យុគសម័យ - អ្នកជំនាញ និងសហគ្រាសជឿជាក់ថា តំរូវការត្រីប្រាក្នុងទីផ្សារជាច្រើនកំពុងស្តារៈឡើងវិញយ៉ាងខ្លាំងក្លា បង្កើតឱកាសសម្រាប់ការនាំចេញត្រីប្រារបស់វៀតណាម “រីកដុះដាល” នាពេលខាងមុខ។
 ឆ្លៀតឱកាសដើម្បីជំរុញខ្លាំងការនាំចេញជលផលទៅកាន់ទីផ្សារសហភាពអឺរ៉ុប |
 ទំហំនាំចេញនាំចូលឆ្នាំ២០២២របស់វៀតណាមអាចបង្កើតកំណត់ត្រាថ្មី |
 |
| ការប្រមូលផលត្រីប្រា ដើម្បីផ្គត់ផ្គង់ដល់រោងចក្រកែច្នៃសម្រាប់ការនាំចេញ នៅគ្រួសារកសិករដែលតភ្ជាប់នឹងសហគ្រាសនៅឃុំ Binh Hoa ស្រុក Chau Thanh (ខេត្ត An Giang)។ (រូបថត៖ Vu Sinh/VNA) |
នៅក្នុងត្រីមាសទីមួយនៃឆ្នាំ ២០២២ ការនាំចេញត្រីប្រាបានកើនឡើងជិត ៩០% ធៀបនឹងរយៈពេលដូចគ្នា កាលពីឆ្នាំមុន ដែលស្មើនឹងប្រហែល ២៧% នៃតម្លៃនាំចេញជលផលសរុបរបស់ប្រទេស។
សមាគមកែច្នៃនិងនាំចេញជលផលវៀតណាម (VASEP) បានសន្និដ្ឋានថា តម្រូវការពីទីផ្សារនាំចូលដូចជាសហរដ្ឋអាមេរិក អឺរ៉ុប និងប្រទេសអាស៊ីមួយចំនួនបានកើនឡើង។
យោងតាមអគ្គនាយកដ្ឋានជលផល គិតត្រឹមដំណាច់ខែមីនា ឆ្នាំ២០២២ ទិន្នផលប្រមូលផលសម្រេចបាន ៣៥ ម៉ឺនតោន កើនឡើង ៨.៨% បើធៀបនឹងរយៈពេលដូចគ្នា កាលពីឆ្នាំមុន។ តម្លៃត្រីប្រាមានទំងន់ពី ០,៧ -០,៨kg/ក្បាល ចាប់ពី ៣១.០០០ -៣២ .៥០០ ដុង/kg; ទំងន់ចាប់ពី ១ -១,២kg/ក្បាល ចាប់ពី ៣២.000 - ៣៤.៥០០ ដុង/គីឡូក្រាម។ តម្លៃត្រីប្រាមិនកែច្នៃបានកើនឡើងពី ៨.០០០-១០.០០០ដុង/គីឡូក្រាម បើសិនប្រៀបធៀបនឹងក្នុងរយៈពេលដូចគ្នា និងប្រហែលកើនឡើង ២០% បើធៀបនឹងដំណាច់ឆ្នាំ ២០២១។
លោកស្រី Ta Ha អ្នកជំនាញទីផ្សារត្រីប្រាមកពី VASEP បានវិភាគថា ការកើនឡើងយ៉ាងខ្លាំងនៃតម្លៃត្រីប្រាធ្វើឱ្យតម្លៃមធ្យមនៃសាច់ត្រីប្រាកកកើនឡើងពី ៣,២ ទៅ ៣,៤ ដុល្លារ/គីឡូក្រាម។ ក្នុងនោះ តម្លៃនាំចេញជាមធ្យមទៅកាន់ទីផ្សារអាមេរិកគឺកើនឡើងខ្ពស់បំផុត និងកើនឡើងយ៉ាងខ្លាំងរហូតដល់ជាង ៤,៥ ដុល្លារក្នុងមួយគីឡូក្រាម។
តម្លៃជាមធ្យមនៃការនាំចេញសាច់ត្រីប្រាក្លាសេទៅកាន់ទីផ្សារប្រទេសចិនក្នុងតំលៃពី ២,៤-៣,២៥ ដុល្លារ/គីឡូក្រាម (រយៈពេលដូចគ្នា កាលពីឆ្នាំមុនគឺ ១,៩-២,៩ ដុល្លារ/គីឡូក្រាម)។ តម្លៃសាច់ត្រីប្រាក្លាសេដែលនាំចេញទៅអឺរ៉ុបក្នងុចន្លោះពី ២,៩ - ៣,៤៥ ដុល្លារក្នុងមួយគីឡូក្រាម៕
ទីភ្នាក់ងារសារព័ត៌មានវៀតណាម
មតិពីមិត្តអ្នកអាន