាតនៃជំងឺកូវីដ-១៩ ដោយហេតុនេះ បង្កើតលក្ខខណ្ឌអំណោយផលសម្រាប់សកម្មភាពទេសចរណ៍ស្តារឡើងវិញ និងរីកចម្រើនយ៉ាងខ្លាំងក្លា។ បច្ចុប្បន្ននេះ កម្ពុជាក៏គ្រប់គ្រងជំងឺរាតត្បាតបានយ៉ាងល្អ វិស័យទេសចរណ៍បានងើបឡើងវិញ ហើយការធ្វើដំណើរកម្សាន្តដែលឆ្លងកាត់ព្រំដែននៃប្រទេសទាំងពីរនៅតែមានសក្ដានុពលខ្លាំងណាស់។ លោក ថុក សុខុម រំពឹងថា ទីក្រុង Can Tho និងខេត្តទាំងឡាយនៅតំបន់ដីសណ្ដទន្លេមេគង្គនឹងបន្តគាំទ្រ និងបង្កើតលក្ខខណ្ឌសម្រាប់អង្គភាពអាជីវកម្ម និងទីភ្នាក់ងារទេសចរណ៍កម្ពុជាក្នុងការផ្សព្វផ្សាយផលិតផលទេសចរណ៍នានា ក្រោមប្រធានបទ "ទេសចរណ៍កម្ពុជា៖ គោលដៅប្រកបដោយភាពកក់ក្តៅ សុវត្ថិភាព ស្អាត និងបៃតង" សកម្មភាពផ្សព្វផ្សាយទេសចរណ៍លើកនេះនឹងបើកឱកាសជាច្រើនសម្រាប់អង្គភាពអាជីវកម្មទេសចរណ៍នៃប្រទេសទាំងពីរបានជួបប្រាស្រ័យ និងជំរុញការអភិវឌ្ឍសកម្មភាពទេសចរណ៍រវាងវៀតណាម និងកម្ពុជា ឲ្យកាន់តែមានប្រសិទ្ធភាព។
លោក Ha Van Sieu អគ្គនាយករងនៃអគ្គនាយកដ្ឋានទេសចរណ៍វៀតណាមបានមានប្រសាសន៍ថា បន្ទាប់ពីរយៈពេល ២ ឆ្នាំដែលត្រូវបិទដំណើរការដោយសារជំងឺរាតត្បាត វៀតណាម និងកម្ពុជាបានបើកដំណើរការទេសចរណ៍អន្តរជាតិយ៉ាងពេញលេញនៅគ្រប់ច្រកទ្វារព្រំដែនគោក រួមទាំងផ្លូវអាកាស និងផ្លូវសមុទ្រ។ បច្ចុប្បន្ន វៀតណាម និងកម្ពុជា ក៏បានទទួលស្គាល់លិខិតឆ្លងដែនវ៉ាក់សាំងរបស់គ្នាទៅវិញទៅមកផងដែរ។ លោកសង្ឃឹមថា ប្រទេសទាំងពីរនឹងសម្របសម្រួលដើម្បីអភិវឌ្ឍវិស័យទេសចរណ៍ឱ្យកាន់តែខ្លាំងក្លាថែមទៀត ហើយនាពេលឆាប់ៗខាងមុខនេះគឺកិច្ចសហប្រតិបត្តិការជាមួយទីក្រុង Can Tho និងតំបន់ដីសណ្តទន្លេមេគង្គ៕
មតិពីមិត្តអ្នកអាន