វៀតណាមនិងឥណ្ឌាឯកភាពជំរុញកិច្ចសហប្រតិបត្តិការទ្វេភាគីប្រកបដោយប្រសិទ្ធភាពនិងជាក់ស្តែង

នាយករដ្ឋមន្ត្រីកម្ពុជា និងវៀតណាម អញ្ជើញប្រារព្ធពិធីអបអរសាទរខួប ៤៥ឆ្នាំ នៃដំណើរឆ្ពោះទៅរកការតស៊ូរំដោះជាតិ

ប្រទេសវៀតណាមមានផ្លូវឆ្លងកាត់សមុទ្រដែលលេចអណ្តែតស្អាតបំផុតដែល អ្នកទេសចរចង់ឃើញនឹងទស្សនា

រដ្ឋមន្ត្រីការបរទេសលោក Bui Thanh Son បានចូលជួបសម្តែងការគួរសមជាមួយនាយករដ្ឋមន្ត្រីឥណ្ឌា លោក Narendra Modi

ក្នុងជំនួបនេះ រដ្ឋមន្ត្រីទាំងពីរបានឯកភាពថា ចាំបាច់ត្រូវអនុវត្តន៍វិធានការពង្រឹងទំនាក់ទំនងលើគ្រប់វិស័យ បង្កើនទំហំពាណិជ្ជកម្មទ្វេភាគីឲ្យសម្រេចបានគោលដៅ ១៥ ពាន់លានដុល្លារក្នុងឆ្នាំ ២០២២ និងជំរុញកិច្ចសហប្រតិបត្តិការលើវិស័យផ្សេងៗដូចជា វប្បធម៌ ការជួបប្រាស្រ័យប្រជាជន វិទ្យាសាស្ត្របច្ចេកវិទ្យា ថាមពល ការអប់រំ-បណ្តុះបណ្តាល... ប្រកបដោយប្រសិទ្ធភាព និងជាក់ស្តែងជាង។

នៅក្នុងជំនួបនេះ រដ្ឋមន្ត្រីការបរទេស Jaishankar បានសម្តែងនូវសេចក្តីរីករាយដែលបានមកបំពេញទស្សនកិច្ចនៅវៀតណាមជាលើកដំបូង ដោយអះអាងថា ឥណ្ឌាតែងតែយកចិត្តទុកដាក់ក្នុងការបង្រួបបង្រួម និងអភិវឌ្ឍន៍ទំនាក់ទំនងដៃគូយុទ្ធសាស្ត្រលើគ្រប់វិស័យវៀតណាម - ឥណ្ឌា។

ភាគីទាំងពីរបានឯកភាពបង្កើនការផ្លាស់ប្តូរគណៈប្រតិភូ និងទំនាក់ទំនងកម្រិតខ្ពស់រវាងប្រទេសទាំងពីរ ហើយឆាប់ដាក់ឱ្យដំណើរការនូវយន្តការសន្ទនាស្តីពីការទូតសេដ្ឋកិច្ចនៅថ្នាក់អនុរដ្ឋមន្ត្រីការបរទេស។

ប្រទេសទាំងពីរក៏នឹងជំរុញការចរចា និងចុះហត្ថលេខាលើអនុស្សរណៈនៃការយោគយល់គ្នានាពេលឆាប់ៗនេះ ស្តីពីកិច្ចសហប្រតិបត្តិការផ្នែកតុលាការរវាងក្រសួងយុត្តិធម៌វៀតណាម និងក្រសួងច្បាប់ និងយុត្តិធម៌ឥណ្ឌា។

វៀតណាម និងឥណ្ឌាបានព្រមព្រៀងគ្នាសម្របសម្រួលយ៉ាងជិតស្និទ្ធដើម្បីបង្កើតច្រករបៀងអំណោយផលសម្រាប់សកម្មភាពពាណិជ្ជកម្ម និងវិនិយោគ ដោយខិតខំនាំទំហំពាណិជ្ជកម្មឡើងដល់កម្រិត ២០ ពាន់លានដុល្លារនាពេលឆាប់ៗខាងមុខ។

ក្នុងឱកាសនេះ រដ្ឋមន្ត្រីទាំងពីរបានធ្វើជាសាក្សីក្នុងពិធីចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ច សហប្រតិបត្តិការលើវិស័យសន្តិសុខព័ត៌មានតាមអ៊ីនធឺណិតរវាងមជ្ឈមណ្ឌលឆ្លើយតបគ្រោះអាសន្នតាមអ៊ីនធឺណិត រដ្ឋបាលសន្តិសុខព័ត៌មាន ក្រសួងព័ត៌មាន និងផ្សព្វផ្សាយវៀតណាម និងមជ្ឈមណ្ឌលឆ្លើយតបបន្ទាន់ កំព្យួទ័រ ក្រសួងអេឡិចត្រូនិក និងបច្ចេកវិទ្យាព័ត៌មានឥណ្ឌា៕