យុគសម័យ - នាថ្ងៃទី ៦ មិថុនា ឯកអគ្គរដ្ឋទូតវៀតណាមប្រចាំនៅគុយវ៉ែត លោក Ngo Toan Thang បានជួបពិភាក្សាការងារជាមួយលោក Emad Al Zaid ជំនួយការអគ្គនាយកសភាពាណិជ្ជកម្ម និងឧស្សាហកម្មគុយវ៉ែត (KCCI) នៅទីស្នាក់ការ KCCI។
ជំរុញនិងធ្វើឲ្យស៊ីម្រៅថែមទៀតនូវនាក់ទំនងវៀតណាម-គុយវ៉ែត |
បញ្ជូនពលរដ្ឋវៀតណាមមកពីប្រទេស UAE គុយវ៉ែត អូស្រ្តាលី និងនូវែលសេឡង់ឲ្យត្រឡប់មកស្រុកកំណើតវិញ |
លោកឯកអគ្គរដ្ឋទូតវៀតណាមប្រចាំនៅគុយវ៉ែត Ngo Toan Thang និងលោក Emad Al Zaid ជំនួយការអគ្គនាយកសភាពាណិជ្ជកម្ម និងឧស្សាហកម្មគុយវ៉ែត។ |
ក្នុងជំនួបនេះ ភាគីទាំងពីរបានពិភាក្សាអំពីវិធានការជំរុញកិច្ចសហប្រតិបត្តិការសេដ្ឋកិច្ច-ពាណិជ្ជកម្មបន្ថែមទៀត ព្រមទាំងបានឯកភាពលើតម្រូវការនៃការសម្របសម្រួលរវាងស្ថានទូត និង KCCI នាពេលខាងមុខ ដើម្បីពង្រឹងទំនាក់ទំនងរវាងសហគមន៍ធុរកិច្ចនៃប្រទេសទាំងពីរ។ ជាពិសេសនៅពេលដែលការរាតត្បាត Covid-19 បានគ្រប់គ្រង ការរឹតបន្តឹងការធ្វើដំណើរត្រូវបានលុបបំបាត់។
លោក Emad បាននិយាយថា ទស្សនវិស័យ និងសក្តានុពលនៃកិច្ចសហប្រតិបត្តិការសេដ្ឋកិច្ច-ពាណិជ្ជកម្មរវាងប្រទេសគុយវ៉ែត និងវៀតណាមនៅតែមានច្រើន។
លោក Emad បានបញ្ជាក់ថា លោកនឹងរួមដំណើរជាមួយស្ថានទូត ដើម្បីរៀបចំសិក្ខាសាលាស្តីពីឱកាស និងបរិស្ថានធុរកិច្ចនៅវៀតណាម និងនៅប្រទេសគុយវ៉ែត ត្រៀមខ្លួនជាស្រេចស្វាគមន៍គណៈប្រតិភូធុរកិច្ចវៀតណាម ដើម្បីផ្លាស់ប្តូរ និងជំរុញពាណិជ្ជកម្មនាពេលខាងមុខ។
ដោយសារកង្វះការផ្គត់ផ្គង់នាពេលបច្ចុប្បន្ននេះ ធុរកិច្ចគុយវ៉ែតចាប់អារម្មណ៍លើផលិតផលកសិកម្ម ស្បៀងអាហារដូចជា អង្ករ គ្រាប់ កាហ្វេ តែ សម្ភារៈសំណង់ថ្មីៗ....។
លោកឯកអគ្គរដ្ឋទូត Ngo Toan Thang បានសម្តែងនូវបំណងចង់មានឱកាសសហប្រតិបត្តិការកាន់តែជិតស្និទ្ធជាមួយ KCCI នាពេលខាងមុខ ហើយបាននិយាយថា លោកនឹងជំរុញគណៈប្រតិភូធុរកិច្ចវៀតណាមទៅកាន់គុយវ៉ែតនៅឆ្នាំនេះ៕
Bao Quoc Te
មតិពីមិត្តអ្នកអាន