ថ្នាក់ដឹកនាំបក្សនិងរដ្ឋវៀតណាមអញ្ជើញចូលប្រាង្គតម្កល់សពគោរពវិញ្ញាណក្ខន្ធលោកប្រធានហូជីមិញ

វៀតណាមប្តេជ្ញាចិត្តយ៉ាងខ្លាំងក្លា ដើម្បីខឿន​សេដ្ឋកិច្ច​មហាសាគរ​ប្រកបដោយ​និរន្តរភាព

ពិភពលោកលើកតម្កើង ពង្រឹងនិងពង្រីកកេរ្តិ៍ដំណែលអំពីលោកប្រធានហូជីមិញ

គណៈប្រតិភូថ្នាក់ដឹកនាំបក្ស រដ្ឋ អញ្ជើញចូលប្រាង្គតម្កល់សពគោរពវិញ្ញាណក្ខ័ន្ធលោកប្រធានហូជីមិញ។

ក្នុងឱកាសរំលឹកខួបលើកទី ១៣២ ទិវាកំណើតលោកប្រធានហូជីមិញ នាព្រឹក ថ្ងៃទី ១៩ ឧសភា គណៈប្រតិភូគណៈកម្មាធិការមជ្ឈិមបក្ស ប្រធានរដ្ឋ រដ្ឋសភា រដ្ឋាភិបាល គណៈកម្មាធិការមជ្ឈិមរណសិរ្សមាតុភូមិវៀតណាម បានអញ្ជើញមកដាក់ កម្រងផ្កា ចូលប្រាង្គតម្កល់សពគោរពវិញ្ញាណក្ខន្ធលោកប្រធានហូជីមិញ ហើយអុជធូប រំលឹកវិញ្ញាណក្ខន្ធដល់វីរយុទ្ធជនពលីនៅស្ដូបរំលឹកវិញ្ញាណក្ខន្ធវីរយុទ្ធជនពលីនៅវិថី Bac Son។

អញ្ជើញចូលរួមក្នុងពិធីនេះ មានវត្តមានប្រធានរដ្ឋ លោក Nguyen Xuan Phuc ប្រធានរដ្ឋសភា លោក Vuong Dinh Hue តំណាងអចិន្រ្តៃយ៍គណៈលេខា លោក Vo Van Thuong; រួមជាមួយនឹងថ្នាក់ដឹកនាំគណៈកម្មាធិការ ក្រសួង ស្ថាប័ន និងអង្គការ មហាជនមជ្ឈិម។

គណៈប្រតិភូបានសម្តែងនូវការគោរព និងការដឹងគុណយ៉ាងជ្រាលជ្រៅចំពោះ គុណូបការៈដ៏ធំធេងរបស់លោកប្រធានហូជីមិញ វីរជនរំដោះជាតិ អគ្គមគ្គុទេសដ៏ឆ្នើម របស់បក្ស និងប្រជាជន វៀតណាម។

នៅចំពោះមុខវិញ្ញាណក្ខន្ធលោកប្រធានហូជីមិញ បណ្តាសមមិត្តឈានមុខបានសម្តែងនូវអំណរគុណដ៏វិសេសវិសាល និងគោរពរំលឹកគុណចំពោះការរួមចំណែកដ៏ធំធេងរបស់លោកប្រធានហូជីមិញក្នុងបុព្វហេតុតស៊ូរំដោះជាតិ បង្រួបបង្រួមប្រទេស កសាងសង្គមនិយមវៀតណាមសន្តិភាព ឯករាជ្យភាព ឯកភាព និងការអភិវឌ្ឍន៍។

គណៈប្រតិភូបានចូលរួមគោរពវិញ្ញាណក្ខន្ធវីរៈយុទ្ធជនពលី - បុត្រា បុត្រី ដ៏ឆ្នើមរបស់ប្រទេសជាតិ ដែលបានលះបង់មិនបង្ហូរឈាម តស៊ូយ៉ាងអង់អាចក្លាហាន និងពលីកម្មក្នុងបុព្វហេតុរំដោះជាតិ ឯករាជ្យ បូរណភាពទឹកដី ដើម្បីជាតិមាតុភូមិ ដើម្បីសេចក្តីសុខរបស់ប្រជាជន។

បន្ទាប់មក គណៈប្រតិភូបានអញ្ជើញមកដាក់កម្រងផ្កា អុជធូបរំលឹកវិញ្ញាណក្ខន្ធ ដល់វីរយុទ្ធជនពលី នៅស្តូបរំលឹកវិញ្ញាណក្ខ័ន្ធវីរយុទ្ធជនពលី នៅវិថី Bac Son ដើម្បីសម្ដែងការដឹងគុណចំពោះកុលបុត្រកុលធីតាឆ្នើមៗរបស់ប្រទេសជាតិ ដែលបានតស៊ូប្រយុទ្ធយ៉ាងអង់អាចក្លាហាន ហើយពលីសាច់ស្រស់ឈាមស្រស់ដើម្បីឯករាជ្យ និងសេរីភាពនៃមាតុភូមិ ដើម្បីសុភមង្គលរបស់ប្រជាជនទាំងមូល៕

យោងតាមវិឡូសំលេងវៀតណាម