យុគសម័យ - រថភ្លើងក្រហមស្ថិតនៅកណ្តាលជួរភ្នំ ម្ខាងបែរមុខទៅភ្នំតែបៃតង ម្ខាងទៀតជាប់នឹងវាលផ្កាមានប្រាំពណ៌ដ៏ត្រចះត្រចង់នៅភ្នំតែ Cau Dat ទីក្រុង Da Lat គឺជាកន្លែង check-in ពេញនិយមសម្រាប់យុវវ័យ។
ចម្ងាយប្រហែល ៣០ គីឡូម៉ែត្រពីកណ្តាលទីក្រុង Da Lat ភ្នំតែ Cau Dat ស្ថិតក្នុងភូមិ Cau Dat ឃុំ Xuan Truong (ខេត្ត Lam Dong) គឺជាកន្លែង check-in សម្រាប់អ្នកចូលចិត្តធ្វើដំណើរ។
ភ្នំតែមានអាយុកាលជិត ១០០ ឆ្នាំ លាតសន្ធឹងលើផ្ទៃដីធំរហូតដល់ ២៣០ ហិកតា។ មកទីនេះ អ្នកនឹងគយគន់ភ្នំតែបៃតងជាប់ៗគ្នា ផ្ទះតូចៗដ៏គួរឱ្យស្រឡាញ់ដែលកសាងតាមរចនាបទស្ថាបត្យកម្មបារាំង សួនផ្កាដែលដាំប្រភេទផ្កាចម្រុះឬសួនផ្កាកុលាបពណ៌លឿងខ្ចីៗ ស្ថិតនៅកណ្តាលភ្នំស្រល់ពណ៌បៃតង។
 |
| កន្លែង check-in មានទីតាំងនៅតំបន់ភ្នំតែ Cau Dat |
ថ្មីៗនេះ បន្ទាប់ពីលេចចេញទួរប៊ីនខ្យល់យក្ស តំបន់ភ្នំតែ Cau Dat ក៏មានរថភ្លើងមួយផ្នែកនៅលើផ្ទៃខាងក្រោយពណ៌ខៀវ ស្រស់ស្អាតដូចទេសភាពនៅអឺរ៉ុប។
 |
| ទួរប៊ីនខ្យល់យក្ស តំបន់ភ្នំតែ Cau Dat |
ពណ៌ក្រហមជាចំណុចរំលេចរវាងពណ៌ខៀវនៃផ្ទៃមេឃ និងពណ៌នៃដើមឈើជុំវិញនោះ ធ្វើឲ្យរូបថតនីមួយៗមានការទាក់ទាញខ្លាំង។ គ្រាន់តែមានកាមេរ៉ា ឬទូរសព្ទមួយគ្រឿង អ្នកនឹងមានរូបថតស្រស់ស្អាត។
រថភ្លើងពណ៌ក្រហមនេះបានបង្កើតភាពស្រស់ស្អាតបែបទំនើប លាយឡំនឹងភាពព្រៃផ្សៃនៃភ្នំតែ Cau Dat ។ ជាការពិតជារថភ្លើងនេះគឺជាហាងកាហេ្វដែលបង្កើតឡើងដោយផ្អែកលើគំរូរថភ្លើង។ ដោយសារតែកំពុងដំណើរការសាងសង់ និងរៀបចំដាក់ឲ្យដំណើរការ ក្នុងអំឡុងពេលនេះ ហាងបានបើកឱ្យភ្ញៀវចូលទស្សនា ថតរូបបានដោយសេរី និងឥតគិតថ្លៃទាំងស្រុង។
បើតាមអ្នកទេសចរមួយចំនួនបានចែករំលែកបទពិសោធន៍អំពីការថតរូបនៅកន្លែងនេះ យើងគួរតែ មកទីនេះនៅពេលព្រឹក ចាប់ពីម៉ោង ៧ ដល់ ៩ ព្រឹក ឬពេលរសៀលចាប់ពីម៉ោង ៣ ដល់ម៉ោង ៥ ល្ងាច ដើម្បីមានពន្លឺថ្ងៃបន្តិច មិនភ្លឺខ្លាំង ពេលខ្លះមានអ័ ព្ទនាពេលព្រឹកព្រលឹមឬថ្ងៃលិច។
លើសពីនេះ ផ្នែកខាងក្នុងរថភ្លើងត្រូវបានតុបតែងដោយតុ និងកៅអីដ៏គួរឱ្យស្រឡាញ់ ដូច្នេះអ្នកអាចអង្គុយ និងពិសាកាហ្វេដ៏ឈ្ងុយឆ្ងាញ់ ក៏ដូចជាគយគន់ទេសភាពនៃភ្នំតែ។
បើអ្នកមានផែនការទៅទីក្រុង Da Lat កុំរំលងទេសភាពដ៏អស្ចារ្យនេះណាស់!
 |
| ទីតាំង check-in ថ្មីនៅទីក្រុង Da Lat៖ ទេសភាពរថភ្លើងនៅកណ្តាលវាលផ្កាដែលមានសម្រស់ស្រស់ស្អាតដូចទេសភាពនៅអឺរ៉ុប |
ឌីណា
សម្រស់បឹង Tuyen Lam នៅទីក្រុង Da Lat
ទីតាំងកំពូលដើម្បីថតរូបដ៏ស្អាតបំពង់ដូច នៅ "ឋានសួគ៌" ក្នុងទីក្រុង Da Lat
មតិពីមិត្តអ្នកអាន