នាយប់ថ្ងៃទី ២៨ ឧសភា នៅទីក្រុង Son La ខេត្ត Son La មជ្ឈិមគណៈកម្មាធិការសមាគមកសិករវៀតណាម សហការជាមួយគណៈកម្មាធិការបក្សខេត្ត និងគណៈកម្មាធិការប្រជាជនខេត្ត Son La បានប្រារព្ធពិធីបើក Festival ផ្លែឈើ និងផលិតផល OCOP វៀតណាម ឆ្នាំ២០២២
 លោកនាយករដ្ឋមន្ត្រី Pham Minh Chinh ចុះត្រួតពិនិត្យសំណង់និងគម្រោងមួយ ចំនួននៅខេត្ត Hoa Binh និង Son La |
 មហោស្រពវប្បធម៌ កីឡា និងទេសចរណ៍ព្រំដែនវៀតណាម-ឡាវលើកទី៣ ប្រព្រឹត្តទៅនៅខែកញ្ញា ឆ្នាំ២០២២ |
 |
| លោកនាយករដ្ឋមន្ត្រី Pham Minh Chinh ចូលរួមពិធីបើក Festival ផ្លែឈើ និងផលិតផល OCOP វៀតណាម ឆ្នាំ២០២២ |
កម្មវិធីនេះមានគោលបំណងលើកតម្កើងអ្នកដាំផ្លែឈើ និងផ្សព្វផ្សាយម៉ាកផលិតផលវៀតណាម OCOP ដែលជាផ្នែកនៃព្រឹត្តិការណ៍ជាបន្តបន្ទាប់នៅក្នុងសន្និសីទនាយករដ្ឋមន្ត្រីឆ្នាំ ២០២២ ស្តីពីការសន្ទនាជាមួយកសិករវៀតណាមដែលបានធ្វើឡើងនៅទីក្រុង Son La។
អញ្ជើញចូលរួមក្នុងពិធីក៏មានថ្នាក់ដឹកនាំ អតីតថ្នាក់ដឹកនាំបក្ស រដ្ឋ ថ្នាក់ដឹកនាំ និងអតីតថ្នាក់ដឹកនាំខេត្ត Son La ក្រសួង ស្ថាប័ន សាខាមជ្ឈិម មូលដ្ឋាន និងជនជាតិភាគតិចខេត្ត Son La។
នេះជាព្រឹត្តិការណ៍សំខាន់ បង្កើតលក្ខខណ្ឌសម្រាប់ខេត្ត Son La និងខេត្ត-ក្រុងនានាទូទាំងប្រទេស ដើម្បីជួបប្រាស្រ័យ ផ្លាស់ប្តូរ ផ្សព្វផ្សាយសក្តានុពល ឱកាសផ្សព្វផ្សាយពាណិជ្ជកម្ម និងតភ្ជាប់ទីផ្សារអ្នកប្រើប្រាស់ និងផលិតផល OCOP ក្នុងប្រទេស និងក្រៅប្រទេស; រួមចំណែកដល់ការស្តារ និងអភិវឌ្ឍន៍សេដ្ឋកិច្ចសង្គម បន្ទាប់ពីជំងឺរាតត្បាតកូវីដ-១៩។
មហោស្រពផ្លែឈើ និងផលិតផលវៀតណាម OCOP ឆ្នាំនេះប្រព្រឹត្តទៅចាប់ពីថ្ងៃទី ២៨ ឧសភា ដល់ថ្ងៃទី ៣១ ឧសភា ដោយមានស្តង់រាប់រយមកពីស្ថាប័ន អង្គភាពអាជីវកម្ម និងសហករណ៍មកពីខេត្ត ក្រុងទូទាំងប្រទេស។ ទន្ទឹមនឹងនោះគឺជាព្រឹត្តិការណ៍បន្តបន្ទាប់គ្នាដែលបំពេញគ្នាទៅវិញទៅមកនៅក្នុងកម្មវិធីរួមមួយដែលត្រូវបានផ្សារភ្ជាប់ជាមួយនឹងសកម្មភាព និងពិធីបុណ្យវប្បធម៌ដ៏សម្បូរបែប ភាពចម្រុះ ភាពទាក់ទាញ និងមានអត្ថន័យ។
អញ្ជើញចូលរួមពិធីបើកមានលោកនាយករដ្ឋមន្ត្រីវៀតណាម Pham Minh Chinh និងថ្នាក់ដឹកនាំក្រសួង ស្ថាប័នមជ្ឈិម និងមូលដ្ឋាន។ អញ្ជើញចូលរួមពិធីបើកមាន លោកឧត្តមសេនីយ៍ឯក Nguyen Tan Cuong ប្រធានអគ្គសេនាធិការ អនុរដ្ឋមន្ត្រីក្រសួងការពារប្រទេសវៀតណាម។
អញ្ជើញថ្លែងមតិក្នុងពិធីបើក លោកនាយករដ្ឋមន្ត្រី Pham Minh Chinh បានវាយតំលៃខ្ពស់ចំពោះគំនិតផ្តួចផ្តើមរបស់គណៈកម្មាធិការបក្សខេត្ត គណៈកម្មាធិការប្រជាជនខេត្ត Son La និងមជ្ឈិមសមាគមកសិករវៀតណាម ស្តីពីគំនិតផ្តួចផ្តើមរៀបចំ Festival ផ្លែឈើ និងផលិតផល OCOP វៀតណាម ឆ្នាំ ២០២២។
លោកនាយករដ្ឋមន្ត្រី បានបញ្ជាក់ថា ការបង្វែរដំណាំ ជាពិសេសដំណាំដែលមានតំលៃសេដ្ឋកិច្ចតិច ទៅជាដើមឈើហូបផ្លែ ដែលមានតម្លៃសេដ្ឋកិច្ចខ្ពស់ គឺជាគោលនយោបាយ និងការងារត្រឹមត្រូវ និងជាក់ស្តែង។ ក្នុងនោះ ខេត្ត Son La ជាកន្លែងលេចធ្លោក្នុងការអភិវឌ្ឍដំណាំហូបផ្លែរបស់វៀតណាម។
លោកនាយករដ្ឋមន្ត្រីបានស្នើឱ្យវិស័យកសិកម្មនិយាយរួម និងខេត្ត Son La និយាយដោយឡែក បន្តជំរុញការអនុវត្តវិទ្យាសាស្ត្រ និងបច្ចេកវិទ្យា ការអនុវត្តការបំប្លែងឌីជីថល ក្នុងនោះមានផ្លែឈើ និងផលិតផល OCOP កសាងម៉ាកយីហោ រៀបចំតំបន់វត្ថុធាតុដើម និងបច្ចេកទេសថែរក្សាទុកក្រោយពីបានប្រមូលផល...
មតិពីមិត្តអ្នកអាន