នារសៀលថ្ងៃទី ១៤ មិថុនា នៅវិមានរដ្ឋសភា ប្រធានរដ្ឋសភាវៀតណាម លោក Vuong Dinh Hue បានទទួលជួបឯកអគ្គរដ្ឋទូតនូវែលសេឡង់ប្រចាំវៀតណាម លោកស្រី Tredene Cherie Dobson។
 កិច្ចសហប្រតិបត្តិការការពារជាតិ រួមចំណែកជាច្រើនក្នុងការអភិវឌ្ឍន៍ទំនាក់ទំនងវៀតណាម-កម្ពុជា |
 កសាងនិងអភិវឌ្ឍន៍ទំនាក់ទំនងវៀតណាម-កម្ពុជា តាមរយៈកម្មវិធី «បណ្ដុះពន្លកមិត្ដភាព» |
 |
| ប្រធានរដ្ឋសភាវៀតណាម លោក Vuong Dinh Hue ទទួលជួបឯកអគ្គរដ្ឋទូត New Zealand លោកស្រី Tredene Cherie Dobson |
នារសៀលថ្ងៃទី ១៤ មិថុនា នៅវិមានរដ្ឋសភា ប្រធានរដ្ឋសភាវៀតណាម លោក Vuong Dinh Hue បានទទួលជួបឯកអគ្គរដ្ឋទូតនូវែលសេឡង់ប្រចាំវៀតណាម លោកស្រី Tredene Cherie Dobson។
ប្រធានរដ្ឋសភាវៀតណាម លោក Vuong Dinh Hue បានសម្តែងនូវក្តីរីករាយចំពោះការអភិវឌ្ឍជាវិជ្ជមានក្នុងទំនាក់ទំនងរបស់ប្រទេសទាំងពីរក្នុងរយៈពេលកន្លងមក។ ក្នុងបរិបទដ៏ស្មុគស្មាញនៃជំងឺរាតត្បាត Covid-19 ប្រទេសទាំងពីរបានរក្សាជានិច្ចនូវការផ្លាស់ប្តូរ និងជំនួបរវាងថ្នាក់ដឹកនាំជាន់ខ្ពស់ ជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ ទំហំពាណិជ្ជកម្មទ្វេភាគីបានកើនឡើងជាលំដាប់ក្នុងរយៈពេលប៉ុន្មានឆ្នាំកន្លងមកនេះ។ ប្រធានរដ្ឋសភាវៀតណាម លោក Vuong Dinh Hue បានអះអាងថា វៀតណាមជានិច្ចកាលយកចិត្តទុកដាក់ចំពោះទំនាក់ទំនងដៃគូយុទ្ធសាស្ត្រជាមួយនូវែលសេឡង់។ អាស្រ័យលើមូលដ្ឋាននៃទំនាក់ទំនងទ្វេភាគីដែលកំពុងអភិវឌ្ឍន៍យ៉ាងល្អប្រសើរលើវិស័យជាច្រើន ប្រធានរដ្ឋសភាវៀតណាម លោក Vuong Dinh Hue បានស្នើនូវែលសេឡង់បង្កើតលក្ខខណ្ឌអំណោយផលដើម្បីបញ្ចប់នីតិវិធីបើកទីផ្សារផ្លែឈើរបស់វៀតណាមនាពេលឆាប់ៗ ជំរុញការនាំចូលផលិតផលកសិកម្ម និងជលផលពីវៀតណាមទៅកាន់នូវែលសេឡង់ ខិតខំជម្រុញទំហំពាណិជ្ជកម្មទ្វេភាគីសម្រេចបាន ២ ពាន់លានដុល្លារនៅឆ្នាំ ២០២៤ ជំរុញសហគ្រាសនូវែលហ្សេឡង់ឲ្យចូលមកវិនិយោគទុននៅវៀតណាម។
លោកស្រីឯកអគ្គរដ្ឋទូត Tredene Cherie Dobson បានអះអាងថា នូវែលសេឡង់ត្រៀមខ្លួនជាស្រេចក្នុងការពង្រីកកិច្ចសហប្រតិបត្តិការជាមួយវៀតណាមក្នុងការឆ្លើយតបទៅនឹងការប្រែប្រួលអាកាសធាតុ និងគ្រប់គ្រងការបំភាយឧស្ម័នមេតានក្នុងវិស័យកសិកម្ម ទន្ទឹមនឹងនោះ អភិវឌ្ឍសេដ្ឋកិច្ចឌីជីថល និងការផ្លាស់ប្ដូរឌីជីថល ចាំបាច់ត្រូវមានគោលនយោបាយ និងច្បាប់ ដើម្បីកែសម្រួល និងជំនះបញ្ហាប្រឈមនានា។ នូវែលសេឡង់ មានបំណងចង់សហការជាមួយរដ្ឋសភាវៀតណាម ដើម្បីចែករំលែកបទពិសោធន៍ក្នុងវិស័យនេះ។
ពិភាក្សាអំពីបញ្ហាអន្តរជាតិ និងតំបន់ដែលមានការយកចិត្តទុកដាក់ដូចគ្នា រួមទាំងបញ្ហាសមុទ្រខាងកើត ប្រធានរដ្ឋសភាវៀតណាម លោក Vuong Dinh Hue និងលោកស្រីឯកអគ្គរដ្ឋទូត Tredene Cherie Dobson បានសង្កត់ធ្ងន់លើសារៈសំខាន់នៃសេរីភាពក្នុងការធ្វើនាវាចរណ៍ និងអាកាសចរណ៍ គោរពតាមច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២៕
មតិពីមិត្តអ្នកអាន