នារសៀលថ្ងៃទី ១៣ មិថុនា នៅទីស្នាក់ការក្រសួងការពារប្រទេស លោកឧត្តមសេនីយ៍ឯក Hoang Xuan Chien អនុរដ្ឋមន្ត្រីក្រសួងការពារប្រទេសវៀតណាម បានទទួលជួបអនុរដ្ឋមន្ត្រីទី១ នៃក្រសួងការបរទេសសហរដ្ឋអាមេរិក លោកស្រី Wendy Sherman ។
 |
| លោកឧត្តមសេនីយ៍ឯក Hoang Xuan Chien ទទួលជួបអនុរដ្ឋមន្ត្រីទី១ នៃក្រសួងការបរទេសសហរដ្ឋអាមេរិក លោកស្រី Wendy Sherman។ (រូបថត៖ qdnd) |
នៅក្នុងជំនួបនេះ លោកឧត្តមសេនីយ៍ឯក Hoang Xuan Chien បានវាយតម្លៃថា ទំនាក់ទំនងកិច្ចសហប្រតិបត្តិការលើវិស័យការពារជាតិរវាងភាគីទាំងពីរនាពេលកន្លងមកដែលត្រូវបានអនុវត្តតាមស្មារតីនៃអនុស្សរណៈយោគយល់គ្នាស្តីពីការជំរុញកិច្ចសហប្រតិបត្តិការលើវិស័យការពារជាតិទ្វេភាគីដែលបានចុះហត្ថលេខាកាលពីឆ្នាំ ២០១១ និងសេចក្តីថ្លែងការណ៍ចក្ខុវិស័យរួមស្តីពីទំនាក់ទំនងការពារជាតិដែលបានចុះហត្ថលេខាកាលពីឆ្នាំ ២០១៥ និងសម្រេចបានលទ្ធផលជាវិជ្ជមានក្នុងវិស័យជំនះផលវិបាកនៃសង្គ្រាម កិច្ចសន្ទនា ការពិគ្រោះយោបល់ ការផ្លាស់ប្តូរគណៈប្រតិភូជាន់ខ្ពស់ ការបណ្តុះបណ្តាល ការសង្គ្រោះ និងការរក្សាសន្តិភាពរបស់អង្គការសហប្រជាជាតិនិងពេទ្យយោធា។
លោកឧត្តមសេនីយ៍ឯក Hoang Xuan Chien សង្ឃឹមថា នាពេលខាងមុខ ក្រសួងការបរទេសសហរដ្ឋអាមេរិកបន្តលើកសំណើដល់រដ្ឋសភានិងរដ្ឋាភិបាលសហរដ្ឋអាមេរិកគាំទ្រកិច្ចសហប្រតិបត្តិការលើវិស័យការពារជាតិដែលកំពុងអនុវត្តរវាងប្រទេសទាំងពីរ ដោយផ្តល់អាទិភាពលើកថវិកាសម្រាប់គម្រោងជំនះផលវិបាកនៃសង្គ្រាមនៅវៀតណាម ដែលក្នុងនោះពន្លឿនការកំចាត់ជាតិពុល dioxin ដំណាក់កាលទី ១ នៅអាកាសយានដ្ឋាន Bien Hoa។ ជួយគាំទ្រក្នុងការអនុវត្តអនុស្សរណៈយោគយល់គ្នាស្តីពីកិច្ចសហប្រតិបត្តិការស្វែងរក និងប្រមូលអដ្ឋិធាតុនៃយុទ្ធជនពលីវៀតណាម ព្រមទាំងបន្តយកចិត្តទុកដាក់ជួយគាំទ្រវៀតណាមលើកកំពស់សមត្ថភាពរក្សាសន្តិភាពរបស់អង្គការសហប្រជាជាតិ។
រីឯខ្លួនវិញ អនុរដ្ឋមន្ត្រីការបរទេសទី១ របស់ក្រសួងការបរទេសសហរដ្ឋអាមេរិក លោកស្រី Wendy Sherman បានបញ្ជាក់ជាថ្មីថា កិច្ចសហប្រតិបត្តិការក្នុងការជំនះផលវិបាកនៃសង្រ្គាម គឺជាមូលដ្ឋានគ្រឹះក្នុងទំនាក់ទំនងរវាងប្រទេសទាំងពីរ។ វាយតំលៃខ្ពស់ចំពោះខ្លឹមសារដែលភាគីទាំងពីរបានសហប្រតិបត្ដិការ រួមមានការដោះស្រាយជាតិពុល dioxin ការបោសសម្អាតមីន និងជួយឧបត្ថម្ភជនពិការនៅវៀតណាម។ ទន្ទឹមនឹងនោះ លោកមានបំណងចង់ឲ្យសហរដ្ឋអាមេរិកនឹងបន្តជួយឧបត្ថម្ភវៀតណាមក្នុងការបណ្តុះបណ្តាល ការរក្សាសន្តិភាពរបស់អង្គការសហប្រជាជាតិ ...៕
kh.qdnd.vn
មតិពីមិត្តអ្នកអាន