អង្គការអន្តរជាតិវាយតម្លៃខ្ពស់ចំពោះកិច្ចខិតខំប្រឹងប្រែងរបស់វៀតណាមក្នុងការគ្រប់គ្រងអតិផរណា

វិស័យទេសចរណ៍វៀតណាមជាប់ចំណាត់ថ្នាក់ខ្ពស់ បើទោះជាមានការរាតត្បាតកូវីដ-១៩ក៏ដោយ

វៀតណាម និងអេហ្ស៊ីបជំរុញកិច្ចសហប្រតិបត្តិការសេដ្ឋកិច្ច និងពាណិជ្ជកម្មក្រោយ Covid-19

ក្នុងរបាយការណ៍ក្រោមចំណងជើងថា "វៀតណាម៖ ការងើបឡើងវិញយ៉ាងខ្លាំងក្លាក្នុងបរិបទនៃភាពវីកវរខ្លាំងនៅខាងក្រៅ" ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន+៣ (AMRO) រំពឹងថា អតិផរណារបស់វៀតណាមនៅតែរក្សាបាននៅកម្រិតទាបជាង ៣.៥% ក្នុងឆ្នាំ២០២២ នេះ។ យោងតាម AMRO ដដែល ការសម្រេចបានលទ្ធផលនេះគឺដោយសារតែផែនការប្រើប្រាស់មូលនិធិធ្វើឱ្យស្ថិរភាពនូវតម្លៃប្រេង និងការគ្រប់គ្រងតម្លៃ ដើម្បីបំពេញឱ្យសម្ពាធដែលបានកើតមានឡើងពីការប្រែប្រួលតម្លៃថាមពលនៅលើពិភពលោក។

រូបថតឧទាហរណ៍ (baodautu.vn)

នៅក្នុងរបាយការណ៍ "Vietnam at a glance" កាលពីខែឧសភា ធនាគារ HSBC បានវាយតម្លៃថា សម្ពាធអតិផរណានៅវៀតណាមនៅតែមានកម្រិតទាបនៅក្នុងតំបន់អាស៊ាន។ HSBC បានព្យាករណ៍ថា អតិផរណានៅវៀតណាមនឹងស្ថិតនៅកម្រិត ៣.៧% ក្នុងឆ្នាំនេះ។

យោងតាមលោក Brian Lee Shun Rong អ្នកស្រាវជ្រាវម៉ាក្រូសេដ្ឋកិច្ចនៃធនាគារវិនិយោគ Maybank របស់ប្រទេសសិង្ហបុរី វៀតណាមកំពុងដើរតាមទិសត្រឹមត្រូវ ក្នុងការគ្រប់គ្រងអតិផរណាឆ្នាំ២០២២ ដោយការកាត់បន្ថយពន្ធលើតម្លៃបន្ថែម និងពន្ធការពារបរិស្ថានលើប្រេងសាំងយ៉ាងទាន់ពេលវេលា។ ទន្ទឹមនឹងនោះ កិច្ចខិតខំប្រឹងប្រែងដើម្បីធានាឲ្យបានប្រភពផ្គត់ផ្គង់ក្នុងស្រុកដ៏សម្បូរហូរហៀរ និងការគ្រប់គ្រងតម្លៃទំនិញសំខាន់ៗ ក៏បានចូលរួមចំណែកកាត់បន្ថយសម្ពាធអតិផរណា៕