នាព្រឹកថ្ងៃទី១៤ ខែមេសា គណៈកម្មាធិការបក្ស និងគណៈនាយកសាលាមធ្យមសិក្សាការពារព្រំដែនលេខ២ បានចុះសួរសុខទុក្ខ ជូនអំណោយ និងជូនពរបុណ្យចូលឆ្នាំថ្មីប្រពៃណីជាតិខ្មែរដល់សិក្ខាកាមនៃកងយោធពលខេមរភូមិន្ទដែលកំពុងសិក្សានៅសាលា។
 លោកអគ្គលេខាបក្ស Nguyen Phu Trong ផ្ញើសារលិខិត និងកន្ត្រកផ្កា អបអរសាទរបុណ្យចូលឆ្នាំថ្មីប្រពៃណីជាតិខ្មែរ |
 សាលាមធ្យមសិក្សាការពារព្រំដែនលេខ២ ជួបសំណះសំណាលជាមួយសិក្ខាកាមកម្ពុជាដែលកំពុងសិក្សានៅសាលា |
នៅក្នុងពិធីជួបសំណេះសំណាលជាមួយសិក្ខាកាមកម្ពុជា លោកវរសេនីយ៍ឯក Nguyen Duc Y ទទួលបន្ទុកនាយកសាលាមធ្យមសិក្សាការពារព្រំដែនលេខ ២ បានអបអរសាទរចំពោះសមិទ្ធិផលដែលកម្ពុជាសម្រេចបានក្នុងរយៈពេលប៉ុន្មានឆ្នាំកន្លងមក។ ទន្ទឹមនឹងនោះ លោកវរសេនីយ៍ឯក Nguyen Duc Y បានលើកសរសើរចំពោះសិក្ខាកាមកម្ពុជា ដែលបានខិតខំប្រឹងប្រែងយ៉ាងខ្លាំងដើម្បីទទួលបានលទ្ធផលខ្ពស់ក្នុងការសិក្សា។
 |
| ថ្នាក់ដឹកនាំសាលាមធ្យមសិក្សាការពារព្រំដែនលេខ២ ផ្តល់អំណោយដល់សិក្ខាកាមកម្ពុជា |
លោកវរសេនីយ៍ឯក Nguyen Duc Y សង្ឃឹមថា សិក្ខាកាមកម្ពុជាបន្តលើកកម្ពស់ស្មារតីទំនួលខុសត្រូវ គោរពតាមវិន័យ និងបទបញ្ញត្តិរបស់សាលា និងអង្គភាព ហើយខិតខំប្រឹងប្រែងក្លាយជានាយទាហានឆ្នើមក្នុងកងយោធពលខេមរភូមិន្ទ។ អាស្រ័យហេតុនេះ បន្តរក្សា និងពង្រីកទំនាក់ទំនងសាមគ្គីភាព និងមិត្តភាពរវាងកងទ័ព និងប្រជាជននៃប្រទេសទាំងពីរ វៀតណាម-កម្ពុជា។ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ លោកវរសេនីយ៍ឯក Nguyen Duc Y ជូនពរសិក្ខាកាមកម្ពុជាទាំងឡាយ និងសាច់ញាតិមានសុខភាពល្អ និងសម្រេចជោគជ័យគ្រប់ប្រការ។
ក្នុងឱកាសនេះ តំណាងសិក្ខាកាមនៃកងយោធពលខេមរភូមិន្ទ បានថ្លែងអំណរគុណចំពោះការយកចិត្តទុកដាក់របស់គណៈកម្មាធិការបក្ស និងគណៈនាយកសាលាមធ្យមសិក្សាការពារព្រំដែនលេខ២ ដែលបានជូនអំណោយ និងជូនពរឆ្នាំថ្មីប្រពៃណីជាតិខ្មែរ ព្រមទាំងសន្យាថានឹងខិតខំប្រឹងប្រែងសិក្សាឱ្យបានល្អ រួមចំណែករក្សា និងពង្រឹងទំនាក់ទំនងសាមគ្គីភាពរវាងប្រទេសទាំងពីរនិយាយរួម និងកងទ័ពទាំងពីរនិយាយដោយឡែក៕
មតិពីមិត្តអ្នកអាន